1 Kɔrɩntɩ Nɩaa 1:7 - WƖA TENIŊ

⁷ Ŋɩɩ wɩaa, ma sɩɩ gbɛrɛ La Tɩɩna Yesu Kirisito dɩ ʋ mɩɩra kɔ ŋɩɩ, ŋɩɩ nɛ tɩɩ ʋ joŋ kɩalɩŋ kala sɩ lɩɩ ʋ Dɩŋ-zɔmʋŋ teeŋ a dii zile ma lɛ.

1 Kɔrɩntɩ Nɩaa 1:7 ပူးပေါင်းရင်းမြစ်များ

WƖAA DƖ-SUOMUŊ 49:18

Mɩ TƖƖNA, mɩ gbɛrɩŋ nɛ dɩ ŋ laa mɩ ta.

Matiu 25:1

Ŋɩɩ nɛ Yesu bɩra magɛ namaga. Ʋ sɩ, “Wɩa kuorii-la jaŋ nagɛ ŋ-la: Hatoloo fii nɛ fa hɛ nɩmɛ. Ba sii a paa ba chaanaa a mʋ dɩ ba cheŋ ha-falɩŋ bala, hajaarɩ gbiele lɛ.

Luuk 12:36

a nagɛ nɩaa sɩɩ gbɛrɛ ba kʋhɩaŋ dɩ ʋ lɩɩ hajaarɩ gbiele kɔ. Dɩ ʋ nɛ kɔ a du boro, ba guu kaa suro pʋ.

Luuk 17:30

Ŋɩɩ nɛ ʋ jaŋ nagɛ tapʋlɩɩ-la mɩ-na Nuhuobiine Bie ma sɩ jaŋ mɩɩra kɔ.

Rom Tɩŋŋaa 8:19

Dʋnɩa kʋŋkala nɩɩ gbɛrʋ a chaarɛ sɩaa dɩ ba na bʋa-la lɛ Wɩa biiriŋ sɩ jaŋ laa yɩrɩŋ.

Rom Tɩŋŋaa 8:23

Dʋnɩa kɩaa dʋndʋŋa dee, ama la ma nɩalɩŋ Wɩa sɩ laa sɩpaaŋ joŋ ʋ Dɩŋ-zɔmʋŋ hɛ la lɛ, la maa huuni nɛ la tʋɔŋ lɛ dɩ ʋ kɛŋ la yaraa bɩrɩmɛ dɩ la chaasa ŋaa ʋ biiriŋ a laa yɩrɩŋ.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 12:13

Wɩalɩŋ mɩ sɩ ŋaa ma lɛ, ba tɩtɩa nɛ mɩ ŋaa nɩalɩŋ sɩ laa Yesu wɩaa dii aa hilimi lee-kala lɛ. Wɩɩ-la dʋndʋŋa mɩ sɩ bɩ ŋaa ma lɛ nɛ ŋ-la: Mɩ bɩ ma walɩma dɩ ma pɩmɛ kɩalɩŋ mɩ sɩɩ chɛ. Mɩ saa sʋlma dɩ ma joŋ wɩɩŋ deeŋ chɛmɛ.

Galiisia Nɩaa 5:5

Ama Wɩa Dɩŋ-zɔmʋŋ doluŋ lɛ, la-na laa dii a kɛŋ yɩɛlaa arɩ la jaŋ kɛŋ tʋɔpʋla Wɩa sɩpaaŋ.

Fɩlɩpa Nɩaa 3:20

Ama la-na ŋaa Wɩa-jaŋ nɩaa nɛ. La hɔnɔ gbɛrɛ La Tɩɩna Yesu Kirisito dɩ ʋ lɩɩ Wɩa-jaŋ kɔ nɛ. Ʋ nɛ ŋaa la Laataara.

Koloosi Nɩaa 3:4

Kirisito nɛ ŋaa la mɩɩsɩŋ. Bʋa-la lɛ ʋ sɩ jaŋ mɩɩra kɔ, nɩaa jaŋ na ma dɩ ʋ kala dɩ maa kpaa ʋ yɩrɩ-bal-la.

1 Tɛsalonaaka Nɩaa 1:10

Ba yie bʋl arɩ maa gbɛrɛ ʋ Bie Yesu dɩ ʋ lɩɩ Wɩa jaŋ kɔ. Ʋ nɛ Wɩa chɩsɛ sʋʋŋ lɛ. Ʋ nɛ jaŋ laala ta tapʋlɩɩ-la Wɩa baanɩŋ sɩ jaŋ sii nuhuobiinee nyuŋ.

2 Tɛsalonaaka Nɩaa 1:7

Ʋ jaŋ pɩ ma nɩalɩŋ sɩɩ na hɛɛŋ wiese, a pɩ la ma wiese. Wɩɩŋ deeŋ jaŋ ŋaa bʋa-la lɛ La Tɩɩna Yesu sɩ jaŋ kɔ arɩ ʋ tɩndaara-la sɩ kɛŋ doluŋ.

2 Timoti 4:8

Lɛɛlɛ, La Tɩɩna Yesu sɩ ŋaa sarɩya diiru-la sɩ kɛŋ wʋtɩtɩɩ, ʋ ŋaa tʋɔpʋl kuoru nyunchuulo nɛ a bil dɩ ʋ joŋo siilimi, tapʋlɩɩ-la ʋ sɩ jaŋ mɩɩra kɔ. Mɩ dʋndʋŋa dee ʋ jaŋ ŋaa ŋɩɩ pa, ama nɩalɩŋ kala sɩ chou a gbɛrʋ dɩ ʋ mɩɩra kɔ, ba ma jaŋ laa ba siilee.

Taatɩs 2:13

La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

Hiburu TƖŊŊAA 9:28

Ŋɩɩ tɩtɩa nɛ ba kpʋ Kirisito balá dɩ ʋ laa nɩ-daŋ wʋbɔŋŋɔɔ ta. Dɩ ʋ nɛ mɩɩra kɔ, ʋ bɩra bɩ jaŋ laa nɩaa wʋbɔŋŋɔɔ ta, ama ʋ jaŋ laa nɩalɩŋ sɩ kɛŋ ba tɩtɩa hɛ dɔŋɔ a gbɛrʋ ta.

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.

1 Pɩɩta 4:13

Hɛɛ-la Kirisito sɩ na, má ma na hɛɛ-la tɩtɩa nɛ. Ŋɩɩ wɩaa má jʋjʋɔsɛ. Tapʋlɩɩ-la Kirisito nɛ kɔ arɩ ʋ tʋla, ma jaŋ faasa jʋɔsɛ.

1 Pɩɩta 5:4

Dɩ ma nɛ ŋaa ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, Nɩɩ-la sɩ ŋaa Pie-daaraa kala Kʋhɩaŋ, ʋ jaŋ joŋ kʋ-la sɩ zɔmɔ a kɩɩ kʋŋkala pɩma. Ʋ-na bɩ jaŋ chei.

2 Pɩɩta 3:12

Ma sɩɩ gbɛrɛ tapʋlɩɩ-la La Tɩɩna Yesu sɩ jaŋ kɔ ŋɩɩ, má pɛ pipesi, dɩ ma ŋaa wɩɩ na-kala ma sɩ jaŋ wuo ŋaa dɩ tapʋlɩɩ-la yima lɩma. Tapʋlɩɩ-la nɛ wɩa-nyuŋ jaŋ ŋmɩɛrɛ nyiniŋ tʋɔŋ a nyɩɩgɛ. Ka kʋŋkala sɩ hɛ wɩa-nyuŋ ma jaŋ ŋmɩɛrɛ nyiniŋ lɛ a lɛl.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.