1 Kɔrɩntɩ Nɩaa 1:18 - WƖA TENIŊ

¹⁸ La bʋla arɩ Kirisito sʋʋ daagɛsɛ nyuŋ, ŋɩɩ bɩ bʋbʋɔ kɛnɛ nɩalɩŋ sɩ lɛlɛ teeŋ. Ama la nɩalɩŋ Wɩa sɩ laa ta, wɩalɩŋ nɛ ŋaa Wɩa doluŋ la teeŋ.

1 Kɔrɩntɩ Nɩaa 1:18 ပူးပေါင်းရင်းမြစ်များ

1 Kɔrɩntɩ Nɩaa 2:14

Nɩɩ-la kala sɩ bɩ Wɩa Dɩŋ-zɔmʋŋ kɛnɛ bɩ jaŋ laa kɩalɩŋ Wɩa sɩ joŋo pɩ nɩalɩŋ sɩ kɛŋ ʋ Dɩŋ-zɔŋ-la. Ʋ tɩɩna bɩ jaŋ wuo jɩmba. Ba yie ŋaa kʋpɛɩba nɛ ʋ teeŋ, bɛɛ wɩaa nʋʋ bɩ jaŋ wuo jɩmba, see dɩ ʋ kɛŋ Wɩa Dɩŋ-zɔŋ-la.

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

2 Tɛsalonaaka Nɩaa 2:10

Ʋ jaŋ kɛŋ wʋbɔŋ-na kala kaa kɔ a nyɩsɛ nɩalɩŋ sɩ jaŋ lɛl, bɛɛ wɩaa ba vɩa dɩ ba cho wʋtɩtɩɩ nɛ dɩ Wɩa laaba ta.

2 Kɔrɩntɩ Nɩaa 4:3

Ama dɩ Wɩa wʋzɔmɔ-la la sɩɩ bʋl nɛ faa, nɩalɩŋ sɩ lɛlɛ teeŋ nɛ ba faa.

1 Kɔrɩntɩ Nɩaa 1:21

Wɩa sɩ kɛŋ wʋjɩmɩŋ, ŋɩɩ nɛ tɩɩ ʋ wuo ŋaa dɩ nuhuobiine sɩ́ ʋ tɩtɩa wʋjɩmɩŋ lɛ to a jɩŋ ʋ-na Wɩa. Nɩaa sɩ dɩ Wɩa wʋzɔmɔ-la la sɩɩ bʋl ŋaa wʋtɔɔnʋ nɛ, ama Wɩa to wɩalɩŋ lɛ nɛ a laa nɩalɩŋ sɩ laa wɩalɩŋ dii a ta.

1 Kɔrɩntɩ Nɩaa 3:19

Dʋnɩa nɩaa wʋjɩmɩŋ ŋaa pɛɩ nɛ Wɩa teeŋ. Wɩa teniŋ tʋɔŋ ba bʋla, “Wɩa to dʋnɩa nɩaa wʋjɩmɩŋ lɛ nɛ a bɛrɛ kɛsɛba.”

1 Tɛsalonaaka Nɩaa 1:5

Bʋa-la lɛ la sɩ bʋl Wɩa wʋzɔmɔ-la a pɩma, ʋ bɩ naga arɩ wʋbʋlʋŋ dʋndʋŋa nɛ la kʋ bʋla pɩma. La sɩ hɛ ma teeŋ, Wɩa wʋzɔmɔ-la fa kɛŋ doluŋ, Wɩa Dɩŋ-zɔmʋŋ ma fa hɛ la teeŋ, ka wɩalɩŋ ma sɩ nɩa ma jʋʋ ma dɩgɩlaa woruŋ. La sɩ hɛ ma teeŋ, ma na la mɛlɛ fa sɩ nagɛ ŋɩɩ nɛ. Ma wɩaa nɛ tɩɩ la kɛŋ la tɩtɩa woruŋ ŋɩɩ.

1 Kɔrɩntɩ Nɩaa 2:2

Mɩ sɩ kɔ ma teeŋ, mɩ joŋ mɩ tɩtɩa a nagɛ mɩ bɩ wɩɩkala jɩŋ nɛ, see Yesu Kirisito sɩ sʋʋ daagɛsɛ nyuŋ dʋndʋŋa wɩaa nɛ mɩ jɩŋ.

