1 Kɔrɩntɩ Nɩaa 13:3 - WƖA TENIŊ

³ Dɩ mɩ nɛ joŋ mɩ kɩaa kala a pɩ summoo, a joŋ mɩ tɩtɩa a pɩ nɩaa dɩ ba nyɩgɛ nyiniŋ dɩ ʋ diimi kpʋ, aŋ bɩ nɩaa cho, ʋ bɩ nyʋʋrɩ kala kɛnɛ.

1 Kɔrɩntɩ Nɩaa 13:3 ပူးပေါင်းရင်းမြစ်များ

AZAAYA 57:12

Ma bɩɩna ma ŋaa tʋɔpʋl tɩmma nɛ, ama mɩ jaŋ wulli ma bʋbʋɔŋ kala.

JƐRƖMAAYA 7:8

Ama, ma bee na, ma mɩɩra joŋ ma yɩɛlaa hɛ ŋɩɩ ba sɩɩ nyɩsɛma lɛ nɛ, ʋ bɩ jaŋ pɛ ma lɛ.

Matiu 23:5

Ba yie ŋaa wɩɩkala dɩ nɩaa naba nɛ. Ba yie ŋmʋnsɛ Wɩa niiŋ wɩaa a hɛ teŋ-jalaa lɛ a kaa vʋvɔɔ ba gɛnnɩŋ nɩsaa lɛ arɩ ba nyunchuuluŋ lɛ aŋ leŋ ba gɛnnɩŋ jʋɔsaa ma duomi duomi.

Luuk 18:22

Yesu sɩ nɩɩ wɩalɩŋ ʋ sɩ bʋla, ʋ bʋla pʋ, “Wʋbala nɛ ka ŋ ha jaŋ ŋaa. Joŋ ŋ kɩaa kala a yallɛ, a joŋ moribie-la a pɩ summoo, aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 18:28

Ŋɩɩ nɛ Pɩɩta bʋla pʋ, “Bee na, la leŋ la dɩɩsɩŋ nɛ aŋ tuto ŋ harɩŋ.”

Luuk 19:8

Yesu sɩ hɛ Zakɩyas dɩa lɛ ŋɩɩ, Zakɩyas sii chɩŋ a bʋla pɩ La Tɩɩna Yesu, “Mɩ Kʋhɩaŋ, jegile nɩɩ mɩ teeŋ. Mɩ jaŋ joŋ mɩ kɩaa kpaa magɛ dɔŋɔ a pɩ summoo. Dɩ mɩ nɛ gɩrɩmɛ nʋʋ maa, mɩ jaŋ tiŋ ʋ tɩɩna arɩ moribiee naansɩɩŋ bʋnɛsɛ.”

Jɔɔŋ 12:43

Ba fa cho dɩ nɩaa nɛ bɩbɛsɛ ba lɛ a kɩɩ Wɩa sɩ bɛsɛ ba lɛ.

Jɔɔŋ 13:37

Pɩɩta bɩra pɩɛsʋ, “Mɩ Tɩɩna, bɛɛ nɛ tɩɩ mɩ bɩ jaŋ wuo to ŋ harɩŋ lɛɛlɛ? Mɩ paala kɛŋ mɩ tɩtɩa hɛ dɔŋɔ nɛ dɩ mɩ joŋ mɩ mɩɩsɩŋ yɔɔ sʋʋŋ nɛ ŋ wɩaa.”

Jɔɔŋ 15:13

Dɩ nʋʋ nɛ kɛŋ ʋ tɩtɩa hɛ dɔŋɔ dɩ ʋ joŋ ʋ mɩɩsɩŋ yɔɔ sʋʋŋ ʋ nandɔsʋŋ wɩaa, ʋ choba nɛ woruŋ. Nʋʋkala bɩ nɩɩ-la cho a magɛ nɩa deeŋ.

Jɔɔŋ 6:63

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Tɩntɩŋŋaa 21:13

Ŋɩɩ nɛ Pɔɔl bʋla pɩba, “Bɛɛ nɛ tɩɩ ma yiyel ŋ-la a ŋaa mɩ tʋɔŋ chichei? Dɩ ba nɛ jaŋ kɛmmɛ vɔɔ, koo dɩ ba nɛ kpʋmɛ ma Jerusalɛm lɛ a tɩŋ mɩ Tɩɩna Yesu wɩaa, mɩ sɛyɛ nɛ.”

Galiisia Nɩaa 5:26

Má sɩ́ leŋe dɩ la cho dɩ la bibigisi la tɩtɩa lɛ, a sɩ́ leŋe dɩ la ŋaa dɩ la dɔnsʋŋ tɩŋŋaa baanɩŋ sisii, a sɩ́ yarɩ-bieriŋ kɛŋ dɔŋɔ lɛ.

Fɩlɩpa Nɩaa 2:3

Wɩɩ na-kala ma sɩɩ ŋaa lɛ, má sɩ́ ma dʋndʋŋa wɩaa chɩl, a sɩ́ ma tɩtɩa lɛ ma bibigisu. Ama má leŋ dɩ ma sɩaa fɩɛlɛ dɔŋɔ nyuŋ, a sɩ́ beŋ arɩ ma kɩɩ ma dɔnsʋŋ tɩŋŋaa.

1 Timoti 4:8

Dɩ ŋ nɛ kɛŋ ŋ yaraa hʋhʋgʋsɛ, ŋɩɩ jaŋ pɛ ŋ lɛ mʋa. Ama dɩ ŋ nɛ kɛŋ ŋ tʋɔŋ a to Wɩa wombiiŋ, ŋɩɩ jaŋ pɛ ŋ lɛ dɩ ŋ na mɩɩsɩŋ dʋnɩa deeŋ lɛ, dɩ ŋ nɛ sʋba ma, ŋ jaŋ kɛŋ mɩɩsɩ-la sɩ bɩ dɛrɛ.

Hiburu TƖŊŊAA 13:9

Má sɩ́ leŋe dɩ nɩaa dɔnsʋŋ kɛŋ wʋtanɩa kʋ dagɛma dɩ ma yeŋŋi. Wɩa lahɔrɩmɔ lɛ nɛ la jaŋ wuo kɛŋ doluŋ a ŋaa wɩalɩŋ Wɩa sɩɩ chɛ, kʋdiilee kɩsɩnɩŋ lɛ dee. Nɩalɩŋ tɩtɩa sɩɩ to kʋdiilee kɩsɩnɩ-la ŋɩɩ bɩ ba lɛ ka pɛ.