1 Kɔrɩntɩ Nɩaa 1:12 - WƖA TENIŊ

¹² Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

1 Kɔrɩntɩ Nɩaa 1:12 ပူးပေါင်းရင်းမြစ်များ

1 KUOROO 16:21

Ŋɩɩ nɛ Iziral tɩŋŋaa pɔɩ leree balɩa, dɔnsʋŋ chɩŋ Ginaf nanʋala Tibini harɩŋ a cho dɩ ʋ nɛ ŋaa kuoro, dɔnsʋŋ ma chɩŋ Omiri harɩŋ a ma cho dɩ ʋ nɛ ŋaa kuoro.

Matiu 23:8

Ama ma-na sɩ́ leŋe dɩ nɩaa kɛmma kaa yɩrɛ kerichiba. Ma kala ŋaa naambiiri nɛ. Ma kala kerichi ŋaa kʋbala nɛ.

Jɔɔŋ 1:42

Ʋ kɛŋ Saamɔŋ kaa kɔ Yesu teeŋ. Ŋɩɩ nɛ Yesu benu aŋ bʋla pʋ, “Ŋ nɛ Jɔɔŋ bie Saamɔŋ. Ama lɛɛlɛ ba jaŋ yɩyɩrɩŋ Sefas.” Sefas arɩ Pɩɩta fa ŋaa yɩrɩ-bala nɛ, ʋ bʋbʋɔŋ nɛ bʋŋ.

Tɩntɩŋŋaa 18:24

Juu tɩɩna ma nɛ fa hɛ nɩmɛ, baa yɩrɛ Apɔlɔs, ʋ lɩɩ Alɛkɩzandɩrɩa nɛ. Ʋ sii kɔ Ɛfɛsɩs. Ʋ fa jɩŋ wɩaa bʋlʋŋ nɛ woruŋ, a jɩŋ Wɩa teniŋ ma woruŋ.

Tɩntɩŋŋaa 19:1

Apɔlɔs fa sɩ hɛ Kɔrɩntɩ lɛ ŋɩɩ, Pɔɔl bɩra gɔllɛ ŋɩɩ a kɔ Ɛfɛsɩs, a na nɩaa dɔnsʋŋ sɩ laa Yesu wɩaa dii.

1 Kɔrɩntɩ Nɩaa 1:11

Mɩ naambiiriŋ, mɩ nɩa dɩ maa yuo dɔŋɔ nɛ. La naambie ba sɩɩ yɩrɛ Kuluuwi, ʋ dɩa nɩaa nɛ bʋla pɩmɛ.

1 Kɔrɩntɩ Nɩaa 15:5

Ŋɩɩ nɛ ʋ laa sɩpaaŋ kɛŋ ʋ tɩtɩa kʋ dagɛ Pɩɩta, aŋ-na kɛŋ ʋ tɩtɩa kʋ dagɛ ʋ nanzɔɔba-la fii arɩ balɩa.

1 Kɔrɩntɩ Nɩaa 15:50

Mɩ naambiiriŋ, wɩɩ-la mɩ sɩɩ chɛ dɩ mɩ bʋl nɛ ŋ-la: Yara-la ba sɩ kɛŋ tɩarɩŋ mɛ bɩ jaŋ wuo hɛ Wɩa kuorii-la tʋɔŋ. Yara-la ma sɩɩ pʋa bɩ jaŋ wuo hɛ nɩmɛ deeŋ deeŋ a nagɛ yara-la sɩ bɩ pʋa.

1 Kɔrɩntɩ Nɩaa 16:12

Ma jɩŋ la naambie ba sɩɩ yɩrɛ Apɔlɔs nɛ. Mɩ bʋla pʋ woruŋ arɩ ʋ dɩ la naambiiri-la kʋ nama. Ama ʋ bɩ ʋ tɩtɩa kaa hɛ dɔŋɔ dɩ ʋ kɔ lɛɛlɛ. Ama dɩ ʋ na wombiiŋ, ʋ jaŋ kɔ.

