1 Kɔrɩntɩ Nɩaa 11:4 - WƖA TENIŊ

⁴ Ŋɩɩ wɩaa dɩ baal nɩɩ chʋɔlɛ Wɩa, koo dɩ ʋ nɩɩ bʋl Wɩa wɩaa nɩaa tʋɔŋ, dɩ ʋ nɛ joŋ kʋŋ tɔ ʋ nyuŋ, ʋʋ hɩɩsɛ Kirisito nɛ.

1 Kɔrɩntɩ Nɩaa 11:4 ပူးပေါင်းရင်းမြစ်များ

2 SAMƲƐL 15:30

Ka Devit kiele jɩl peel-la ba sɩɩ yɩrɛ Olif peeliŋ, aŋ yiyel, aŋ joŋ kʋa tɔ ʋ nyuŋ a vɩvɛŋ naabirimee a dɩdagɛ tʋɔ-cheeŋ. Nɩalɩŋ ma kala sɩɩ to ʋ harɩŋ paa kɩaa tɔ ba nyusuŋ aŋ ma yele tuto.

2 SAMƲƐL 19:4

Kuoro fa paa nɩsaa nɛ a tɔ ʋ sɩaa, aŋ faasa yiyel, “Mɩ bii Abɩsalɔm! Abɩsalɔm, mɩ bii, mɩ bii!”

MƖKA 7:6

bɛɛ wɩaa hambolibiisiŋ sɩɩŋ bɩ ba nyɩmmaba ka su. Hantolibiisiŋ ma kɛŋ ba naamba yuyuo yuosuŋ, bii-haalaa kɛŋ ba bala naamba yuyuo yuosuŋ. Nuhuobiine dʋndɔŋŋɔɔ nɛ ŋaa ʋ tɩtɩa dɩa nɩaa.

Tɩntɩŋŋaa 13:1

Nɩalɩŋ sɩ laa Yesu wɩaa dii aa hilimi Antɩɔk lɛ, Wɩa wʋlaabʋllaa arɩ nɩalɩŋ sɩɩ dagɛ nɩaa fa hɛ ba tʋɔŋ nɛ. Ba yɩraa nɛ: Banabas, arɩ Simioŋ ba sɩɩ yɩrɛ nɩ-bine, arɩ Lusias sɩ lɩɩ Siriini, arɩ Sɔɔl arɩ Maneyaŋ. (Tintee-la kuoro Hɛrɔd nɛ dɩɛsɛ Maneyaŋ.)

1 Kɔrɩntɩ Nɩaa 11:14

Wɩa sɩ ŋaa baala, ʋ daga arɩ baala arɩ nyu-pʋŋ-duduosuŋ kɛŋ hɩɩsɩŋ nɛ,

1 Kɔrɩntɩ Nɩaa 11:5

Dɩ haal ma kala nɩɩ chʋɔlɛ Wɩa koo dɩ ʋ nɩɩ bʋl Wɩa wɩaa, aŋ bɩ kʋŋ joŋo tɔ ʋ nyuŋ, ʋʋ hɩɩsɛ ʋ bala nɛ. Dɩ haal nɛ bɩ kʋŋ joŋo tɔ ʋ nyuŋ, ʋ naga arɩ ʋ fʋŋ ʋ nyuŋ nɛ.

1 Kɔrɩntɩ Nɩaa 12:10

ka dɔŋɔ ma kɛŋ doluŋ a kaa ŋaa wʋkpuŋkperisiŋ, ka dɔŋɔ ma kɛŋ doluŋ a wuo bʋbʋl Wɩa wɩaa, ka dɔŋɔ ma bɩra kɛŋ wʋjɩmɩŋ ʋ yie jɩŋ dɩnsɩ-la sɩ lɩɩ Wɩa teeŋ arɩ dɩnsɩ-la sɩ bɩ ʋ teeŋ lɩa pɛgɛ. Wɩa Dɩŋ-zɔmʋŋ yie pɩ nʋʋ dɔŋ ma doluŋ ʋ wuo bʋbʋl wɩaa, yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ka ʋ pɩ dɔŋɔ ma wʋjɩmɩŋ ʋ wuo dagɛ wɩalɩŋ ba sɩ bʋla bʋbʋɔŋ.

1 Kɔrɩntɩ Nɩaa 12:28

Ŋɩɩ nɛ tɩɩ nɩalɩŋ sɩ laa Yesu wɩaa dii aa hilimi tʋɔŋ, Wɩa joŋ ma kala hɛ leree nɛ, nɩalɩŋ sɩ laa sɩpaaŋ nɛ Wɩa nanzɔɔba, nɩalɩŋ sɩ tɩgɛ ba lɛ nɛ ŋaa Wɩa wʋlaabʋllaa, nɩalɩŋ sɩɩ to nɛ ŋaa nɩalɩŋ sɩɩ dagɛ Wɩa wɩaa, arɩ nɩalɩŋ ma sɩɩ ŋaa wʋmagɩlaa arɩ nɩalɩŋ ma Wɩa Dɩŋ-zɔmʋŋ sɩ joŋ doluŋ pa ba vɩvaarɛ nɩaa, arɩ nɩalɩŋ sɩɩ pɛ nɩaa lɛ, arɩ nɩalɩŋ sɩɩ beŋ nɩaa, arɩ nɩalɩŋ sɩɩ bʋl wɩaa yikoro-la Wɩa Dɩŋ-zɔŋ-la sɩ pɛ ba lɛ ba bʋbʋl.

1 Kɔrɩntɩ Nɩaa 13:2

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

1 Tɛsalonaaka Nɩaa 5:20

Má sɩ́ wɩalɩŋ ba sɩ bʋla Wɩa Dɩŋ-zɔŋ-la doluŋ lɛ vɩa.