1 Kɔrɩntɩ Nɩaa 13:2 - WƖA TENIŊ

² Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

1 Kɔrɩntɩ Nɩaa 13:2 ပူးပေါင်းရင်းမြစ်များ

Matiu 13:11

Ŋɩɩ nɛ Yesu bʋla pɩba, “Ma nɩaa deemba nɛ Wɩa dagɛ ʋ kuorii-la wɩaa sɩ faa bʋbʋɔŋ pɩpa, ama nɩ-daŋ kala dee.

Matiu 17:20

Ŋɩɩ nɛ Yesu bʋla pɩba, “Ma Wɩa laa diiniŋ bɩ yʋgɛ, ŋɩɩ nɛ tɩɩ. Wʋtɩtɩɩ, mɩ bʋlaa pɩma, dɩ ma Wɩa laa diiniŋ nɛ paala muuri a magɛ kʋ-la ba sɩɩ yɩrɛ masɩtad biiŋ ma, ma fa jaŋ wuo bʋl peeliŋ lɛ dɩ ʋ sii daha a mʋ sɛmɛ dɔŋɔ, ʋ jaŋ sɛnɛ mʋ. Wɩɩkala tuo ma fa bɩ jaŋ wuo ŋaa. [

Matiu 21:19

Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ.

Matiu 21:21

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ laa dii a bɩ tʋɔŋ balɩa kɛnɛ, ma ma jaŋ wuo ŋaa wɩɩ-la sɩ ŋaa tutogo-la lɛ. Ŋ-la ma dʋndʋŋa dee, ama ma jaŋ wuo paala bʋl peeliŋ deeŋ lɛ dɩ ʋ sii a mʋ tel mʋgʋ-balɩŋ tʋɔŋ, dɩ ŋɩɩ sɛnɛ ŋaa.

Tɩntɩŋŋaa 13:1

Nɩalɩŋ sɩ laa Yesu wɩaa dii aa hilimi Antɩɔk lɛ, Wɩa wʋlaabʋllaa arɩ nɩalɩŋ sɩɩ dagɛ nɩaa fa hɛ ba tʋɔŋ nɛ. Ba yɩraa nɛ: Banabas, arɩ Simioŋ ba sɩɩ yɩrɛ nɩ-bine, arɩ Lusias sɩ lɩɩ Siriini, arɩ Sɔɔl arɩ Maneyaŋ. (Tintee-la kuoro Hɛrɔd nɛ dɩɛsɛ Maneyaŋ.)

Rom Tɩŋŋaa 11:25

Mɩ naambiiriŋ, wɩaa nɛ hɛ nɩmɛ Wɩa fa joŋo faama, mɩɩ chɛ dɩ ma jɩŋ. Wɩɩ-la jaŋ ŋaa dɩ ma sɩ́ bɩɩna bʋl arɩ ma kɛŋ wʋjɩmɩŋ a bibigisi ma tɩtɩa lɛ. Wɩɩ-la nɛ ŋ-la: Iziral tɩŋŋaa sɩ kɛŋ nyu-duo-la, ba bɩ jaŋ kɛnʋ wuu. Bʋa-la lɛ dɩ nɩalɩŋ sɩ bɩ Juu tɩŋŋaa ŋaa nɛ kʋ yʋgɛ a laa Wɩa wɩaa dii, Iziral tɩŋŋaa nyu-duo-la jaŋ dɛrɛ.

Rom Tɩŋŋaa 15:14

Mɩ naambiiriŋ, mɩ chaasa laa dii arɩ maa ŋaa wʋzɔŋŋɔɔ nɛ woruŋ, a jɩŋ wɩaa ma woruŋ, a wuo dɩdagɛ dɔŋɔ.

Rom Tɩŋŋaa 16:25

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala,

1 Kɔrɩntɩ Nɩaa 11:4

Ŋɩɩ wɩaa dɩ baal nɩɩ chʋɔlɛ Wɩa, koo dɩ ʋ nɩɩ bʋl Wɩa wɩaa nɩaa tʋɔŋ, dɩ ʋ nɛ joŋ kʋŋ tɔ ʋ nyuŋ, ʋʋ hɩɩsɛ Kirisito nɛ.

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

1 Kɔrɩntɩ Nɩaa 13:1

Dɩ mɩ nɛ wuo bʋbʋl yikoro-na kala a wuo bʋbʋl Wɩa tɩndaaraa ma yikoro, aŋ bɩ nɩaa cho, ʋ nagɛ bimbelimiŋ nɛ mɩ ŋmuŋmoo ŋɩɩ a ŋɩŋaa goŋ pɛɩ.

1 Kɔrɩntɩ Nɩaa 13:3

Dɩ mɩ nɛ joŋ mɩ kɩaa kala a pɩ summoo, a joŋ mɩ tɩtɩa a pɩ nɩaa dɩ ba nyɩgɛ nyiniŋ dɩ ʋ diimi kpʋ, aŋ bɩ nɩaa cho, ʋ bɩ nyʋʋrɩ kala kɛnɛ.

1 Kɔrɩntɩ Nɩaa 13:8

Chonuŋ-na bɩ dɛrɛ. Dol-la Wɩa Dɩŋ-zɔmʋŋ sɩ joŋo pɩla la wuo bʋbʋl Wɩa wɩaa, a wuo bʋbʋl yikori dosunuŋ kala a pɛ wʋjɩmɩŋ ma lɛ, ba kala jaŋ lɛl.

1 Kɔrɩntɩ Nɩaa 14:29

Dɩ nɩaa nɛ hɛ ma tʋɔŋ aa bʋl Wɩa wɩaa Wɩa Dɩŋ-zɔŋ-la doluŋ lɛ, má leŋ dɩ ba ŋaa balɩa koo batori a bʋbʋl wɩalɩŋ, aŋ ka dɩ ma kʋkaanaa ma kɛŋ wɩalɩŋ ba sɩ bʋla kaa chɔ naa.

