1 Kɔrɩntɩ Nɩaa 1:2 - WƖA TENIŊ

² La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi Kɔrɩntɩ taŋ-la lɛ nɛ, nɩalɩŋ Wɩa sɩ to Kirisito lɛ a pɩɩsɛ ba disiniŋ ta, dɩ ba ŋaa tʋɔpʋl tɩmma ʋ sɩpaaŋ, a saa pɛ nɩalɩŋ kala sɩɩ chʋɔlɛ Yesu Kirisito a hɛ dʋnɩa sɛmɛ-na kala. Yesu Kirisito ŋaa la dɩ ma kala Tɩɩna nɛ.

1 Kɔrɩntɩ Nɩaa 1:2 ပူးပေါင်းရင်းမြစ်များ

WƖAA DƖ-SUOMUŊ 12:8

Ʋ lɩɩ nɩmɛ a mʋ peel-la sɩ hɛ Bɛtɛl wɩɩpɔsʋŋ, a hɛ ʋ lɛbɩŋ Bɛtɛl wɩɩjʋʋlʋŋ dɩɩrɩŋ, ka Aɩ ma hɛ wɩɩpɔsʋŋ dɩɩrɩŋ. Nɩmɛ nɛ ʋ saa Wɩɩsʋllɩ koruŋ a pɩ La TƖƖNA a yɩrɛ ʋ yɩrɩŋ.

WƖAA DƖ-SUOMUŊ 4:26

Sɛf ma sii lʋl hambolibie a hɛ ʋ yɩrɩŋ Ɛnɔs. Bʋa-la lɛ nɛ nɩaa suomo yɩrɛ La TƖƖNA yɩrɩŋ.

WƖA YƖƖLAA 45:11

Kuoro tʋɔŋ tɔrɛ ŋ zɔmʋŋ lɛ nɛ, to ʋ niiŋ a zizilu, bɛɛ wɩaa ʋ nɛ ŋ tɩɩna.

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

Tɩntɩŋŋaa 15:9

Ʋ bɩ nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kaa pɔrɛ. Nɩalɩŋ sɩ bɩ Juu tɩŋŋaa ŋaa ma laa Yesu wɩaa dii nɛ, ŋɩɩ nɛ tɩɩ ʋ joŋ ba ma wʋbɔŋŋɔɔ chɛba.

Tɩntɩŋŋaa 18:1

Ŋɩɩ harɩŋ nɛ Pɔɔl sii Atɛŋ lɛ a mʋ taŋ kʋbala baa yɩrɛ Kɔrɩntɩ.

Tɩntɩŋŋaa 22:16

Bɛɛ nɛ saa tɩɩ ŋ hɔnɔ dieni? Sii mʋ a leŋ dɩ ba foŋ Wɩɩchʋɔlɛ lɩɩŋ a chɛsɛ ŋ wʋbɔŋŋɔɔ ta Yesu yɩrɩŋ lɛ.’

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Tɩntɩŋŋaa 9:13

Ŋɩɩ nɛ Ananɩas bʋl, “Mɩ Tɩɩna, nɩaa yʋga kɩŋkɛŋ a bʋla pɩmɛ arɩ baala deeŋ ŋaa wʋbɔŋŋɔɔ ŋ nɩaa sɩ hɛ Jerusalɛm lɛ.

Tɩntɩŋŋaa 9:14

Wɩɩsʋllɩ sɩpaalaaraa kʋhɩasɩŋ pʋ doluŋ taŋ deeŋ lɛ dɩ ʋ kɛsɛ nɩalɩŋ kala sɩɩ chʋɔlʋŋ vɔɔ.”

Tɩntɩŋŋaa 9:21

Nɩalɩŋ kala sɩ nɩɩ wɩalɩŋ ʋ sɩ bʋla, ʋ ŋaaba wʋkpuŋkpere. Baa pɩɛsɛ dɔŋɔ, “Baala deeŋ dee fa bɩ Jerusalɛm lɛ hɛ aa kpʋ nɩalɩŋ sɩɩ to Yesu deeŋ ŋɩɩ? Ŋ-la wɩaa saa dee ʋ bɩra kɔ daha, dɩ ʋ kɛsɛba kaa mʋ Wɩɩsʋllɩ sɩpaalaaraa kʋhɩasɩŋ teeŋ?”

Rom Tɩŋŋaa 1:7

Ŋɩɩ wɩaa mɩ ŋmʋnsɛ teniŋ deeŋ pɩpɩ ma nɩalɩŋ kala sɩ hɛ Rom tinteeŋ lɛ, ma nɩalɩŋ Wɩa sɩ cho a lɩɩsɛma dɩ ma ŋaa tʋɔpʋl tɩŋŋaa. La Nyɩmma Wɩa arɩ La Tɩɩna Yesu lahɔrɩmɔ lɛ, ba jaŋ pɛ ma lɛ dɩ ma hɔŋ arɩ fɩɛlɩŋ.

