Stori abaotem Rut 4:10 - Pijin Bible

¹⁰ An Rut, disfala woman blong Moab, wea Malon hemi dae from, hemi kamap waef blong mi nao, mekem hemi garem pikinini fo karim nem blong man ya an fo tekova long graon blong hem. An olketa long famili blong hem bae i no save fogetem nem blong hem, an yumi evriwan long ples ya i no save fogetem tu. Tude, yufala evriwan i lukim nao samting ya wea mi duim.”

Pijin Deuterocanon

¹⁰ An Rut, disfala woman blong Moab, wea Malon hemi dae from, hemi kamap waef blong mi nao, mekem hemi garem pikinini fo karim nem blong man ya an fo tekova long graon blong hem. An olketa long famili blong hem bae i no save fogetem nem blong hem, an yumi evriwan long ples ya i no save fogetem tu. Tude, yufala evriwan i lukim nao samting ya wea mi duim.”

Stori abaotem Rut 4:10 ပူးပေါင်းရင်းမြစ်များ

Jenesis 29:27

Letem evrisamting long marit fist blong yu wetem fasbon ya hemi gohed fastaem fo sevenfala de ya, bihaen yu mas promis fo waka long mifala fo sevenfala yia moa. Nao taem seven de ya hemi finis, bae mifala givim mektu ya long yu tu.”

Jenesis 38:9

Bat mektu brata ya hemi savegud dat sapos woman ya hemi bonem olketa pikinini, bae olketa pikinini ya i no blong hem, bat olketa i blong brata blong hem ya hu i dae. So hemi tekem woman ya, bat oltaem, taem hemi gohed fo slip wetem hem, hemi gohed fo mekem wea woman ya bae hemi no save garem pikinini fo kipim nem blong brata blong hem ya.

Sams 109:15

!Letem Yawe hemi no fogivim olketa sin blong olketa olo blong hem, an no eniwan hemi tingim moa olketa long laen blong hem!

Sams 34:16

Bat Yawe hemi agensim olketa hu i duim olketa ravis samting. So taem olketa ya i dae, no longtaem bihaen, bae evriwan fogetem olketa nao.

Provebs 18:22

Taem yu faendem woman fo maritim, yu faendem wanfala gudfala samting ya. Hemi wanfala blesing.

Provebs 19:14

Man garem haos an seleni from dadi an mami blong hem, bat Yawe nomoa save givim gudfala waef long hem.

Aesaea 48:19

Ya, sapos yufala bin obeim mi, bae mi mekem olketa hu bae i bon kam long laen blong yufala, fo kamap plande tumas olsem olketa sanbis long saet si. An bae mi nating letem eniwan fo spoelem olketa.”

Hosia 12:12

(Profet) Long bifoa, grani blong yumi ya Jekob hemi ranawe go long lan ya Mesopotemia. Long datfala ples, hemi lukaftarem olketa sipsip blong wanfala man, mekem hemi save maritim dota blong hem.

Hosia 3:2

So, mi baem hem baek fo fiftinfala pis silva wetem 140 kilo long bali.

Sekaraea 13:2

Long datfala de, bae mi tekemaot evri tambu kaving from disfala lan, mekem pipol no save tingim moa olketa nem blong olketa. Bae mi ronem olketa pipol wea i talem dat hemi wanfala profet, wetem olketa pipol hu i laekem tumas fo wosipim olketa tambu kaving.

Malakae 2:14

?Waswe nao hemi olsem? Hemi les, bikos hemi lukim dat yufala no kipim strongfala promis wea yufala bin mekem long waef blong yufala. Taem yufala yang yet, an yufala marit, yufala bin mekem strongfala promis long waef. Nomata hemi pat long yufala, bat yufala brekem finis disfala promis long hem.

Efesas 5:25

Yufala man hu i marit, yufala mas lavem olketa waef blong yufala barava olsem Kraes hemi lavem sios. Dastawe hemi letem hem seleva fo dae fo sios,

Diutronomi 25:6

Nao fasbon pikinini boe wea tufala garem, hemi barava olsem pikinini blong man dae, an bae hemi tekem nem blong man dae. Long disfala wei, nem blong man dae hemi no save lus long pipol blong Israel.

Hibrus 13:4

Evri pipol i mas tinghae long wei blong marit. Olketa hasban an olketa waef i mas kipim olketa seleva, olsem olketa promis finis fo duim. Bikos God bae hemi panisim olketa pipol hu i brekem lo blong marit wetem olketa hu i durong olobaot nomoa.

Josua 7:9

Sapos evriwan long lan ya i herem nius, bae olketa kam an raonem mifala an kilim mifala evriwan dae. Kaen wei ya bae hemi mekem plande pipol fo tokspoelem hae nem blong yu, so yu mas helpem mifala.”

Stori abaotem Rut 4:9

Boas hemi tok olsem long olketa lida blong olketa an long olketa narafala man blong ples ya, “Yufala evriwan i witnes blong mi nao. Tude, mi peimaot evrisamting ya nao long Neomi. Distaem, evrisamting wea fastaem hemi blong Elimelek, an Kilion, an Malon, olketa i blong mi nao.