1 Kɔrɩntɩ Nɩaa 14:39

Ŋɩɩ wɩaa mɩ naambiiriŋ, má fɩɛsɛ sɩɩŋ a chɩchɛ dɩ ma wuo bʋbʋl Wɩa wɩaa ʋ Dɩŋ-zɔmʋŋ doluŋ lɛ, aŋ sɩ́ ma dɔnsʋŋ tɩŋŋaa kiru dɩ ba sɩ́ wɩaa bʋl yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl.

1 Kɔrɩntɩ Nɩaa 14:4

Dɩ nʋʋ nɩɩ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ʋ tɩɩna bʋla pɩpɛ ʋ tɩtɩa lɛ nɛ. Ama nɩɩ-la sɩɩ bʋl Wɩa wɩaa ka pɛ nɩalɩŋ sɩ laa Yesu wɩaa dii a hihilimi lɛ nɛ.

1 Kɔrɩntɩ Nɩaa 15:51

Má jegile nɩɩ, mɩ jaŋ bʋl wʋkpuŋkpere pɩma. La kala bɩ jaŋ sʋʋ. Ama bʋa kʋbala jaŋ kɔ dɩ Wɩa kɛŋ la yaraa kala bɩrɩmɛ.

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

1 Kɔrɩntɩ Nɩaa 4:1

Ma sɩɩ benla ŋɩɩ, ʋ maga dɩ nʋʋkala jɩŋ arɩ la ŋaa Kirisito tɩntɩnnaa nɛ. Wɩa joŋ ʋ wɩalɩŋ fa sɩ faa a hɛ la nɩsɩŋ lɛ nɛ.

1 Kɔrɩntɩ Nɩaa 7:19

Dɩ ŋ keri ŋ peniŋ koo dɩ ŋ bɩ kere, ʋ bɩ wɩɩ kɛnɛ Wɩa teeŋ. Wɩɩ-la sɩ ŋaa sɩɩfɩaŋ wɩɩ nɛ, dɩ ma tuto Wɩa niiŋ wɩalɩŋ ʋ sɩ bʋla.

1 Kɔrɩntɩ Nɩaa 8:4

Ŋɩɩ wɩaa aŋ ka vʋɩŋ kʋdiile-la wɩaa. La jɩma arɩ vʋɩŋ bɩ ku-wei ŋaa. La bɩra jɩma arɩ Wɩɩ-bala dʋndʋŋ nɛ hɛ nɩmɛ.

2 Kɔrɩntɩ Nɩaa 12:11

Mɩɩ ŋaa wɩaa a nagɛ mɩ ŋaa nɩyaarɩ nɛ. Ma nɛ saa yigimi hɛ ŋɩɩ lɛ. Ma nɛ fa maga dɩ ma bɩbɛsɛ mɩ lɛ. Mɩ jɩma arɩ mɩ bɩ nʋʋ ŋaa, ama nanzɔɔba-la sɩ joŋ ba tɩtɩa arɩ ba nɛ kɩɩ nʋʋkala, ba bɩ mɩ kpɩa.

Galiisia Nɩaa 5:16

Ama wɩɩ-la mɩ sɩɩ chɛ dɩ mɩ bʋla pɩma nɛ ŋ-la: Má to Wɩa Dɩŋ-zɔmʋŋ niiŋ lɛ aŋ vɩa ma tɩtɩa tʋɔtɔrɛ wʋŋaalaa,

Galiisia Nɩaa 5:22

Ama dɩ Wɩa Dɩŋ-zɔmʋŋ nɛ hɛ nʋʋ lɛ, ʋ yie ŋaa ʋ cho nɩaa nɛ, a kɛŋ tʋɔtɔrʋŋ, a fɩɛla hɔŋ sɔm, a kɛŋ kenyiri, a kɛŋ zile, a ŋɩŋaa wʋzɔŋŋɔɔ, a kɛŋ wʋtɩtɩɩ,

Galiisia Nɩaa 6:3

Dɩ nʋʋ nɛ bɩɩna arɩ ʋ ŋaa nʋʋ nɛ, aŋ bɩ nʋʋ ŋaa, ʋʋ nyɩsɛ ʋ tɩtɩa nɛ.

Ɛfɛsɩs Nɩaa 3:4

Dɩ ma nɛ karɩmɛ teŋ-la, ma jaŋ na ŋɩɩ Wɩa sɩ leŋe mɩ jɩŋ wɩalɩŋ fa sɩ faa a tɩgɛ Kirisito lɛ.

Ɛfɛsɩs Nɩaa 6:19

Má sʋl Wɩa pɩ mɩ ma dɩ mɩ nɛ suri mɩ niiŋ dɩ Wɩa dagɛmɛ wɩɩ-la mɩ sɩ jaŋ bʋl, a sɩ́ nʋʋkala fá, aŋ bʋl Yesu wʋzɔmɔ-la fa sɩ faa a pɩ nɩaa.

Koloosi Nɩaa 1:26

Wɩa niiŋ wɩaa fa fáa nɛ. Wɩa joŋo faa la naabalɩmaba nɛ faafaa kala a kʋ yi bʋa deeŋ lɛ. Ama lɛɛlɛ Wɩa joŋo dagɛ ʋ nɩaa nɛ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

1 Jɔɔŋ 4:8

Nɩɩ-la ma kala sɩ bɩ nɩaa cho, ʋ bɩ Wɩa jɩŋ, bɛɛ wɩaa chonuŋ ŋaa Wɩa kʋŋ nɛ.