1 Kɔrɩntɩ Nɩaa 13:7 - WƖA TENIŊ

⁷ Dɩ ŋ nɛ cho nɩaa, ŋ jaŋ kɛŋ nyalɩma wɩɩkala lɛ, a laaba dii, a kɛŋ yɩɛlaa, a kɛŋ nyʋa-mɛrɛ.

1 Kɔrɩntɩ Nɩaa 13:7 ပူးပေါင်းရင်းမြစ်များ

WƖAA DƖ-SUOMUŊ 29:20

Ŋɩɩ nɛ Jekɔb tɩŋ jɩsɩŋ balɩpɛ dɩ ʋ laa Rakɛl. A tɩŋ Jekɔb fa sɩ cho tolo-la ŋɩɩ, jɩsɩŋ balɩpɛ-la nagɛ tapʋlaa baŋmɛnɛ nɛ ʋ teeŋ.

JOB 13:15

Wɩa nɛ jaŋ kpʋmɛ ma, ama mɩ ha jaŋ gbɛrɛ, a bʋl wɩɩ-la mɩ sɩ kɛnɛ ʋ sɩɩŋ lɛ.

WƖA YƖƖLAA 119:66

Pɩmɛ wʋjɩmɩŋ dɩ mɩ jɩmaa ŋaa wɩaa ba bʋa lɛ, bɛɛ wɩaa mɩ laa ŋ niiŋ wɩaa dii nɛ.

NAMAGABA 10:12

Dɩ ŋ nɛ bɛrɛ nʋʋ, ŋ dɩ tɩɩna jaŋ yuyuo bʋa na-kala, ama dɩ ŋ nɛ cho nʋʋ, ŋ jaŋ bee kieli wɩalɩŋ kala ʋ sɩ ŋaa cheyiŋ.

Matiu 10:22

Nʋʋkala jaŋ bɛrɛma a tɩŋ mɩ wɩaa. Ama nɩɩ-la kala sɩ nyalɩma a mʋ dɛrɛ, Wɩa jaŋ laaʋ ta.

Maak 9:23

Ŋɩɩ nɛ Yesu pɩɛsʋ, “Bɛɛ nɛ tɩɩ ŋ sɩ dɩ mɩ nɛ jaŋ wuo? Nɩɩ-la kala sɩ laa Wɩa dii, ʋ jaŋ wuo ŋaa wɩɩ na-kala.”

Rom Tɩŋŋaa 15:1

La nɩalɩŋ sɩ laa Wɩa dii woruŋ, ʋ maga dɩ la pɛ nɩalɩŋ sɩ bɩ ʋ laa dii woruŋ lɛ arɩ wɩalɩŋ ba sɩ bɩ doluŋ kɛnɛ lɛ. Ʋ bɩ maga dɩ la ŋɩŋaa wɩalɩŋ sɩɩ tɔrɛ la dʋndʋŋa tʋɔŋ.

Rom Tɩŋŋaa 8:24

La sɩ kɛŋ yɩɛlaa Wɩa lɛ nɛ tɩɩ ʋ laala ta. Dɩ la nɛ na wɩalɩŋ la sɩɩ yɩɛlʋ, ʋ bɩra bɩ maga dɩ la yɩyɩɛlɛ wɩɩ. Dɩ nʋʋ nɛ yɩɛlɛ kʋŋ, dɩ ʋ nɛ naʋ, ʋ jaŋ bɩra yɩyɩɛlɛ kʋ-la wɩaa? Aɩ.

1 Kɔrɩntɩ Nɩaa 13:4

Dɩ ŋ nɛ cho nɩaa, ŋ jaŋ kɛŋ kenyiri ba teeŋ a kɛŋ zile ma, ŋ bɩ jaŋ kɛŋ yarɩ-bieriŋ nɩaa teeŋ, ŋ bɩ jaŋ bibigisi ŋ tɩtɩa lɛ ba teeŋ, ŋ bɩ jaŋ ŋɩŋaa sɩɩ-duoŋ ma ba lɛ.

1 Kɔrɩntɩ Nɩaa 9:12

Dɩ ma nɩɩ pɩ nɩaa dɔnsʋŋ kɩaa deemba, ʋ bɩ maga dɩ ma faasa pɩla a kɩɩbaa? Ama la-na bɩ ŋɩɩ joŋo ʋ ŋaa fʋgʋna, dɩ la sɩ́ wɩɩkala ŋaa kɛrɛ Wɩa wʋzɔmɔ-la sɩ tɩgɛ Kirisito wombiiŋ lɛ.

Galiisia Nɩaa 6:2

Dɩ ma kʋŋ nɛ jʋʋ wɩɩ, má pɛ ʋ lɛ. Dɩ ma nɩɩ ŋaa ŋɩɩ, maa to Kirisito niiŋ nɛ.

