1 Kɔrɩntɩ Nɩaa 1:5 - WƖA TENIŊ

⁵ Wɩɩ-na kala lɛ, Wɩa to Yesu lɛ nɛ a pɛ ma lɛ woruŋ, ma kɛŋ wʋjɩmɩŋ, a jɩŋ wɩaa bʋlʋŋ ma.

1 Kɔrɩntɩ Nɩaa 1:5 ပူးပေါင်းရင်းမြစ်များ

Tɩntɩŋŋaa 2:4

Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Rom Tɩŋŋaa 11:12

Juu tɩŋŋaa wʋbɔŋŋɔɔ leŋe dʋnɩa nɩaa ŋmoo naasɩmɩŋ nɛ. Ba sɩ tele ŋɩɩ ŋaa nɩalɩŋ sɩ bɩ Juu tɩŋŋaa ŋaa ŋmoo naasɩmɩŋ nɛ. Dɩ ʋ nɛ nagɛ ŋ-la saa, bʋa-la lɛ Juu tɩŋŋaa sɩ jaŋ kʋ laa Wɩa wɩaa dii, dʋnɩa nʋʋkala jaŋ paala nɩɩ sɩma kɩŋkɛŋ kɩŋkɛŋ.

Rom Tɩŋŋaa 15:14

Mɩ naambiiriŋ, mɩ chaasa laa dii arɩ maa ŋaa wʋzɔŋŋɔɔ nɛ woruŋ, a jɩŋ wɩaa ma woruŋ, a wuo dɩdagɛ dɔŋɔ.

Rom Tɩŋŋaa 15:4

Wɩalɩŋ kala ba fa sɩ ŋmʋnsa Wɩa teniŋ tʋɔŋ, ba ŋmʋnsa dɩ ba dagɛla nɛ, Wɩa teŋ-la nɛ dagɛla ŋɩɩ la sɩ jaŋ ŋaa a kɛŋ kenyiri, a ŋaa la nyuŋ nyaasɛ, dɩ la wuo yɩyɩɛlɛ kɩalɩŋ sɩ hɛ la sɩpaaŋ.

1 Kɔrɩntɩ Nɩaa 12:10

ka dɔŋɔ ma kɛŋ doluŋ a kaa ŋaa wʋkpuŋkperisiŋ, ka dɔŋɔ ma kɛŋ doluŋ a wuo bʋbʋl Wɩa wɩaa, ka dɔŋɔ ma bɩra kɛŋ wʋjɩmɩŋ ʋ yie jɩŋ dɩnsɩ-la sɩ lɩɩ Wɩa teeŋ arɩ dɩnsɩ-la sɩ bɩ ʋ teeŋ lɩa pɛgɛ. Wɩa Dɩŋ-zɔmʋŋ yie pɩ nʋʋ dɔŋ ma doluŋ ʋ wuo bʋbʋl wɩaa, yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ka ʋ pɩ dɔŋɔ ma wʋjɩmɩŋ ʋ wuo dagɛ wɩalɩŋ ba sɩ bʋla bʋbʋɔŋ.

1 Kɔrɩntɩ Nɩaa 12:8

Wɩa Dɩŋ-zɔmʋŋ yie joŋ wʋjɩmɩŋ a pɩ nʋʋ ʋ wuo bʋl Wɩa wɩaa pɩpɩ nɩaa. Ʋ yie joŋ wɩɩ pɩ nʋʋ dɔŋ ʋ wuo jɩŋ Wɩa wɩaa bʋbʋɔŋ a wuo dɩdagɛba woruŋ.

1 Kɔrɩntɩ Nɩaa 13:2

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

1 Kɔrɩntɩ Nɩaa 13:8

Chonuŋ-na bɩ dɛrɛ. Dol-la Wɩa Dɩŋ-zɔmʋŋ sɩ joŋo pɩla la wuo bʋbʋl Wɩa wɩaa, a wuo bʋbʋl yikori dosunuŋ kala a pɛ wʋjɩmɩŋ ma lɛ, ba kala jaŋ lɛl.

1 Kɔrɩntɩ Nɩaa 14:26

Wɩalɩŋ kala mɩ sɩ bʋla, ba bʋbʋɔŋ nɛ ŋ-la: Dɩ ma nɛ kʋ hilimi-na kala, dɩ dɔŋɔ nɛ kɛŋ yɩɩlɩŋ dɩ ʋ yɩɩ, dɩ dɔŋɔ ma kɛŋ wɩɩ dɩ ʋ dagɛ nɩaa, koo nʋʋ nɩɩ chɛ dɩ ʋ bʋl wɩɩ-la Wɩa sɩ joŋo dagʋ ʋ doluŋ lɛ, dɔŋɔ maa chɛ dɩ ʋ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, dɔŋɔ maa chɛ dɩ ʋ dagɛ wɩɩ-la ba sɩ bʋla bʋbʋɔŋ, má maga ma ŋaa wɩaa deemba kala a pɩpɛ dɔŋɔ lɛ.

