1 Kɔrɩntɩ Nɩaa 10:8 - WƖA TENIŊ

⁸ Ʋ bɩra bɩ maga dɩ la ŋaa wʋlɩɩlɩŋ, arɩ la naabalɩmaba dɔnsʋŋ fa sɩɩ ŋaa ŋɩɩ. Ŋɩɩ wɩaa nɛ tɩɩ Wɩa leŋ ba nɩaa bʋɩ mara arɩ batori sii sʋʋ chɛ-bala.

1 Kɔrɩntɩ Nɩaa 10:8 ပူးပေါင်းရင်းမြစ်များ

WƖA YƖƖLAA 106:29

Ba ŋaa wʋbɔmɔ-la nɛ, La Tɩɩna na baanɩŋ ba nyuŋ, a joŋ nyanyal-bɔmʋŋ hɛ ba lɛ.

Matiu 5:32

Ama lɛɛlɛ mɩ jaŋ bʋla pɩma, baal-na kala sɩ vɩa ʋ haala, ʋ ŋaa bachɔrʋŋ nɛ, see dɩ haal-la ka ŋaa hachɔrʋŋ wɩaa, ka ʋ bala-na vɩaʋ. Dɩ haal-la nɛ bɩra mʋ jaa baal dɔŋ, baal-la sɩ jaaʋ, ʋ ma bɩrɩmɛ bachɔrʋŋ nɛ.

1 Kɔrɩntɩ Nɩaa 6:18

Má lɩɩsɛ ma tɩtɩa wʋlɩɩlɩŋ lɛ. Wʋbɔŋ-na kala nuhuobiine sɩ ŋaa bɩ ʋ yaraa ka chei, ama baal-la sɩɩ ŋaa wʋlɩɩlɩŋ yie chei ʋ yaraa kala nɛ.

1 Kɔrɩntɩ Nɩaa 6:9

Ma bɩ jɩŋ arɩ nɩbɔŋŋɔɔ bɩ jaŋ wuo jʋʋ Wɩa kuorii-la tʋɔŋ? Má sɩ́ ma tɩtɩa nyɩsʋ. Nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩɩ kpaarɛ vʋɩyaa, arɩ bachɔrʋmɔɔ arɩ hachɔrʋmɔɔ, arɩ baalaa koo haalaa balɩa sɩ jaa dɔŋɔ, arɩ baala-la koo haala-la sɩ gɔllɛ lee-kala a ŋɩŋaa ba-lɩɩlɩ koo hachɔrʋŋ wɩaa,

Jɔɔŋ Wʋnaalaa 2:14

Ma ŋaa kukeri nɛ, ama wɩaa baŋmɛnɛ nɛ ma ŋaa chei. Nɩaa dɔnsʋŋ hɛ ma tʋɔŋ a tuto wɩalɩŋ baal-la ba sɩɩ yɩrɛ Balam fa sɩɩ dagʋ. Ʋ nɛ dagɛ kuoru kʋbala baa yɩrɛ Balak dɩ ʋ nyɩsɛ Iziral tɩŋŋaa dɩ ba didii vʋɩyaa kɩaa aŋ pɛ ŋɩŋaa wʋlɩɩlɩŋ.