1 Kɔrɩntɩ Nɩaa 13:5 - WƖA TENIŊ

⁵ Dɩ ŋ nɛ cho nɩaa, ŋ bɩ jaŋ ŋaa wɩaa jʋjʋʋ ba lɛ, ŋ bɩra bɩ jaŋ to ŋ tɩtɩa tʋɔtɔrʋŋ lɛ, ŋ bɩ jaŋ leŋ dɩ ŋ baanɩŋ sisii lɩma lɩma, ŋ bɩra bɩ jaŋ laa wɩaa hɩhɛ ŋ tʋɔŋ.

1 Kɔrɩntɩ Nɩaa 13:5 ပူးပေါင်းရင်းမြစ်များ

2 SAMƲƐL 10:3

Amɔŋ tɩŋŋaa nɩhɩasɩŋ pɩɛsɛ ba kuoro Hanuŋ, “Ŋ laa dii arɩ ŋ nyɩmma zile wɩaa nɛ tɩɩ Devit sɛnɛ tɩŋ nɩaa deemba dɩ ba kʋ lɔllʋŋ a tɩŋ ʋ sɩ sʋba wɩaa? Ka Devit bɩ ba tɩma dɩ ba kʋ lʋara beŋ la jaŋ a na ŋɩɩ ba sɩ jaŋ to a yuo diiu nɛɛ?”

JOB 21:27

Mɩ jɩŋ wɩalɩŋ kala ma sɩɩ bɩɩnʋ nɛ woruŋ, ma bɩɩnɛ ŋɩɩ ma sɩ jaŋ to a ŋaa wɩɩ cheimi nɛ.

NAMAGABA 14:17

Nɩalɩŋ baanɩŋ sɩɩ sii lɩma lɩma yie ŋɩŋaa nɩyaarɩ wɩaa nɛ. Ama nɩaa bɛrɛ wʋjɩŋ kɩŋkɛŋ tɩɩna nɛ.

AZAAYA 3:5

Nɩaa jaŋ nyagɛ dɔŋɔ bibil. Nɩaa jaŋ sii chɩŋ dɔŋɔba lɛ, nandɔsʋŋ jaŋ yʋ dɔŋɔba wɩaa. Hambiisiŋ bɩ jaŋ zizil nɩhɩasɩŋ. Nɩalɩŋ sɩ bɩ lee kɛnɛ ma paala bɩ jaŋ zizil nɩalɩŋ sɩ kɛŋ lee.

JƐRƖMAAYA 11:19

Mɩ fa nagɛ pie-bie sɩ ŋaa chɩm ka ba kaa mʋmʋ dɩ ba kpʋ nɛ. Mɩ fa bɩ jɩŋ dɩ ba pagɛ mɩ lɛ nɛ a bʋbʋl, “Má leŋ dɩ la nyʋgʋsɛ tɩa-la arɩ ʋ nɛnɛɛ kala. Má leŋ dɩ la keru ta nɩweyee tʋɔŋ, dɩ nɩaa bɩra sɩ́ ʋ wɩaa liisu.”

NAMBABA 12:3

(Mosis sɩaa fa fɩɛla nɛ woruŋ, ʋ sɩaa nɛ fa fɩɛla a kɩɩ nʋʋkala dʋnɩa lɛ.)

NAMBABA 16:15

Ŋɩɩ nɛ Mosis chaasa na baanɩŋ, a bʋla pɩ La TƖƖNA, “Sɩ́ ba Wɩɩsʋlʋŋ laa, mɩ ha bɩ ba kʋŋkala kakumo kaa laa, mɩ ha bɩ ba kʋŋkala wɩɩ ma cheye.”

NAMBABA 32:6

Ŋɩɩ nɛ Mosis pɩɛsɛ Gad doho nɩalɩŋ arɩ Rubiŋ doho nɩalɩŋ, “Maa chɛ dɩ ma hɔŋ daha nɛ ka dɩ ma naambiiriŋ mʋ laalɩŋ?

Matiu 5:22

Ama lɛɛlɛ mɩ jaŋ bʋla pɩma, nɩɩ-la kala sɩ na baanɩŋ ʋ naambie nyuŋ, ba jaŋ kɛnʋ kaa kʋ dii ʋ sarɩya. Nɩɩ-la ma kala sɩ yɩrɛ ʋ naambie nɩpɛɩpɛɩ, ba jaŋ kɛnʋ kaa mʋ nɩalɩŋ sɩ hilime vʋvʋʋrɛ wɩaa teeŋ. Nɩɩ-la ma kala sɩ yɩrɛ ʋ naambie a bʋl dɩ ʋ ŋaa nɩtɔɔ nɛ, ʋ tɩɩna jaŋ mʋ jʋʋ Wɩa nyiniŋ.

Matiu 9:4

Ama Yesu jɩŋ wɩɩ-la ba fa sɩɩ bɩɩnʋ a pɩɛsɛba, “Bɛɛ nɛ tɩɩ maa bɩɩnɛ wʋbɔmʋŋ deeŋ?

Maak 3:5

Ŋɩɩ nɛ Yesu na baanɩŋ ba nyuŋ a gɩɛnɛba. Ʋ tʋɔŋ chei a tɩŋ ba dɩgɩlɩŋ-bɩnɩɩ wɩaa. Ŋɩɩ nɛ ʋ bʋla pɩ na-sʋʋ-la tɩɩna, “Kɛŋ ŋ nɩsɩŋ tɩɛnɛ.” Ʋ kaa tɩɛnɛ. Ʋ nɩsɩ-la fɩɛlɛ a nagɛ ʋ nagɩŋ.

