1 Kɔrɩntɩ Nɩaa 1:6 - WƖA TENIŊ

⁶ Wɩɩ-la chaasa chɩŋ nɛ, bɛɛ wɩaa wʋzɔmɔ-la la sɩ bʋla a tɩgɛ Kirisito lɛ hɛ ma tʋɔŋ nɛ woruŋ.

1 Kɔrɩntɩ Nɩaa 1:6 ပူးပေါင်းရင်းမြစ်များ

Maak 16:20

Ŋɩɩ nɛ ʋ harɩ-tooroo sii lɩɩ a mʋ lee na-kala a bʋbʋl Wɩa wɩaa. La Tɩɩna Wɩa pɛ ba lɛ ba ŋɩŋaa wʋmagɩlaa, dɩ nɩaa jɩŋ arɩ wɩalɩŋ ba sɩɩ bʋl ŋaa wʋtɩtɩɩ nɛ. Amɩɩ.

Tɩntɩŋŋaa 11:17

Wɩa sɩ joŋ ʋ Dɩŋ-zɔmʋŋ pɩla ŋɩɩ bʋa-la lɛ la sɩ kʋ laa Yesu Kirisito wɩaa dii, ŋɩɩ nɛ ʋ joŋo dii zile ba ma lɛ. Kʋbɛɛ nɛ saa ka mɩ dɩ mɩ bʋl Wɩa sɩ́ ŋɩɩ ŋaa?”

Tɩntɩŋŋaa 11:21

La Tɩɩna fa pɛ ba lɛ nɛ woruŋ, nɩaa yʋga a laa Yesu wɩaa dii a bɩrɩma tutou.

Tɩntɩŋŋaa 18:5

Ŋɩɩ nɛ Saalas arɩ Timoti lɩɩ Masidoonia kɔ. Bʋa-la lɛ ba sɩ kɔ, Pɔɔl joŋ ʋ nyuŋ kala hɛ aa bʋl Wɩa wɩaa, a dagɛ woruŋ a pɩ Juu tɩŋŋaa arɩ Yesu nɛ ŋaa Kirisito.

Tɩntɩŋŋaa 20:21

Mɩ bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala arɩ sɩɩfɩɛsɩŋ dɩ ba bɩrɩma lɩɩ ba wʋbɔŋŋɔɔ lɛ aŋ kʋ to Wɩa, a laa La Tɩɩna Yesu wɩaa dii.

Tɩntɩŋŋaa 20:24

Ama mɩ sɩ yie beŋ mɩ mɩɩsɩŋ, ʋ bɩ kʋŋkala ŋaa mɩ teeŋ. Mɩ taa chɛ dɩ mɩ tɩŋ tɩntɩmɩɩ-la mɩ Tɩɩna Yesu sɩ sɩ mɩ tɩŋ nɛ a dɛrɛ. Tɩntɩmɩɩ-la nɛ dɩ mɩ bʋl Wɩa wʋzɔmɔ-la a pɩ nɩaa, a dagɛ ŋɩɩ Wɩa sɩ kɛŋ zile.

Tɩntɩŋŋaa 22:18

mɩ na La Tɩɩna Yesu a nagɛ duosoo tʋɔŋ. Ʋ bʋla pɩmɛ, ‘Sii lɩɩ Jerusalɛm lɛ lɩma, bɛɛ wɩaa nɩalɩŋ sɩ hɛ daha bɩ jaŋ sɛɩ wɩalɩŋ ŋ sɩ jaŋ bʋla pɩba a tɩgɛ mɩ lɛ.’

Tɩntɩŋŋaa 23:11

Ʋ taŋ sɩ bire, tɩtaŋ-la tɩtɩa La Tɩɩna Yesu kɔ Pɔɔl teeŋ, a chɩna kpagʋ, a bʋla pʋ, “Nyɩrɛ ŋ bɔyɛ. Ʋ maga dɩ ŋ ŋaa nɩɩ-la sɩ pɛ na mɩ wɩaa nɛ bʋlba Rom lɛ arɩ ŋ sɩ bʋl mɩ wɩaa ŋɩɩ Jerusalɛm lɛ.”

Tɩntɩŋŋaa 28:23

Ŋɩɩ nɛ ba hɛ tapʋlʋŋ pɩ Pɔɔl. Tapʋlɩɩ-la sɩ yie, nɩaa yʋga a kɔ lee-la Pɔɔl sɩɩ jʋʋ. Pɔɔl bʋl Wɩa kuorii-la wɩaa a pɩpɩba sɩɩfɩɛsɩŋ a lɩɩ chʋchʋɔŋ kala a kaa mʋmʋ dɩdaanɩŋ. Ʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ wɩalɩŋ Wɩa wʋlaabʋllaa fa sɩ ŋmʋnsa bil Wɩa teniŋ tʋɔŋ. Ʋ dagɛba ŋɩɩ a bʋl Yesu wɩaa pɩba, a wʋwalɩmɛ dɩ ba laa Yesu wɩaa dii.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

2 Kɔrɩntɩ Nɩaa 12:12

Mɩ nyalɩma nɛ woruŋ a wuo tɩŋ ma teeŋ. Wɩalɩŋ kala mɩ sɩ ŋaa, wʋmagɩlaa arɩ wʋkpuŋkperisi-la arɩ wɩalɩŋ kala mɩ sɩ ŋaa Wɩa Dɩŋ-zɔmʋŋ doluŋ lɛ daga arɩ mɩ sɛnɛ ŋaa Kirisito nanzɔɔ-tɩtɩɩ nɛ.