Tɩntɩŋŋaa 13:41

‘Ma nɩalɩŋ sɩɩ mɔŋ Wɩa, má bee na tɩntɩmɩɩ-la mɩ sɩ jaŋ tɩŋ ma mɩɩsɩŋ bʋa lɛ. Dɩ nʋʋ nɛ bʋla pɩma, ma bɩ jaŋ laa dii dɩ ʋ sɛnɛ ŋaa wʋtɩtɩɩ. Ʋ jaŋ ŋaama wʋkpuŋkpere a leŋ dɩ ma sʋʋ.’ ”

Hiburu TƖŊŊAA 4:12

Wɩa niiŋ wɩaa weye a kɛŋ niiŋ a kɩɩ tokobiiŋ niiriŋ balɩa kala sɩɩ dii nyagaga. Ʋ yie wuo tɔɔ jʋʋ nuhuobiine, a kɛŋ ʋ dɩma arɩ ʋ mɩɩsɩŋ kaa pɔrɛ dɔŋɔ lɛ. Ʋ yie wuo jɩŋ nuhuobiine tʋɔŋ arɩ ʋ tʋɔbɩɩnaa kala.

2 Kɔrɩntɩ Nɩaa 10:4

La laalɩyuori kɩaa bɩ dʋnɩa kɩaa ŋaa, ama ba lɩɩ Wɩa teeŋ nɛ a faasa kɛŋ doluŋ, a wuo yigi dii-duoruŋ a lulo.

1 Kɔrɩntɩ Nɩaa 15:2

Wɩa wʋzɔmɔ-la nɛ jaŋ laama ta, dɩ ma nɛ kɛŋ wɩalɩŋ mɩ sɩ bʋla pɩma woruŋ. Má sɩ́ leŋe dɩ ʋ nagɛ arɩ wɩalɩŋ ma sɩ laa dii bɩ bʋbʋɔ kɛnɛ.

Tɩntɩŋŋaa 17:32

Nɩalɩŋ sɩ nɩa arɩ Pɔɔl bʋl sʋʋŋ siiniŋ lɛ wɩaa, ba dɔnsʋŋ mʋmɔmʋ, ama dɔnsʋŋ ma sɩ, “La jaŋ cho dɩ ŋ maachie bɩra bʋl wɩɩŋ deeŋ pɩla.”

Tɩntɩŋŋaa 17:18

Kerichiba-la dɔnsʋŋ sɩɩ to Epikuuras wombiiŋ arɩ Sɩtɔɩk kerichiba dɔnsʋŋ ma kʋ naʋ a kɛŋ wɩaa lɩlɛrɛ ʋ teeŋ. Ba dɔnsʋŋ pɩɛsɛ, “Bɛɛ kɩaa wɩaa nɛ nɩyaarɩŋ deeŋ ma chɩnaa bʋl?” Dɔnsʋŋ ma sɩ, “Ʋ naga veŋ-falɩɩ wɩaa nɛ ʋ bʋbʋl.” Pɔɔl sɩ yie bʋl Yesu wɩaa arɩ ʋ sii sʋʋŋ lɛ nɛ tɩɩ ba bʋl ŋɩɩ.

Tɩntɩŋŋaa 2:47

a dɩdɛnnɛ Wɩa. Nɩaa ma kala bɩbɛsɛ ba lɛ. Tapʋlɩɩ-na kala La Tɩɩna yie laa nɩ-falaa ta nɛ, ba kʋʋ pɛ nɩalɩŋ sɩ laa Yesu wɩaa dii lɛ.

1 Kɔrɩntɩ Nɩaa 4:10

A tɩŋ Kirisito wɩaa, la ŋaa nɩyaara nɛ, ka ma-na kɛŋ wʋjɩmɩŋ Kirisito teeŋ. La-na ŋaa puwuolo nɛ, aŋ ka ma-na ŋaa nɩduori. Nɩaa mʋmɔŋ la lɛ aŋ zizilma.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.