1 Kɔrɩntɩ Nɩaa 1:11 - WƖA TENIŊ

¹¹ Mɩ naambiiriŋ, mɩ nɩa dɩ maa yuo dɔŋɔ nɛ. La naambie ba sɩɩ yɩrɛ Kuluuwi, ʋ dɩa nɩaa nɛ bʋla pɩmɛ.

1 Kɔrɩntɩ Nɩaa 1:11 ပူးပေါင်းရင်းမြစ်များ

1 Timoti 6:4

ʋ tɩɩna kɛŋ ʋ tɩtɩa yʋgɛ nɛ, aŋ bɩ wɩɩkala jɩŋ. Ʋ kɛŋ tʋɔbɩɩŋ bɔŋŋɔɔ nɛ a cho kaalɛrɛ, a ŋɩŋaa goŋ wɩalɩŋ sɩ bɩ sɩɩfɩaŋ wɩaa ŋaa lɛ. Ŋɩɩ yie leŋ nɩaa yaraa bibieri dɔŋɔ lɛ, ba yuyuo dɔŋɔ a tʋtʋʋsɛ dɔŋɔ, a bɩbɩɩnɛ wʋbɔŋŋɔɔ dɔŋɔ lɛ.

Galiisia Nɩaa 5:26

Má sɩ́ leŋe dɩ la cho dɩ la bibigisi la tɩtɩa lɛ, a sɩ́ leŋe dɩ la ŋaa dɩ la dɔnsʋŋ tɩŋŋaa baanɩŋ sisii, a sɩ́ yarɩ-bieriŋ kɛŋ dɔŋɔ lɛ.

1 Kɔrɩntɩ Nɩaa 3:3

Ma haa ŋaa dʋnɩa wʋŋaalaa nɛ, bɛɛ wɩaa, ma kɛŋ yarɩ-bieriŋ dɔŋɔ lɛ, a yuyuo dɔŋɔ, ma sɩɩ ŋaa wɩaa deemba, dʋnɩa wʋŋaalaa dee ŋɩɩ?

NAMAGABA 18:6

Nɩyaarɩŋ wʋbʋlʋŋ ka hɛ wɩaa nɛ. Ʋ niiŋ wʋbʋlaa nɛ yie leŋ ʋ laa daaŋ.

Galiisia Nɩaa 5:20

aa kpaarɛ vʋɩyaa, a ŋɩŋaa hɩl wɩaa, a bɛrɛ nɩaa, a hɩhɛ yuosuŋ, a kɛŋ yarɩ-bieriŋ, a kɛŋ baanɩŋ, a chɩl ʋ dʋndʋŋa wɩaa, a kɛŋ dɔŋɔ pʋpɔrɛ, a lɩlɩɩ dɔŋɔ harɩŋ,

Galiisia Nɩaa 5:15

Ama dɩ ma wʋŋaalaa nɛ nagɛ baga kɩaa dɩ ma gʋra kɛŋ dɔŋɔ didii, má pɔ ma tɩtɩa lɛ, dɩ ŋɩɩ dee ma jaŋ kpʋ dɔŋɔ dɛrɛ.

2 Kɔrɩntɩ Nɩaa 12:20

Fawʋllʋŋ kɛmmɛ nɛ mɩ sɩ jaŋ kɔ ma teeŋ. Ŋ bɩ pɔ mɩ jaŋ kɔ dɩ ma bɩ ŋɩɩ mɩ sɩ cho naga, ma ma jaŋ na dɩ mɩ ma bɩ ŋɩɩ ma sɩ cho naga. Mɩ bɔyɛ ka joŋ arɩ mɩ nɛ kɔ, mɩ jaŋ nama dɩ maa yuo yuosuŋ, a kɛŋ yarɩ-bieriŋ, a nɩna baanɩŋ dɔŋɔ nyuŋ, a kɛŋ dɔŋɔ pʋpɔrɛ, a chichei dɔŋɔba yɩrɩŋ, a gɩgaa dɔŋɔ harɩŋ, a kɛŋ sɩɩ-duoŋ, a bɩ nii-bala kɛnɛ.