1 Kɔrɩntɩ Nɩaa 8:11

A tɩŋ ma wʋjɩmɩŋ deeŋ, ma naambie sɩ bɩ Wɩa wɩaa lɛ chɩna tele nɛ, nɩɩ-la wɩaa Kirisito sɩ sʋba.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

2 Kɔrɩntɩ Nɩaa 6:10

La tʋɔŋ yie chei nɛ, aŋ ka la jʋjʋɔsɛ. La ŋaa summoo nɛ, ama la yie pɛ nɩaa lɛ dɩ ba kuori Wɩa teeŋ. La bɩ kʋŋkala kɛnɛ, ama la nɛ tɩɩ kʋŋkala.

2 Kɔrɩntɩ Nɩaa 8:7

Ma kuoro nɛ wɩɩkala lɛ. Ma laa Wɩa dii nɛ, ma wuo Wɩa wɩaa bʋbʋl nɛ, a kɛŋ wʋjɩmɩŋ, a kɛŋ ma tɩtɩa dɩ ma pɛ nɩaa lɛ, aŋ faasa cho la ma. Laa chɛ dɩ ma faasa kɛŋ zile nɛ a pɩpɛ Wɩa nɩalɩŋ lɛ.

2 Kɔrɩntɩ Nɩaa 9:11

Wɩa jaŋ leŋ dɩ ma nɩsɩŋ jʋjʋʋ wɩɩ na-kala ma sɩɩ ŋaa lɛ, dɩ ŋɩɩ leŋ dɩ ma faasa kɛŋ zile a pɩpɛ nɩaa lɛ woruŋ. Dɩ ba nɛ laa kɩalɩŋ ma sɩ joŋo pɩba, ba jaŋ lɔllɛ Wɩa.

Ɛfɛsɩs Nɩaa 1:17

Mɩ yie sʋl Wɩa, La Tɩɩna Yesu Kirisito Nyɩmma, Nɩɩ-la sɩ kɛŋ yɩrɩŋ, dɩ ʋ pɩma wʋjɩmɩŋ, a bɩra kɛŋ ʋ tɩtɩa ma kaa dagɛma ʋ Dɩŋ-zɔmʋŋ doluŋ lɛ dɩ ma wuo jɩmʋ.

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Ɛfɛsɩs Nɩaa 6:19

Má sʋl Wɩa pɩ mɩ ma dɩ mɩ nɛ suri mɩ niiŋ dɩ Wɩa dagɛmɛ wɩɩ-la mɩ sɩ jaŋ bʋl, a sɩ́ nʋʋkala fá, aŋ bʋl Yesu wʋzɔmɔ-la fa sɩ faa a pɩ nɩaa.

Fɩlɩpa Nɩaa 1:9

Mɩɩ sʋl Wɩa dɩ ʋ leŋ dɩ ma cho dɔŋɔ, dɩ chono-la wasa yʋgɛ kɩŋkɛŋ, a bɩraa sʋlʋ dɩ ʋ pɩma wʋjɩmɩŋ dɩ ma wuo jɩŋ wɩɩ na-kala ma sɩɩ ŋaa bʋbʋɔŋ.

Koloosi Nɩaa 2:3

Ʋ dʋndʋŋa lɛ nɛ Wɩa joŋ wʋjɩmɩŋ arɩ jɩma kala faa.

Koloosi Nɩaa 3:10

aŋ lɛɛlɛ tuto mɛl-falɩɩ-la sɩ zɔmɔ. Wɩa leŋe ma waa mɛl-falɩŋ deeŋ lɛ nɛ dɩ ma wuo jɩŋ ʋ wɩaa woruŋ a kʋ nagɛ ʋ tɩtɩa nagɩsɩŋ.

Jeems 3:13

Ma tʋɔŋ nɩalɩŋ sɩ kɛŋ wʋjɩmɩŋ, a jɩŋ wɩaa sɩaa, ʋ maga dɩ ma ŋɩŋaa wʋzɔŋŋɔɔ nɛ a kɛŋ ma tɩtɩa muuri, a dagɛ ŋɩɩ arɩ ma sɛnɛ kɛŋ wʋjɩmɩŋ nɛ.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.