1 Kɔrɩntɩ Nɩaa 4:6

Mɩ naambiiriŋ, ma wɩaa nɛ tɩɩ mɩ joŋ wɩaa deemba mɩ sɩ bʋla a kaa magɩsɛ mɩ dɩ Apɔlɔs sɩ nagɛ ŋɩɩ dɩ ʋ wuo pɛ ma lɛ, dɩ ma wuo gʋnnɛ wɩɩ-la nɩaa sɩɩ bʋl, “Má sɩ́ bee kieli wɩalɩŋ ba sɩ ŋmʋnsa bil.” Ŋɩɩ jaŋ leŋ dɩ ma sɩ́ nʋʋkala beŋ arɩ ʋ nɛ kɩɩ ʋ dɔŋɔ.

1 Kɔrɩntɩ Nɩaa 7:29

Mɩ naambiiriŋ, wɩɩ-la mɩ sɩɩ bʋl nɛ ŋ-la: La bɩ jaŋ dieni dʋnɩa deeŋ lɛ. Ŋɩɩ wɩaa, nɩalɩŋ sɩ kɛŋ haalaa, maga dɩ ba nagɛ arɩ ba bɩ haalaa kɛnɛ nɛ.

1 Kɔrɩntɩ Nɩaa 9:5

Ʋ bɩ wombiiŋ kɛnɛ dɩ la ma jaa haalaa sɩ laa Yesu wɩaa dii, dɩ ba to la harɩŋ a mʋmʋ lere-la la sɩɩ bʋl Wɩa wɩaa, koo? Wɩa nanzɔɔba dɔnsʋŋ arɩ La Tɩɩna Yesu ŋaanaa arɩ Pɩɩta ba sɩɩ yɩrɛ Kɩɩfas yie ŋaa ŋɩɩ nɛ.

2 Kɔrɩntɩ Nɩaa 10:7

Maa beŋ kɩaa jambaa nɛ. Dɩ nʋʋ nɛ bɩɩna arɩ ʋ ŋaa Kirisito nʋʋ nɛ, ʋ tɩɩna maga dɩ ʋ jɩŋ arɩ la ma ŋaa Kirisito nɩaa nɛ.

2 Kɔrɩntɩ Nɩaa 9:6

Má sɩ́ wɩɩŋ deeŋ yʋ. Dɩ ŋ nɛ joŋ kʋdoho mʋa duu, kɩaa mʋa nɛ ŋ jaŋ kʋŋ, ama dɩ ŋ kʋdoho nɛ yʋga dɩ ŋ joŋo duu, ŋ jaŋ kʋŋ kɩaa yʋgɛ.

Galiisia Nɩaa 2:9

Jeems arɩ Pɩɩta arɩ Jɔɔŋ sɩ ŋaa Wɩa nɩaa tʋɔŋ nɩhɩasɩ-la na arɩ wʋtɩtɩɩ, Wɩa nɛ lɩɩsɛmɛ dɩ mɩ tɩŋ tɩntɩŋ-fɩɛmɩŋ deeŋ. Ŋɩɩ nɛ ba kɛŋ mɩ dɩ Banabas hɛ ba tʋɔŋ, la kala kɛŋ nii-bala. Ba bʋla arɩ la dɩ Banabas jaŋ mʋ bʋl Wɩa wʋzɔmɔ-la nɩalɩŋ sɩ bɩ Juu tɩŋŋaa ŋaa teeŋ, ka ba ma bʋl wʋzɔmɔ-la Juu tɩŋŋaa teeŋ.

Galiisia Nɩaa 3:17

Wɩɩ-la mɩ sɩ bʋla nɛ ŋ-la: Wɩa sɩ hɛ nii-la a pɩ Abɩraham, ʋ ŋaa jɩsɩŋ zɔɔ-banɛsɛ arɩ mara arɩ fii nɛ, aŋ ka Mosis-na bil wɩalɩŋ dɩ nɩaa tuto. Ŋɩɩ wɩaa Mosis sɩ bil wɩalɩŋ bɩ jaŋ wuo chei nii-la Wɩa sɩ laa sɩpaaŋ hɛ.