MOSIS BƖRA WULLI WƖA WOMBIIŊ 1:9

Ŋɩɩ nɛ Mosis bɩra bʋla pɩba: Bʋa-la lɛ la sɩ hɛ Sɩnaɩ peel-la lɛ, mɩ bʋla pɩma arɩ mɩ dʋndʋŋa bɩ jaŋ wuo bemma,

MOSIS BƖRA WULLI WƖA WOMBIIŊ 22:27

Baal-la sɩ gurigi tolo-la nʋʋ sɩ sʋga dɩ ʋ jaa, ʋ jaŋ wuo ŋmoo niiŋ lee-la, ka nʋʋkala tuo dɩ ʋ laaʋ ta.

2 Tɛsalonaaka Nɩaa 1:4

Ŋɩɩ wɩaa dɩ la nɛ bʋl ma wɩaa nɩalɩŋ sɩ laa Yesu wɩaa dii aa hilimi leree dɔnsʋŋ, la yie bigisi ma lɛ nɛ, bɛɛ wɩaa ba to naasɩŋ dɔgɩsɛma nɛ, ma na hɛɛŋ, aŋ ka ma ha nyalɩmɛ a chɩŋ wɩalɩŋ ma sɩ laa dii lɛ.

2 Timoti 2:24

Nɩɩ-la sɩ tɩma pɩpɩ La Tɩɩna Wɩa, ʋ bɩ maga dɩ ʋ yuyuo yuosuŋ. Ʋ maga dɩ ʋ kɛŋ zile nɛ nʋʋkala lɛ, a wuo dɩdagɛ nɩaa woruŋ, aŋ pɛ kɛŋ kenyiri.

2 Timoti 3:11

Ŋ jɩŋ ŋɩɩ ba sɩ to naasɩŋ dɔgɩsɛmɛ nɛ arɩ ŋɩɩ mɩ sɩ na hɛɛŋ. Ŋ jɩŋ ŋɩɩ mɩ sɩ na hɛɛŋ nɛ Antɩɔk arɩ Ikooniam arɩ Lisita tinteeŋ kala lɛ, ba sɩ to naasɩŋ dɔgɩsɛmɛ ŋɩɩ nɛ, ka mɩ nyalɩmɛ. Ama mɩ Tɩɩna Wɩa lɩɩsɛmɛ nɛ ba kala lɛ.

2 Timoti 4:5

Ama ŋ-na hɛ doluŋ a kɛŋ ŋ tɩtɩa woruŋ wɩɩ na-kala lɛ. Dɩ hɛɛŋ nɛ jʋʋŋ ma, nyalɩmɛ. Ŋ sɩ ŋaa Wɩa tɩntɩnnʋ ŋɩɩ, bʋl Yesu wʋzɔmɔ-la a pɩ nɩaa a tɩŋ ŋ tɩntɩmɩɩ-la kala woruŋ.

Hiburu TƖŊŊAA 13:13

Yesu dii hɩɩsɩŋ nɛ woruŋ taŋ-la jeeŋ harɩŋ, ŋɩɩ wɩaa má leŋ dɩ la mʋ lee-la a ma dii hɩɩsɩ-la tɩtɩa.

Jeems 1:12

Wɩa jaŋ pɛ nɩɩ-la wɩɩŋ sɩ jʋa lɛ, aŋ ka ʋ wuo nyalɩmɛ a chɩŋ. Ʋ sɩ wuo nyalɩmɛ ŋɩɩ, Wɩa jaŋ joŋ mɩɩsɩ-la sɩ bɩ dɛrɛ a timu, mɩɩsɩ-la ʋ sɩ sɩ ʋ jaŋ joŋo pɩ nɩalɩŋ kala sɩ chou.

1 Pɩɩta 2:24

Yesu Kirisito tɩtɩa nɛ laa la wʋbɔŋŋɔɔ a chʋŋ, ba kpaasʋ mɛrɛ daagɛsɛ nyuŋ dɩ la joŋ harɩŋ yɩa wʋbɔŋŋɔɔ aŋ ŋɩŋaa tʋɔpʋl wɩaa. Ba vɩɩrʋ ʋ yaraa ŋaa naawɩɩlaa, ŋɩɩ nɛ leŋe la nyanyalaa kala dɛrɛ.

1 Pɩɩta 4:8

Wɩɩ-la sɩ ŋaa sɩɩfɩaŋ wɩɩŋ nɛ ŋ-la: Má hɛ ma doluŋ kala a faasa cho dɔŋɔ. Dɩ ma nɛ cho dɔŋɔ, ma jaŋ joŋ wʋdaŋ chɩchɛ dɔŋɔ.