Stori abaotem Rut 3:1 - Pijin Bible

¹ Neomi hemi tok olsem long Rut, “Mi mas faendem wanfala man fo maritim yu, mekem yu save garem ples wea yu save stap gud nomoa.

Pijin Deuterocanon

¹ Neomi hemi tok olsem long Rut, “Mi mas faendem wanfala man fo maritim yu, mekem yu save garem ples wea yu save stap gud nomoa.

Stori abaotem Rut 3:1 ပူးပေါင်းရင်းမြစ်များ

Jenesis 40:14

!An taem wea yu goaot from prisin ya, plis yu no fogetem mi! Plis yu kaen long mi, an talem king abaotem mi mekem hemi save tekem mi aot from prisin ya tu.

Sams 128:2

Sapos yu gohed fo duim olsem, bae waka blong yu hemi save helpem yu, an bae yu garem gudfala laef an yu hapi olowe.

1 Korin 7:36

Nao sapos wanfala boe wetem wanfala gele tufala stap wea olketa mektambu long tufala fo marit, bat tufala sei hemi moabeta sapos tufala i no marit. Bat sapos boe ya hemi tingim moa bihaen wea wanem hemi duim hemi no stret, an hemi laekem tumas fo maritim gele ya, oraet, hemi gud nomoa fo tufala i marit. Diswan hemi no rong ya.

Diutronomi 4:40

Dastawe yufala mas obeim olketa lo an rul blong hem wea mi talemaot long yufala tude. An sapos yufala duim olsem, bae yufala save garem gudfala laef, an olketa pikinini blong yufala wetem olketa wea bae i kamaot bihaen long yufala, olketa save garem gudfala laef. An bae yufala save stap longtaem long lan wea Yawe bae hemi givim long yufala fo onam olowe.”

1 Timoti 5:14

Dastawe nao mi laekem olketa yangfala wido woman fo olketa marit moa, mekem olketa save garem pikinini an lukaftarem haos blong olketa seleva. Sapos olketa duim olsem, bae olketa enemi blong yumi i no save faendem eni wei fo tokdaonem yumi.

1 Timoti 5:8

Bikos eniwan wea hemi no duim enisamting fo helpem olketa pipol long laen blong hem an long famili blong hem seleva, hemi somaot dat hemi lusim biliv blong hem. Wei blong hem hemi wos moa winim olketa pipol hu i no biliv long God.

Stori abaotem Rut 1:9

Letem God hemi helpem yutufala mekem yutufala save marit moa, mekem yutufala stap gud wetem niufala hasban.” Taem Neomi hemi kisim tufala fo gudbae long tufala, tufala ya i barava krae bikfala.

Stori abaotem Rut 2:23

So Rut hemi gohed fo waka wetem olketa wakamere blong Boas. An hemi gohed fo pikimap bali an wit, go-go olketa finis fo katem evri bali an wit long olketa gaden blong hem. An hemi gohed fo stap olowe nomoa wetem mami inlo blong hem.

Stori abaotem Rut 3:2

Yu save, man ya Boas wea yu gohed fo waka wetem olketa wakamere blong hem, hemi wanfala man long famili blong hasban blong mi ya, hu hemi fitim fo hemi maritim yu. Yu lisin. Long ivining tude, hem wetem olketa wakaman blong hem bae i go long ples fo klinimaot olketa skin blong bali, an tekemaot kaikai blong hem.