1 Kɔrɩntɩ Nɩaa 13:4 - WƖA TENIŊ

⁴ Dɩ ŋ nɛ cho nɩaa, ŋ jaŋ kɛŋ kenyiri ba teeŋ a kɛŋ zile ma, ŋ bɩ jaŋ kɛŋ yarɩ-bieriŋ nɩaa teeŋ, ŋ bɩ jaŋ bibigisi ŋ tɩtɩa lɛ ba teeŋ, ŋ bɩ jaŋ ŋɩŋaa sɩɩ-duoŋ ma ba lɛ.

1 Kɔrɩntɩ Nɩaa 13:4 ပူးပေါင်းရင်းမြစ်များ

WƖAA DƖ-SUOMUŊ 30:1

Rakɛl sɩ na arɩ ʋ bɩ bii lʋla pɩ Jekɔb, ʋ yaraa bibieri ʋ malɩma nyuŋ. Ŋɩɩ nɛ ʋ bʋla pɩ Jekɔb, “Pɩmɛ bie, dɩ ŋɩɩ dee mɩ jaŋ sʋʋ.”

WƖAA DƖ-SUOMUŊ 37:11

Josɛf naambiiriŋ yaraa fa bibieri ʋ nyuŋ woruŋ, ka ʋ nyɩmma-na joŋ wɩɩ-la hɛ ʋ nyuŋ lɛ.

NƐHƖMAAYA 9:17

Ba vɩa dɩ ba jegile nɩɩ nɛ a bɩ wʋmagɩla-la ŋ sɩ ŋaa ma liise. Ba vɩa aŋ kɛŋ nyu-duo nɛ a lɩɩsɛ ba sɩpaalaara dɩ ʋ mɩɩra kɛmba mʋ Ijipiti tinteeŋ, lee-la ba fa sɩ ŋaa yosi. Ama ŋ ŋaa Wɩa sɩ joŋ wɩaa chɩchɛ nɩaa nɛ, a fɩfá nɩaa nisusuŋ, a kɛŋ zile. Ŋ baanɩŋ bɩ lɩma lɩma ka sii, ŋ chonuŋ ma bɩ dɛrɛ. Ŋɩɩ wɩaa, ŋ bɩ ba vɩa ta,

WƖA YƖƖLAA 10:5

Ba wɩɩkala chɩna nɛ woruŋ, ama ba bɩ jɩŋ ŋɩɩ Wɩa sɩ jaŋ dii ba sarɩya, aŋ bee gʋgʋʋnɛ ba dʋndɔŋŋɔɔ.

NAMAGABA 10:12

Dɩ ŋ nɛ bɛrɛ nʋʋ, ŋ dɩ tɩɩna jaŋ yuyuo bʋa na-kala, ama dɩ ŋ nɛ cho nʋʋ, ŋ jaŋ bee kieli wɩalɩŋ kala ʋ sɩ ŋaa cheyiŋ.

NAMAGABA 13:10

Nɩalɩŋ sɩɩ dagɛ ba tɩtɩa kɛŋ yuosuŋ nɛ kʋkɔ, ama nɩalɩŋ sɩ sɛyɛ dɩ ba dagɛba yie kɛŋ wʋjɩmɩŋ nɛ.

NAMAGABA 17:14

Dɩ ŋ nɩɩ suomi yuosuŋ, ʋ nagɛ nʋʋ sɩ kɛŋ fuoŋ gɩba bubori nɛ. Ŋɩɩ wɩaa joŋ wɩɩ-la bil sɔm, dɩ yuosuŋ sɩ́ sii.

NAMAGABA 17:9

Nɩɩ-la sɩ joŋ wɩalɩŋ nɩaa sɩ ŋaa chei chɩchɛba ka chɛ chonuŋ nɛ. Ama nɩɩ-la sɩɩ kuusi wɩalɩŋ kɛŋ nandɔŋ-fɩɛmaa pʋpɔrɛ dɔŋɔ lɛ nɛ.

NAMAGABA 19:22

Nuhuobiiŋ kala ka chɛ dɩ nɩaa kɛŋ chono-la sɩ bɩ dɛrɛ nɛ ʋ teeŋ. Summo nɛ kpɩa wʋnyɩɛra.

NAMAGABA 31:20

Ʋ yie pɩpɛ summoo arɩ nɩalɩŋ sɩ bɩ ba tɩtɩa lɛ wuo pɛ lɛ nɛ.

NAMAGABA 31:26

Ʋ yie bʋbʋl wɩaa arɩ wʋjɩmɩŋ nɛ, a kɛŋ zile a dɩdagɛ nɩaa woruŋ.