Rom Tɩŋŋaa 10:12

Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, ba kala ŋaa kʋbala nɛ Wɩa teeŋ. Ʋ bɩ ba kaa pɔrɛ. Ʋ ŋaa nʋʋkala Tɩɩna nɛ. Dɩ nʋʋkala nɛ yɩrʋ, ʋ jaŋ pɛ ʋ tɩɩna lɛ woruŋ.

Rom Tɩŋŋaa 3:22

Nɩalɩŋ sɩ laa Yesu Kirisito wɩaa dii, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, ba nɛ jaŋ kɛŋ tʋɔpʋla ʋ sɩpaaŋ. Ʋ bɩ ba kaa pɔrɛ,

Rom Tɩŋŋaa 8:28

La jɩma wɩɩkala lɛ, Wɩa yie leŋ wɩaa zɔŋ nɛ a pɩ nɩalɩŋ sɩ chou, nɩalɩŋ ʋ sɩ lɩɩsa ʋ tʋɔtɔrʋŋ lɛ.

1 Kɔrɩntɩ Nɩaa 1:30

Ama Wɩa leŋe ma to Kirisito Yesu lɛ nɛ a kɛŋ mɩɩsɩŋ. Wɩa saa leŋe Kirisito nɛ ŋaa la wʋjɩmɩŋ. A tɩŋ ʋ wɩaa Wɩa laala ta nɛ, la kʋ ŋaa tʋɔpʋl tɩmma ʋ teeŋ, a ŋaa nɩalɩŋ sɩ bɩ disiniŋ kɛnɛ.

1 Kɔrɩntɩ Nɩaa 10:32

Wɩɩ-na kala ma sɩɩ ŋaa lɛ, má pɔ ma tɩtɩa lɛ. Má sɩ́ leŋe dɩ Juu tɩŋŋaa koo nɩalɩŋ sɩ bɩ Juu tɩŋŋaa ŋaa vɩa Wɩa wombiiŋ. Má sɩ́ leŋe dɩ nɩalɩŋ ma sɩ laa Yesu wɩaa dii aa hilimi, dɩ ba dɔŋɔ ma tel.

1 Kɔrɩntɩ Nɩaa 12:27

Ma kala sɩ laa Yesu wɩaa dii, ma ŋaa Yesu yaraa nɛ, ma kʋŋkala nɛ pɛ dɔŋɔ lɛ a ŋaa yarɩ-bala.

1 Kɔrɩntɩ Nɩaa 8:6

la-na jɩŋ Wɩɩ-bala lɛ nɛ. Ʋ nɛ ŋaa la Nyɩmma. Ʋ nɛ ta kʋŋkala sɩ hɛ nɩmɛ. Ʋ lɛ nɛ la to a kɛŋ mɩɩsɩŋ. La Tɩɩna ŋaa kʋbala nɛ. Ʋ nɛ Yesu Kirisito. Ʋ lɛ nɛ Wɩa to a ta kʋŋkala. Ʋ lɛ nɛ la to a kɛŋ mɩɩsɩŋ ma.

2 Kɔrɩntɩ Nɩaa 1:1

Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.

2 Kɔrɩntɩ Nɩaa 4:5

Wɩalɩŋ la sɩɩ bʋl, ʋ bɩ naga la tɩtɩa wɩaa nɛ la bʋbʋl, ama Yesu Kirisito wɩaa nɛ la bʋbʋl, Nɩɩ-la sɩ tɩɩ nʋʋkala. Ʋ wɩaa nɛ tɩɩ la tɩma pɩpɩma.

Galiisia Nɩaa 1:2

Mɩ dɩ la naambiiri-la sɩ hɛ daha nɩɩ chʋɔlɛma.

Ɛfɛsɩs Nɩaa 5:26

a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

1 Tɛsalonaaka Nɩaa 1:1

Mɩ-na Pɔɔl arɩ Sɩlas arɩ Timoti nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Tɛsalonaaka lɛ a ŋaa la Nyɩmma Wɩa arɩ La Tɩɩna Yesu Kirisito nɩaa. Wɩa jaŋ pɛ ma lɛ dɩ ma hɔŋ arɩ yarɩfɩɛlaa.

1 Tɛsalonaaka Nɩaa 4:7

Wɩa bɩ la lɩɩsa dɩ la ŋɩŋaa wʋlɩɩlɩŋ, ama ʋ lɩɩsɛla dɩ la ŋaa nɩa sɩ bɩ disiniŋ kɛnɛ nɛ.