NAMAGABA 13:10

Nɩalɩŋ sɩɩ dagɛ ba tɩtɩa kɛŋ yuosuŋ nɛ kʋkɔ, ama nɩalɩŋ sɩ sɛyɛ dɩ ba dagɛba yie kɛŋ wʋjɩmɩŋ nɛ.

WƖAA DƖ-SUOMUŊ 37:2

Jekɔb arɩ ʋ doho nɩaa wɩaa nɛ ŋ-la: Josɛf fa ŋaa jɩsɩŋ fii arɩ balɩpɛ nɛ, ka ʋ dɩ ʋ naambiiriŋ fa dɩdaa pʋsʋŋ. Ʋ naambiiri-la naamba nɛ fa Biliha arɩ Zilipa, ʋ nyɩmma haalaa. Ŋɩɩ nɛ Josɛf kʋ bʋl wʋbɔŋ a mʋ tɩgɛ ʋ naambiiriŋ lɛ a pɩ ba nyɩmma.

WƖAA DƖ-SUOMUŊ 27:42

Rɩbɛka sɩ nɩɩ Ɛsɔ ʋ bii-hɩaŋ sɩ bʋl wɩaa deemba, ʋ tɩma yɩrɛ ʋ nanʋa-bie Jekɔb a bʋla pʋ, “Ɛsɔ kɛŋ ʋ tʋɔŋ dɩ ʋ kpʋŋ nɛ dɩ ʋ baanɩŋ fɩɛlɛ.

Fɩlɩpa Nɩaa 2:14

Dɩ ma nɩɩ ŋaa wɩɩkala, má sɩ́ kaalɛrɛ koo a gʋgʋrɩmɛ wɩaa.

1 Kɔrɩntɩ Nɩaa 11:18

Wɩɩ-la mɩ sɩɩ chɛ dɩ mɩ bʋl nɛ ŋ-la: Mɩ nɩa dɩ ma nɛ kʋ hilimi dɩ ma chʋɔlɛ Wɩa, ma bɩ nii-bala ka kɛŋ. Mɩ saa laa dii a nagɛ wʋtɩtɩɩ mʋa hɛ wɩɩŋ deeŋ mɩ sɩ nɩa lɛ.

1 Kɔrɩntɩ Nɩaa 1:10

Mɩ naambiiriŋ, mɩɩ sʋl ma kala La Tɩɩna Yesu Kirisito yɩrɩŋ lɛ, dɩ ma kala kɛŋ nii-bala a sɩ́ dɔŋɔ lɛ pɔrʋ. Mɩɩ sʋlma dɩ ma kɛŋ tʋɔ-bala a chɩŋ wʋbala lɛ.

1 Kɔrɩntɩ Nɩaa 1:12

Wɩɩ-la mɩ sɩ nɩa nɛ ŋ-la: Ma dɔŋɔ yie bʋl dɩ ʋʋ to Pɔɔl harɩŋ nɛ, ka dɔŋɔ ma sɩ dɩ ʋʋ to Apɔlɔs harɩŋ nɛ. Dɔŋɔ ma sɩ ʋʋ to Pɩɩta harɩŋ nɛ, ka dɔŋɔ ma sɩ ʋʋ to Kirisito harɩŋ nɛ.

Taatɩs 3:9

Má leŋ nɩyaarɩ wʋkaalɛrɛ, a sɩ́ ma naabalɩmaba gentine sɩ duomo dɩɩsʋ. Má sɩ́ yuosuŋ hɛ a sɩ́ dɔŋɔ yuo a tɩŋ wɩalɩŋ Mosis fa sɩ ŋmʋnsa bil dɩ nɩaa tuto wɩaa. Ŋɩɩ bɩ bʋbʋɔ kɛnɛ, ŋɩɩ bɩ nʋʋ lɛ ka pɛ.