1 Kɔrɩntɩ Nɩaa 10:1 - WƖA TENIŊ

¹ Mɩ naambiiriŋ, mɩɩ chɛ dɩ ma liise mʋ yi wɩɩ-la sɩ ŋaa la naabalɩmaba fa sɩɩ to Mosis harɩŋ lɛ. Wɩa leŋe duoŋ-bɩlɩmbaanɩŋ nɛ kʋ kiese tɔ ba kala lɛ, a beŋ ba nyuŋ woruŋ ba kala chol mʋgʋ-bal-la ba sɩɩ yɩrɛ Mʋgʋ-fɩaŋ.

1 Kɔrɩntɩ Nɩaa 10:1 ပူးပေါင်းရင်းမြစ်များ

NƐHƖMAAYA 9:19

A tɩŋ ŋ sɩ faasa fɩfá nɩaa nenige wɩaa, ŋ bɩ ba vɩa ta tintee-hɩlɩŋ lɛ. Wɩɩhɛyɛ, duoŋ-bɩlɩmbaaŋ-la sɩ nagɛ jebiiŋ bɩ ba harɩŋ mɩɩra, nyiŋ-la ma sɩ nagɛ jebiiŋ a chaanɛ pʋlʋmʋŋ pɩpɩba a dɩdagɛba wombii-la ba sɩ jaŋ to bɩ ba harɩŋ mɩɩra.

WƖA YƖƖLAA 105:39

Wɩa fa leŋe duoŋ-bɩlɩmbaanɩŋ nɛ tɔ hɛ ʋ nɩaa lɛ, aŋ leŋ nyiniŋ ma laa ba sɩpaaŋ tɩtaŋɩŋ.

WƖA YƖƖLAA 66:6

Ʋ leŋe mʋgʋ-balɩŋ lɩɩŋ hʋ nɛ aŋ ka tintee-hɩlɩŋ pɩŋ, la naabalɩmaba vɛŋ ʋ lɛ, a chol. Ŋɩɩ nɛ la tʋɔŋ tɔrɛ ʋ nyuŋ la jʋjʋɔsɛ.

WƖA YƖƖLAA 78:53

Ʋ fa beŋ ba nyuŋ nɛ woruŋ, fawʋllʋŋ bɩ ba kɛnɛ, ama aŋ leŋ mʋga sii kʋ tɔ ba dʋndɔŋŋɔɔ-na kala lɛ.

MOSIS KƐŊ IZIRAL TƖŊŊAA LƖƖ 14:29

Ama Iziral tɩŋŋaa wuo vɛŋ tintee-hɩlɩŋ lɛ nɛ mʋga-la tʋɔŋ, aŋ ka lɩɩŋ nagɛ jebiiŋ ba nadiiŋ arɩ ba nagʋa kala.

MOSIS KƐŊ IZIRAL TƖŊŊAA LƖƖ 40:34

Ŋɩɩ nɛ duoŋ-bɩlɩmbaanɩŋ kʋ tɔ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ. La TƖƖNA tʋla su Wɩa dɩ-zɔŋ-la kala.

NAMBABA 14:14

Ijipiti tɩŋŋaa jaŋ bʋl wɩɩ-la pɩ tinteeŋ deeŋ nɩaa. Ba paala nɩɩ arɩ ŋ-na La TƖƖNA hɛ ŋ nɩaa deemba tʋɔŋ nɛ, ba chaasa naŋ nɛ, ŋ duoŋ-bɩlɩmbaaŋ-la sɩ chugilo tɔ ŋ nɩaa lɛ. Ŋ duoŋ-bɩlɩmbaaŋ-la yie laa ba sɩpaaŋ wɩɩhɛyɛ, tɩtaŋɩŋ ma ʋ nagɛ jebiiŋ sɩ ŋaa nyiniŋ.

NAMBABA 33:8

Ba bɩra sii Pi-Hahɩrɔf lɛ a to Mʋgʋ-fɩaŋ tʋɔŋ a mʋ jʋʋ Ɛtam tintee-hɩlɩɩ-la. Ba vɛŋ ʋ tʋɔŋ tapʋlaa batori nɛ a mʋ hɔŋ Mara lɛ.