TƖƖCHA 10:4

Dɩ ma kuoro nɛ na baanɩŋ ŋ nyuŋ, sɩ́ ŋ dɩchɩnɩŋ vɩa. Dɩ ŋ nɛ tɔrɛ ŋ niiŋ, ŋɩɩ jaŋ wuo leŋ dɩ wɩɩ-la fɩɛlɛ.

Matiu 27:18

Paalɩt fa jɩma arɩ Juu tɩŋŋaa kʋhɩasɩŋ yaraa faa bieru nɛ, ŋɩɩ nɛ tɩɩ ba kɛŋ Yesu kaa kɔ ʋ teeŋ.

Tɩntɩŋŋaa 7:9

Ba tʋɔŋ dɔŋɔ yɩrɩŋ nɛ Josɛf. Kʋkaana-la yaraa bibieri ʋ nyuŋ, ba kɛnʋ kaa yalla pɩ baala kʋbalaba a nagɛ yomo. Ba kɛnʋ kaa mʋ Ijipiti tinteeŋ. Ama Wɩa fa pɛ ʋ lɛ woruŋ

Rom Tɩŋŋaa 1:29

Baa ŋaa wʋbɔŋ dosunuŋ kala nɛ. Ba kɛŋ nɩaa kɩaa lɩlaa, a ŋɩŋaa wʋlɔrʋnʋŋ, a kɛŋ yarɩ-bieriŋ, a kpʋkpʋ nɩaa, a yuyuo yuosuŋ, a gɩgɩrɩmɛ nɩaa, a ŋaa wɩaa jʋjʋʋ nɩaa lɛ, a bʋbʋl nɩaa wɩaa.

Rom Tɩŋŋaa 13:13

Má leŋ dɩ la kɛŋ la tɩtɩa woruŋ a nagɛ nɩaa sɩ hɛ pʋlʋmʋŋ tʋɔŋ. Má sɩ́ leŋe dɩ la faasa gbieli gbieli-tɔɔnʋŋ a bubugi, a ŋɩŋaa wʋlɩɩlɩŋ aŋ pɛ ŋaa wʋbɔŋŋɔɔ. Má sɩ́ dɔŋɔ yuo, má sɩ́ leŋe dɩ ma yaraa bibieri dɔŋɔ nyuŋ.

1 Kɔrɩntɩ Nɩaa 3:3

Ma haa ŋaa dʋnɩa wʋŋaalaa nɛ, bɛɛ wɩaa, ma kɛŋ yarɩ-bieriŋ dɔŋɔ lɛ, a yuyuo dɔŋɔ, ma sɩɩ ŋaa wɩaa deemba, dʋnɩa wʋŋaalaa dee ŋɩɩ?

1 Kɔrɩntɩ Nɩaa 4:18

Ma dɔnsʋŋ bɩrɩmɛ deŋgiŋ tɩmma nɛ a bɩɩnɛ arɩ mɩ bɩ jaŋ kʋ nama.

1 Kɔrɩntɩ Nɩaa 4:6

Mɩ naambiiriŋ, ma wɩaa nɛ tɩɩ mɩ joŋ wɩaa deemba mɩ sɩ bʋla a kaa magɩsɛ mɩ dɩ Apɔlɔs sɩ nagɛ ŋɩɩ dɩ ʋ wuo pɛ ma lɛ, dɩ ma wuo gʋnnɛ wɩɩ-la nɩaa sɩɩ bʋl, “Má sɩ́ bee kieli wɩalɩŋ ba sɩ ŋmʋnsa bil.” Ŋɩɩ jaŋ leŋ dɩ ma sɩ́ nʋʋkala beŋ arɩ ʋ nɛ kɩɩ ʋ dɔŋɔ.

1 Kɔrɩntɩ Nɩaa 5:2

Ɛɛ nɛ saa ma jaŋ wuo ŋaa a bigisi ma tɩtɩa lɛ? Ʋ maga dɩ ma tʋɔŋ chei nɛ, ka dɩ ma lɩɩsɛ nɩɩ-la sɩ ŋaa ŋɩɩ a ta ma tʋɔŋ.