Galiisia Nɩaa 3:5

Wɩa joŋ ʋ Dɩŋ-zɔŋ-la a dii zile ma lɛ, aŋ pɛ ŋɩŋaa wʋkpuŋkperisiŋ ma teeŋ. Ma bɩɩna ma sɩɩ to wɩalɩŋ Mosis sɩ bile nɛ tɩɩ ʋ wuo ŋɩŋaa ŋɩɩ, koo ma sɩ nɩɩ Wɩa wʋzɔmɔ-la a laaba dii nɛ tɩɩ?

2 Tɛsalonaaka Nɩaa 1:10

Tapʋlɩɩ-la ʋ sɩ jaŋ kɔ, Wɩa nɩaa kala jaŋ pʋ yɩrɩŋ, dɩ nɩalɩŋ sɩ laa ʋ wɩaa dii ma zilu. Ma ma jaŋ hɛ ba tʋɔŋ, bɛɛ wɩaa ma laa wɩalɩŋ la sɩ bʋla pɩma dii nɛ.

1 Timoti 2:6

Ʋ joŋ ʋ mɩɩsɩŋ yɔɔ sʋʋŋ nɛ dɩ ʋ laa nʋʋkala ta. Ʋ nɛ dagɛla ŋɩɩ arɩ bʋa-la yie nɛ, dɩ Wɩa laa nʋʋkala ta.

2 Timoti 1:8

Ŋɩɩ wɩaa dɩ ŋ nɛ bʋl La Tɩɩna Yesu wɩaa pɩpɩ nɩaa, sɩ́ leŋe dɩ hɩɩsɩŋ kɛnɩŋ a tɩŋ Yesu wɩaa. Bɩra sɩ́ leŋe dɩ hɩɩsɩŋ kɛnɩŋ mɩ ma wɩaa, a tɩŋ ba sɩ kɛmmɛ tɔ dɩa Kirisito wɩaa. Ama Wɩa doluŋ lɛ, sɛɩ dɩ la kala na hɛɛŋ a tɩŋ Yesu wʋzɔmɔ-la wɩaa.

Jɔɔŋ Wʋnaalaa 1:2

Ŋɩɩ nɛ Jɔɔŋ bʋl wɩalɩŋ kala ʋ sɩ na, wɩalɩŋ Wɩa sɩ dagʋ arɩ wɩalɩŋ kala Yesu Kirisito sɩ bʋla pʋ.

Jɔɔŋ Wʋnaalaa 1:9

Mɩ-na ma naambie Jɔɔŋ nɛ ŋmʋnsɛ teniŋ deeŋ a pɩpɩma. A tɩŋ Yesu Kirisito wɩaa nɛ laa na hɛɛŋ. Ama la nɩalɩŋ sɩ na hɛɛ-la ŋɩɩ a tɩŋ ʋ wɩaa, la ma jaŋ jʋʋ Wɩa kuorii-la tʋɔŋ. Hɛɛ-la kala lɛ la dii kenyiri nɛ a nyalɩmɛ. Mɩ fa bʋl Wɩa wɩaa nɛ aŋ pɛ ŋaa Yesu Kirisito sɩada tɩɩna. Ŋɩɩ wɩaa nɛ tɩɩ ba kɛmmɛ kaa mʋ tintee kʋbala baa yɩrɛ Patɩmɔs. Lɩɩŋ golli tintee-la kala chu nɛ.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

Jɔɔŋ Wʋnaalaa 12:17

Ŋɩɩ nɛ dɩŋ-la na baanɩŋ haal-la nyuŋ a mʋ dɩ ʋ kɛŋ haal-la biiriŋ dɔnsʋŋ a yuo laalɩŋ. Haal-la biiriŋ nɛ ŋaa nɩalɩŋ sɩ nɩɩ Wɩa niiŋ wɩaa a tutoba, a didii Yesu dansɩa, a bʋl ʋ wɩaa a pɩpɩ nɩaa.

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”

Jɔɔŋ Wʋnaalaa 6:9

Pie-bie-la sɩ kɛŋ kelli-la ba sɩ kaa mɛrɛ teŋ-la nɔŋ tɩɩna kaa lɛrɛ, ŋɩɩ nɛ mɩ bee na nɩalɩŋ ba sɩ kpʋa dɩnsɩŋ dɩ ba hɛ Wɩɩsʋllɩ koruŋ bʋbʋɔŋ. Nɩalɩŋ ba sɩ kpʋa faa bʋl Wɩa wɩaa nɛ a fa ŋaa La Tɩɩna Kirisito pɛ-naaraa ma, ŋɩɩ nɛ tɩɩ ba kpʋba.