Jɔɔŋ 4:20

Haal-la bɩra bʋla pʋ, “La-na Samarɩa tɩŋŋaa naabalɩmaba ka chʋɔlɛ Wɩa peeliŋ deeŋ nyuŋ nɛ, aŋ ka ma Juu tɩŋŋaa sɩ Jerusalɛm nɛ lee-la sɩ maga dɩ laa chʋɔlɛ Wɩa.”

Rom Tɩŋŋaa 1:13

Mɩ naambiiriŋ, mɩ cho dɩ ma jɩŋ arɩ mɩ walɩma walɩma dɩ mɩ kʋ nama nɛ, ama wɩɩ nɛ yie tɩɩ mɩ bɩ kɔ. Mɩ cho dɩ mɩ ŋaa dɩ nɩaa lɩɩ ma tʋɔŋ nɛ a kʋ to Wɩa, arɩ mɩ sɩ ŋaa ŋɩɩ nɩalɩŋ dɔnsʋŋ sɩ bɩ Juu tɩŋŋaa ŋaa lɛ.

Rom Tɩŋŋaa 11:21

Wɩa sɩ bɩ tɩa-la naakelee tɩtɩa nenige fá aŋ keriba ta ŋɩɩ, dɩ ma ma nɛ bɩ ma sɩaa fɩɛla, ʋ jaŋ keri ma ma ta ŋɩɩ tɩtɩa.

Rom Tɩŋŋaa 4:11

Abɩraham sɩ keri ʋ peniŋ ŋɩɩ ŋaa magɩl nɛ, aa dagɛ arɩ ʋ sɩ laa Wɩa dii nɛ tɩɩ ʋ kɛŋ tʋɔpʋla ʋ sɩpaaŋ, bʋa-la lɛ ʋ ha sɩ bɩ ʋ peniŋ kere dee. Ŋɩɩ leŋ Abɩraham kʋ ŋaa nɩalɩŋ sɩ bɩ ba penee kere aŋ laa Wɩa dii naabalɩma. Wɩa jomba ba ŋaa tʋɔpʋl tɩmma ʋ sɩpaaŋ arɩ ba sɩ bɩ ba penee kere ma kala.

1 Kɔrɩntɩ Nɩaa 12:1

Lɛɛlɛ, má leŋ dɩ la bʋl kɩalɩŋ Wɩa Dɩŋ-zɔmʋŋ sɩ joŋo dii zile la lɛ wɩaa. Mɩ naambiiriŋ, mɩɩ chɛ dɩ ma jɩŋ wʋtɩtɩɩ a mʋ kɩalɩŋ lɛ nɛ.

1 Kɔrɩntɩ Nɩaa 14:38

Dɩ nʋʋ nɛ bɩ chɛ dɩ ʋ sɛɩ wɩɩŋ deeŋ, má yʋ ʋ wɩaa.

Galiisia Nɩaa 3:29

Dɩ ma dɩ Kirisito nɛ ŋaa kʋbala, ŋɩɩ-na ma ŋaa Abɩraham doho nɩaa nɛ. Wɩa sɩ sɩ ʋ jaŋ ŋaa wɩɩ-la a pɩ Abɩraham, ʋ jaŋ ŋaa pɩ ma ma.

MOSIS BƖRA WULLI WƖA WOMBIIŊ 1:33

Ʋ fa yie laa ma sɩpaaŋ nɛ tɩtaŋɩŋ a nagɛ nyiniŋ, a laa ma sɩpaaŋ wɩɩhɛyɛ a nagɛ duoŋ-bɩlɩmbaanɩŋ aa dagɛma lere-la ma sɩ jaŋ to arɩ lere-la ma sɩ jaŋ hɔŋ.

Hiburu TƖŊŊAA 11:29

Iziral tɩŋŋaa ma fa laa Wɩa wɩaa dii nɛ. Ŋɩɩ nɛ tɩɩ ba vɛŋ Mʋgʋ-fɩaŋ-la tʋɔŋ a lɩɩ a nagɛ tintee-hɩlɩŋ. Ama Ijipiti tɩmma-la fa sɩɩ kiriba sɩ kɔ a walɩmɛ dɩ ba chol, mʋga-la kʋ tɔba nɛ, ba kala sʋʋ.

JOSUA 4:23

Ma Tɩɩna Wɩa nɛ leŋe Jɔdaŋ fuo-la hʋ ma sɩpaaŋ ka ma chol, arɩ ʋ fa sɩ leŋe Mʋgʋ-fɩaŋ-la lɩɩŋ hʋ ka la bal ŋɩɩ.