2 Tɛsalonaaka Nɩaa 1:1

Mɩ-na Pɔɔl arɩ Sɩlɩvaanʋs arɩ Timoti nɛ ŋmʋnsɛ teniŋ deeŋ pɩpɩ ma nɩalɩŋ sɩ laa Yesu wɩaa dii aa hilimi Tɛsalonaaka lɛ, a ŋaa la Nyɩmma Wɩa, arɩ La Tɩɩna Yesu Kirisito nɩaa.

1 Timoti 2:8

Dɩ ma nɛ kʋ hilimi lee na-kala dɩ ma chʋɔlɛ Wɩa, mɩɩ chɛ dɩ baala-la sɩ joŋ ba tɩtɩa a pɩ Wɩa nɛ kɛŋ ba nɩsaa jee a chʋɔlɛ Wɩa. Dɩ ba nɩɩ chʋɔlɛ Wɩa, ʋ bɩ maga dɩ ba nɩna baanɩŋ koo a bɩbɩɩnɛ yuosuŋ wɩaa.

1 Timoti 3:15

dɩ mɩ nɛ ka diene ma, dɩ ma ha wuo jɩŋ ŋɩɩ Wɩa nɩaa mɛlɛ sɩ maga dɩ ʋ nagɛ. Ba nɛ ŋaa nɩalɩŋ sɩ laa Wɩa-la sɩ weye wɩaa dii aa hilimi. Ba nɛ chagɛ wʋtɩtɩɩ-la Wɩa sɩ daga kɩɩ a nagɛ dɩa gentine arɩ jebiiŋ sɩ yie chagɛ dɩa kɩɩ ŋɩɩ.

2 Timoti 1:9

Wɩa nɛ laala ta a yɩrɛla dɩ la ŋaa ʋ nɩaa. Ʋ bɩ naga Wɩa to la wʋzɔŋŋɔɔ lɛ nɛ a laala ta. Ama ʋ tɩtɩa tʋɔtɔrʋŋ lɛ nɛ ʋ fá la nenige a laala ta. Yesu Kirisito lɛ nɛ ʋ to a ŋaa ŋɩɩ pɩla. Ʋ jɩma arɩ ʋ jaŋ ŋaa ŋɩɩ pɩla faafaa kala nɛ, ka dʋnɩa-na suomi.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

2 Timoti 2:22

Lɩɩsɛ ŋ tɩtɩa wʋbɔmɔ-la bapʋɔsaa arɩ hatoloo sɩ yie cho dɩ baa ŋaa lɛ. Ama ŋ dɩ nɩalɩŋ sɩɩ chʋɔlɛ Wɩa arɩ tʋɔbala maga dɩ ma kɛŋ tʋɔpʋla nɛ a chɩŋ wɩalɩŋ ma sɩ laa dii lɛ woruŋ a cho dɔŋɔ a kɛŋ nii-bala.

Hiburu TƖŊŊAA 10:10

Kirisito sɩ ŋaa Wɩa tʋɔtɔrʋ wɩɩ-la a joŋ ʋ tɩtɩa kala a pʋ a tɩŋ la wɩaa, ŋɩɩ nɛ leŋe la bɩra bɩ disiniŋ kɛnɛ. Ʋ sɩ sʋʋ ŋɩɩ, ʋ joŋ ʋ tɩtɩa pɩ Wɩa balá nɛ. Ʋ bɩra bɩ jaŋ kɔ dɩ ʋ ŋaa ŋɩɩ.

Hiburu TƖŊŊAA 13:12

Ŋɩɩ nɛ tɩɩ Yesu ma na hɛɛŋ Jerusalɛm jeeŋ harɩŋ dɩ ʋ wuo joŋ ʋ tɩtɩa chalɩŋ a pɩɩsɛ nɩaa disiniŋ ta, dɩ ba ŋaa nɩzɔmɔ Wɩa teeŋ.

Hiburu TƖŊŊAA 2:11

Yesu, nɩɩ-la sɩ pɩɩsɛ nɩaa disiniŋ ta, arɩ nɩalɩŋ disiniŋ ʋ sɩ pɩɩsa ta, ba kala nyɩmma ŋaa kʋbala nɛ. Ŋɩɩ nɛ tɩɩ ʋ ŋaa ŋɩɩ a wuo yɩrɛ ba kala ʋ naambiiriŋ, ka hɩɩsɩŋ bɩ ʋ kɛnɛ.

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Jɔɔŋ Wʋnaalaa 19:16

Ba ŋmʋnsɛ yɩrɩŋ deeŋ nɛ hɛ gɛrɩ-duduoŋ-la ʋ sɩ laala lɛ arɩ ʋ naapuiŋ lɛ: “KUOROO KALA KUOROO ARƖ LA TƖNNABA KALA TƖƖNA.”