1 Kɔrɩntɩ Nɩaa 8:1

Ma sɩ pɩɛsɛmɛ wɩaa dɔnsʋŋ a mʋ tɩgɛ vʋɩŋ kʋdiilee lɛ, mɩɩ chɛ dɩ mɩ bʋl wɩaa a mʋ tɩgɛ ba lɛ nɛ. Ʋ ŋaa wʋtɩtɩɩ nɛ arɩ la kala jɩŋ wɩaa nɛ. Wʋjɩmɩŋ saa yie kɛŋ ʋ tɩɩna bibigisi ʋ tɩtɩa lɛ nɛ. Ama nɩalɩŋ sɩ cho nɩaa yie pɛ ba lɛ nɛ dɩ ba chɩŋ wɩalɩŋ ba sɩ laa dii lɛ woruŋ.

2 Kɔrɩntɩ Nɩaa 12:20

Fawʋllʋŋ kɛmmɛ nɛ mɩ sɩ jaŋ kɔ ma teeŋ. Ŋ bɩ pɔ mɩ jaŋ kɔ dɩ ma bɩ ŋɩɩ mɩ sɩ cho naga, ma ma jaŋ na dɩ mɩ ma bɩ ŋɩɩ ma sɩ cho naga. Mɩ bɔyɛ ka joŋ arɩ mɩ nɛ kɔ, mɩ jaŋ nama dɩ maa yuo yuosuŋ, a kɛŋ yarɩ-bieriŋ, a nɩna baanɩŋ dɔŋɔ nyuŋ, a kɛŋ dɔŋɔ pʋpɔrɛ, a chichei dɔŋɔba yɩrɩŋ, a gɩgaa dɔŋɔ harɩŋ, a kɛŋ sɩɩ-duoŋ, a bɩ nii-bala kɛnɛ.

2 Kɔrɩntɩ Nɩaa 6:6

La yie dagɛ arɩ la ŋaa Wɩa tɩntɩnnaa nɛ, bɛɛ wɩaa la bɩ disiniŋ kɛnɛ. La jɩŋ wɩaa nɛ, a kɛŋ kenyiri, a kɛŋ zile, a kɛŋ Wɩa Dɩŋ-zɔmʋŋ ma, a cho nɩaa arɩ wʋtɩtɩɩ.

Galiisia Nɩaa 5:26

Má sɩ́ leŋe dɩ la cho dɩ la bibigisi la tɩtɩa lɛ, a sɩ́ leŋe dɩ la ŋaa dɩ la dɔnsʋŋ tɩŋŋaa baanɩŋ sisii, a sɩ́ yarɩ-bieriŋ kɛŋ dɔŋɔ lɛ.

Ɛfɛsɩs Nɩaa 4:2

Má leŋ dɩ ma sɩaa tuu tinteeŋ, a pɛ kɛŋ ma tɩtɩa muuri, a kɛŋ kenyiri, a joŋ wɩaa chɩchɛ dɔŋɔ, a tɩŋ ma sɩ cho dɔŋɔ wɩaa.

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

Fɩlɩpa Nɩaa 1:15

Mɩ jɩma arɩ nɩaa dɔnsʋŋ kɛŋ yarɩ-bieriŋ arɩ hadɔrʋŋ nɛ aa bʋl Kirisito wɩaa. Ama dɔnsʋŋ ma kɛŋ tʋɔbɩɩŋ zɔŋŋɔɔ nɛ a bʋbʋl Kirisito wɩaa.

Koloosi Nɩaa 1:11

Wɩa jaŋ pɩma ʋ dol-bal-la, dɩ ma wuo kɛŋ pɩɩna arɩ kenyiri, a kɛŋ tʋɔtɔrʋŋ

Koloosi Nɩaa 2:18

Má sɩ́ leŋe dɩ nʋʋkala joŋ cheeriŋ pɩma, nɩalɩŋ sɩ bɩɩna arɩ ba ŋaa nɩbala nɛ a tɩŋ ba sɩɩ na wɩaa a nagɛ duosoo tʋɔŋ a pɛsɛ ma lɛ dɩ ma kɛŋ ma tɩtɩa a muuri, a chʋchʋɔlɛ Wɩa tɩndaaraa. Ba bɩ wɩɩkala kɛnɛ sɩ maga dɩ ba bibigisi ba tɩtɩa lɛ. Ba yie ŋaa ŋɩɩ a tɩŋ ba sɩ yie bɩɩnɛ ba yaraa wɩaa nɛ.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

1 Tɛsalonaaka Nɩaa 5:14

La naambiiri, laa sʋlma dɩ ma kpʋrɩsɛ yarɩwɩɩ tɩŋŋaa dɩgɩlaa, a pɛ fawʋlʋbaa lɛ dɩ ba kɛŋ bɔɩ-duoŋ, a pɛ nɩalɩŋ sɩ bɩ faasa chɩŋ Wɩa wɩaa lɛ. Má kɛŋ kenyiri arɩ nʋʋkala.