Luuk 7:39

Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

1 Kɔrɩntɩ Nɩaa 10:24

Nʋʋkala bɩ maga dɩ ʋ ŋɩŋaa ʋ dʋndʋŋa tʋɔtɔrɛ wɩaa, ama ʋ maga dɩ ʋ ŋɩŋaa wɩalɩŋ sɩɩ tɔrɛ ʋ dɔnsʋŋ tɩŋŋaa ma tʋɔŋ nɛ.

1 Kɔrɩntɩ Nɩaa 10:33

Má ŋɩŋaa ŋɩɩ mɩ sɩɩ ŋaa. Wɩɩ-na kala mɩ sɩɩ ŋaa, mɩ yie chɩchɛ dɩ mɩ pɛ nʋʋ lɛ nɛ. Mɩ bɩ chɛ dɩ mɩ ŋaa wɩaa a tɔrɛ mɩ tɩtɩa tʋɔŋ. Ama mɩɩ chɛ dɩ mɩ pɛ nɩ-daŋ lɛ nɛ, dɩ Wɩa wuo laaba ta.

1 Kɔrɩntɩ Nɩaa 11:18

Wɩɩ-la mɩ sɩɩ chɛ dɩ mɩ bʋl nɛ ŋ-la: Mɩ nɩa dɩ ma nɛ kʋ hilimi dɩ ma chʋɔlɛ Wɩa, ma bɩ nii-bala ka kɛŋ. Mɩ saa laa dii a nagɛ wʋtɩtɩɩ mʋa hɛ wɩɩŋ deeŋ mɩ sɩ nɩa lɛ.

1 Kɔrɩntɩ Nɩaa 12:25

Wɩa ŋaa ŋɩɩ dɩ nuhuobiine yaraa ŋaa kʋbala nɛ a kala tɩma pɩpɛ dɔŋɔ lɛ.

1 Kɔrɩntɩ Nɩaa 7:36

Dɩ baala nɛ sʋgɛ hatolo dɩ ʋ jaa, dɩ haal-la ma sɛɩ, aŋ ka ba ha bɩ dɔŋɔ jaa, dɩ baal-la nɛ bene arɩ ʋ bɩ ʋ tɩtɩa wuo kɛŋ, a chɩchɛ sɩɩfɩɛsɩŋ dɩ ʋ jɩŋ haal-la, a na dɩ haal-la ma ka hɩasʋ, ʋ maga dɩ ʋ jaaʋ. Ʋ ŋɩɩ bɩ wʋbɔŋ ŋaa.

2 Kɔrɩntɩ Nɩaa 5:19

Wɩa to Kirisito lɛ nɛ a wuo ŋaa ʋ dɩ dʋnɩa nɩaa kala sɩŋ. Wɩa na dʋnɩa nɩaa arɩ ba ŋaa wʋbɔŋŋɔɔ nɛ, ama ʋ fá ba nenige a joŋ ba wʋbɔmɔ-la a chɛba. Wɩa nɛ sɩ la bʋla pɩ nɩaa arɩ la dɩ Wɩa sɩma nɛ lɛɛlɛ.

Galiisia Nɩaa 5:13

Ka ma-na mɩ naambiiriŋ, Wɩa yɩrɛma nɛ dɩ ma tɩɩ ma tɩtɩa. Ma saa sɩ tɩɩ ma tɩtɩa ŋɩɩ, má sɩ́ ŋɩɩ joŋ a to ma tɩtɩa tʋɔtɔrɛ wʋŋaalaa lɛ. Ama má cho dɔŋɔ a tɩma pɩpa dɔŋɔ.

Fɩlɩpa Nɩaa 2:21

Nɩalɩŋ dɔnsʋŋ chɩl ba tɩtɩa wɩaa nɛ, ba bɩ Yesu Kirisito wɩaa chɩla.

Fɩlɩpa Nɩaa 4:8

Mɩ naambiiriŋ, wɩɩ-la dɩdɛrɩŋ nɛ ŋ-la: Má ŋɩŋaa wɩalɩŋ sɩ ŋaa wʋtɩtɩɩba, wɩalɩŋ sɩ kɛŋ yɩrɩŋ, wɩalɩŋ sɩɩ to wombiiŋ, wɩalɩŋ sɩ bɩ disiniŋ kɛnɛ, wɩalɩŋ sɩ daga arɩ ma cho nɩaa, wɩalɩŋ sɩ zɔmɔ nɩaa sɩpaaŋ arɩ wɩalɩŋ sɩ jaŋ leŋ dɩ nɩaa bɩbɛsɛ ma lɛ. Má joŋ ma nyuŋ hɛ wɩaa deemba lɛ.

2 Tɛsalonaaka Nɩaa 3:7

Ma tɩtɩa jɩma arɩ ʋ maga dɩ ma ŋaa wɩalɩŋ tɩtɩa la sɩɩ ŋaa. La sɩ kɔ ma teeŋ, la fa bɩ yarɩwɩɩŋ kɛnɛ.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

2 Timoti 4:16

Bʋa-la lɛ mɩ sɩ laa sɩpaaŋ bʋl wɩaa dɩ mɩ laa mɩ tɩtɩa, ba sɩɩ diimi sarɩya, nʋʋkala bɩ mɩ harɩŋ chɩna. Ba kala vɩamɛ ta nɛ. Mɩɩ sʋl Wɩa dɩ ʋ sɩ́ ba dɔgɩsʋ a tɩŋ wɩalɩŋ ba sɩ ŋaa wɩaa.

Jeems 1:19

Mɩ naambii-kpɩanaba, ma jɩŋ wɩɩŋ deeŋ: Nʋʋkala maga dɩ ʋ kɛŋ dɩgɩlɩŋ-jegilee, aŋ sɩ́ chele bʋbʋl wɩaa, a sɩ́ baanɩŋ ma lɩma lɩma nɩna,