Stori abaotem Rut 4:6 - Pijin Bible

⁶ Man ya hemi tok olsem, “Sapos olsem, mi no save peimaot disfala pisgraon ya, bikos sapos mi duim olsem, maet mi lusim olketa samting wea olketa pikinini blong mi bae i onam. So, yu nao mas peimaot graon ya. Mi nomoa nao.”

Pijin Deuterocanon

⁶ Man ya hemi tok olsem, “Sapos olsem, mi no save peimaot disfala pisgraon ya, bikos sapos mi duim olsem, maet mi lusim olketa samting wea olketa pikinini blong mi bae i onam. So, yu nao mas peimaot graon ya. Mi nomoa nao.”

Stori abaotem Rut 4:6 ပူးပေါင်းရင်းမြစ်များ

Jenesis 38:8

Nao Jiuda hemi tok olsem long mektu pikinini ya Onan, “Hemi gud fo yu tekem wido ya blong brata blong yu. Hasban blong hem, hemi barava brata blong yu ya, an hemi gud fo yu stap wetem hem, mekem long wei ya nao bae brata blong yu hu hemi dae finis hemi save garem olketa pikinini blong hem.”

Levitikas 25:25

Sapos eniwan long yufala hemi kamap barava pua tumas, an hemi salemaot lan blong hem, oraet, wantok long famili blong hem nao mas peim fo tekembaek datfala lan moa.

Diutronomi 25:7

Bat sapos brata blong man dae hemi no laek fo maritim disfala wido, oraet disfala wido hemi mas go lukim olketa lida kolsap long geit blong taon. Hemi mas tok olsem long olketa, ‘Brata blong hasban blong mi hemi no laek fo maritim mi olsem wea lo hemi talem. Hemi no wande mekem nem blong brata blong hem hemi stap olowe long pipol blong Israel.’

Diutronomi 25:8

Den olketa lida i mas kolem disfala brata kam, mekem olketa toktok long hem. Bat sapos hemi talem moa olsem hemi no laekem,

Diutronomi 25:9

oraet, long ae blong olketa lida, disfala wido hemi mas go aotem slipa blong brata ya, an hemi mas spit long ae blong hem, an hemi mas tok olsem long hem, ‘Hem nao barava wei fo mekem long yu, bikos yu no laekem nem blong brata blong yu hemi stap olowe long pipol blong Israel.’

Stori abaotem Rut 2:20

So Neomi hemi tok olsem long hem, “Letem Yawe hemi blesim hem. Oltaem, Yawe hemi gohed fo kipim promis blong hem wea hemi mekem wetem olketa pipol blong hem hu i laef yet, an olketa hu i dae finis. Yu lukim, man ya hemi wanfala long famili blong hasban blong mi ya. Hemi wanfala long olketa pipol hu i mas lukaftarem yumitufala gudfala ya.”

Stori abaotem Rut 3:13

Hemi gud fo yu stap long hia tunaet, an long moning bae mi trae fo askem hem sapos hemi save tekem yu fo hemi lukaftarem yu. Bat sapos hemi les, mi talem yu tru long nem blong Yawe hu hemi laef, bae mi tekem yu, mekem mi lukaftarem yu. So yu stap long hia go-go kasem moning.”

Stori abaotem Rut 3:9

Hemi askem hem olsem, “!Ei! ?Yu hu ya?” Nao woman ya hemi tok olsem, “Mi Rut nomoa ya, wakamere blong yu. Mi laekem yu fo lukaftarem mi, bikos yu wanfala long famili blong hasban blong mi, an hemi fitim fo yu maritim mi. Plis yu tekem mi, bae mi kamap olsem waef blong yu nao.”