1 Kɔrɩntɩ Nɩaa 12:9 - WƖA TENIŊ

⁹ Wɩa Dɩŋ-zɔmʋŋ yie ŋaa nʋʋ dɔŋ ma kɛŋ laa diiniŋ, ka dɔŋɔ ma kɛŋ doluŋ a ma wuo vɩvaarɛ nɩaa,

1 Kɔrɩntɩ Nɩaa 12:9 ပူးပေါင်းရင်းမြစ်များ

Matiu 10:8

Má vaarɛ nyanyal tɩŋŋaa a chɩsɛ sʋʋnʋŋ a vaarɛ gbegisiŋ a kiri jɩŋ-bɔŋŋɔɔ nɩaa lɛ. Dɩ ma nɛ ŋaa ŋɩɩ, má sɩ́ time kala laa, bɛɛ wɩaa ma ma bɩ kʋŋkala time aŋ laa.

Matiu 21:21

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ laa dii a bɩ tʋɔŋ balɩa kɛnɛ, ma ma jaŋ wuo ŋaa wɩɩ-la sɩ ŋaa tutogo-la lɛ. Ŋ-la ma dʋndʋŋa dee, ama ma jaŋ wuo paala bʋl peeliŋ deeŋ lɛ dɩ ʋ sii a mʋ tel mʋgʋ-balɩŋ tʋɔŋ, dɩ ŋɩɩ sɛnɛ ŋaa.

Maak 16:18

Ba jaŋ wuo kukori dɩŋŋaa, a nyʋa daalusuŋ sɩɩ kpʋ nɩaa, ka ʋ bɩ jaŋ ŋaaba wɩɩkala. Ba jaŋ wuo joŋ ba nɩsaa a daŋ nyanyal tɩŋŋaa lɛ dɩ ba duori.”

Maak 6:13

Ba kiri jɩŋ-bɔŋŋɔɔ ma a yʋgɛ nɩaa lɛ, aŋ joŋ nʋʋŋ ma a tɩsɛ nyanyal tɩŋŋaa yʋgɛ ba duori.

Luuk 10:9

Má vaarɛ nyanyal tɩŋŋaa ma kala sɩ hɛ taŋ-la lɛ aŋ bʋla pɩba, ‘Wɩa kuorii-la kʋ kpagɛma nɛ.’

Luuk 9:2

Ŋɩɩ nɛ ʋ tɩmba dɩ ba lɩɩ a bʋl Wɩa kuorii-la wɩaa aŋ pɛ vaarɛ nyanyal tɩŋŋaa.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 5:15

A tɩŋ wɩalɩŋ kala sɩɩ ŋaa wɩaa, ba paala paa puwuoloo kaa lɩɩ wombiiŋ niiŋ, a bilba godoba lɛ arɩ bɔsʋnʋŋ lɛ. Ba ŋaa ŋɩɩ dɩ Pɩɩta nɛ kʋʋ bal, dɩ ʋ daaliimiŋ wuo hɛ ba dɔnsʋŋ lɛ dɩ ba duori.

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

1 Kɔrɩntɩ Nɩaa 12:30

Ba kala dee bɩ doluŋ kɛnɛ dɩ ba vɩvaarɛ nɩaa. Ba kala dee bɩ yie bʋbʋl wɩaa yikori-yiriba-la, Wɩa Dɩŋ-zɔmʋŋ sɩ pɛ nɩaa lɛ ba bʋbʋl lɛ. Ba kala dee bɩ wɩalɩŋ Wɩa Dɩŋ-zɔmʋŋ sɩ bʋla bʋbʋɔŋ ka dagɛ.

1 Kɔrɩntɩ Nɩaa 13:2

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

2 Kɔrɩntɩ Nɩaa 4:13

Ba ŋmʋnsɛ Wɩa teniŋ tʋɔŋ a bʋl, “Mɩ laa Wɩa wɩaa dii nɛ, ŋɩɩ nɛ tɩɩ mɩɩ bʋlba.” La ma laa Wɩa dii ŋɩɩ tɩtɩa nɛ. Ŋɩɩ nɛ tɩɩ la ma laa ʋ wɩaa dii a ma bʋbʋlba.

Ɛfɛsɩs Nɩaa 2:8

Wɩa lahɔrɩmɔ nɛ tɩɩ ʋ laama ta, a tɩŋ ma sɩ laa ʋ wɩaa dii. Ʋ bɩ naga ma tɩtɩa doluŋ lɛ nɛ tɩɩ Wɩa laama ta, ʋ ŋaa ŋɩɩ pɩma chɔgɩta nɛ.

Hiburu TƖŊŊAA 11:33

Ba kala fa laa Wɩa wɩaa dii nɛ, ba yuo dii kuoroo arɩ ba tinteyee. Ba to wʋtɩtɩɩ-la Wɩa sɩɩ chɛ nɛ, a na kɩalɩŋ Wɩa sɩ sɩ ʋ jaŋ joŋo pɩba. Ba dɔnsʋŋ ma yuo dii naachigee.