1 Kɔrɩntɩ Nɩaa 12:2 - WƖA TENIŊ

² Ma jɩma bʋa-la lɛ ma fa sɩ bɩ Wɩa ka chʋɔlɛ, ma faa to Sɩtaanɩ harɩŋ nɛ, a faa kpaarɛ vʋɩyaa ma. Vʋɩyaa deemba fa bɩ wɩaa wuo bʋbʋl. Ba leŋe ma yeŋŋi nɛ.

1 Kɔrɩntɩ Nɩaa 12:2 ပူးပေါင်းရင်းမြစ်များ

WƖA YƖƖLAA 115:5

Ba kɛŋ niiŋ, aŋ bɩ wɩaa wuo bʋl, a kɛŋ sɩaa, aŋ bɩ na.

WƖA YƖƖLAA 115:7

Ba kɛŋ nɩsaa nɛ, aŋ bɩ jaŋ wuo digi kʋŋ a jɩŋ, a kɛŋ naasɩŋ, aŋ bɩ wuo vɛŋ, a bɩ goŋ ma wuo ŋaa.

WƖA YƖƖLAA 135:16

Tɔmɔ-la kɛŋ niiŋ nɛ, aŋ bɩ wɩaa wuo bʋl, a kɛŋ sɩaa aŋ bɩ na.

AZAAYA 46:7

Ba yie joŋo baasɛ, a kaa mʋ bil ʋ chɩŋ, ʋ bɩ wuo vɛŋ. Dɩ nʋʋ nɛ bunso pʋ ma, ʋ yie chɩŋ nɛ, ʋ bɩ wɩɩ wuo laa bʋl. Dɩ ŋ nɛ jʋʋ wɩɩ ma, ʋ bɩŋ wuo laata.

JƐRƖMAAYA 10:5

Ba vʋɩya-la nagɛ ba sɩ ŋaa kʋa bil baga lɛ nɛ dɩ ʋ nyɩnyɩsɛ diiree. Ba bɩ wɩaa wuo bʋl, ba yie jomba chʋŋ nɛ, bɛɛ wɩaa ba bɩ wuo vɛŋ. Má sɩ́ ba fá, ba bɩ wʋbɔŋ wuo ŋaa ma lɛ, a bɩ wʋzɔŋ ma wuo ma lɛ.”

Matiu 15:14

Má sɩ́ leŋe dɩ ba wɩaa walɩmɛma, ba ŋaa nyʋlɩma nɛ a laa nyʋlɩmaa sɩpaaŋ. Dɩ nyʋlɩma nɛ saa kɛŋ ʋ nyʋlʋŋ dɔŋɔ daaŋ lɛ, ba kala balɩa jaŋ tuu buotuoŋ.”

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Galiisia Nɩaa 4:8

Faafaa-la, ma sɩ bɩ Wɩa jɩŋ, ma faa to vʋɩyaa nɛ a ŋaa ba yosi.

1 Tɛsalonaaka Nɩaa 1:9

Nɩaa yie bʋbʋl ŋɩɩ ma sɩ kɛnla woruŋ bʋa-la lɛ la sɩ kɔ ma teeŋ. Ba yie bʋl ŋɩɩ ma sɩ vɩa ma vʋɩyaa ta aŋ bɩrɩma to Wɩa. Ʋ nɛ weye, ʋ nɛ ŋaa Wɩɩ-tɩtɩɩ-la.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

1 Pɩɩta 1:18

Ma kala jɩma arɩ Yesu Kirisito tiŋ ma chɩmɩŋ nɛ, a lɩɩsɛma wʋpɛɩba-la ma naabalɩmaba fa sɩ joŋo dagɛma, ma ŋɩŋaa lɛ. Ʋ bɩ naga arɩ kɩalɩŋ sɩɩ chei a nagɛ sɛlɩmɛ koo hɔɔ-pʋla nɛ ʋ joŋo time laama.

1 Pɩɩta 4:3

Bumbuŋ-la kala lɛ ma faa ŋaa wɩalɩŋ nɩalɩŋ fa sɩ bɩ Wɩa jɩŋ sɩɩ ŋaa nɛ. Ma faa to ma tʋɔtɔrɛ wʋŋaalaa harɩŋ nɛ aa ŋaa wʋlɩɩlɩŋ, a chɩl ma yaraa wʋchɛɛlɛɛ wɩaa, a fa nyʋa sɩnɩŋ bubugi, a ŋɩŋaa wʋtɔɔnʋŋ, a yie gɔllɔ nyʋnyʋa sɩnɩŋ, a faa kpaarɛ vʋɩyaa ma, wɩalɩŋ Wɩa sɩɩ kɩsʋ.