1 Timoti 6:4

ʋ tɩɩna kɛŋ ʋ tɩtɩa yʋgɛ nɛ, aŋ bɩ wɩɩkala jɩŋ. Ʋ kɛŋ tʋɔbɩɩŋ bɔŋŋɔɔ nɛ a cho kaalɛrɛ, a ŋɩŋaa goŋ wɩalɩŋ sɩ bɩ sɩɩfɩaŋ wɩaa ŋaa lɛ. Ŋɩɩ yie leŋ nɩaa yaraa bibieri dɔŋɔ lɛ, ba yuyuo dɔŋɔ a tʋtʋʋsɛ dɔŋɔ, a bɩbɩɩnɛ wʋbɔŋŋɔɔ dɔŋɔ lɛ.

2 Timoti 2:25

Ʋ maga dɩ ʋ sɩaa fɩɛlɛ dɩ ʋ nɩɩ dagɛ nɩalɩŋ sɩ bɩ ʋ harɩŋ chɩna. Ŋ bɩ pɔ, Wɩa jaŋ leŋ dɩ ba na wombiiŋ a wuo bɩrɩma lɩɩ ba wʋbɔŋŋɔɔ lɛ a kʋ jɩŋ wʋtɩtɩɩ-la.

2 Timoti 3:10

Ama ŋ-na jɩŋ wɩalɩŋ mɩ sɩɩ dagɛ nɛ, a jɩŋ mɩ mɛlɛ, a jɩŋ wɩɩ-la mɩ sɩɩ chɛ dʋnɩa lɛ, a bɩra jɩŋ ŋɩɩ mɩ sɩ chɩŋ wɩalɩŋ mɩ sɩ laa dii lɛ, a kɛŋ kenyiri, a cho nɩaa aŋ kɛŋ nyalɩma ma.

2 Timoti 4:2

bʋl Wɩa wɩaa pɩpɩ nɩaa bʋa na-kala lɛ, dɩ wɩaa zɔmɔ koo dɩ ba lɔrɔ. Kɛmba tʋra kɩɩ, bʋl ba teeŋ, aŋ ŋaa dɩ ba nyuŋ nyaasɛ. Kɛŋ kenyiri a jɩma dɩdagɛba woruŋ.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Jeems 4:5

Ma bɩɩna wɩalɩŋ ba sɩ daga Wɩa teniŋ tʋɔŋ bɩ bʋbʋɔŋ kɛnɛɛ? Ba ŋmʋnsa arɩ ʋ Dɩŋ-zɔmʋŋ ʋ sɩ joŋo hɛ la lɛ chaasa kɛŋ hadɔrʋŋ nɛ woruŋ.

1 Pɩɩta 2:1

Ma sɩ kɛŋ mɩɩ-falɩŋ ŋɩɩ, má lɩɩsɛ ma tɩtɩa wʋbɔŋ kala lɛ, a sɩ́ nɩaa nyɩnyɩsʋ, a sɩ́ kanfugi tɩmma ŋaa. Má sɩ́ yarɩ-bieriŋ kɛŋ, a sɩ́ nɩaa harɩŋ gɩgaa.

1 Pɩɩta 3:8

Wɩɩ-la mɩ sɩɩ chɛ dɩ mɩ bʋl wʋkaanɩŋ nɛ ŋ-la: Má kala kɛŋ tʋɔ-bala, má fɩfá dɔŋɔ nenige, má cho dɔŋɔ, bɛɛ wɩaa ma ŋaa naambiiri nɛ, a kɛŋ zile dɔŋɔ lɛ, a kɛŋ ma tɩtɩa muuri dɔŋɔ teeŋ.

1 Pɩɩta 4:8

Wɩɩ-la sɩ ŋaa sɩɩfɩaŋ wɩɩŋ nɛ ŋ-la: Má hɛ ma doluŋ kala a faasa cho dɔŋɔ. Dɩ ma nɛ cho dɔŋɔ, ma jaŋ joŋ wʋdaŋ chɩchɛ dɔŋɔ.

2 Pɩɩta 1:7

ma sɩɩ ŋaa wɩalɩŋ sɩɩ to Wɩa wombiiŋ ŋɩɩ, ma kɛŋ zile ma naambiiri-la kala teeŋ, aŋ pɛ choba maa.

1 Jɔɔŋ 4:11

Mɩ bii-chooloo, Wɩa sɩ chola ŋɩɩ, ʋ maga dɩ la ma cho dɔŋɔ.