Stori abaotem Rut 2:12 - Pijin Bible

¹² Letem Yawe hu hemi God blong mifala, hemi givim olketa gudfala samting long yu fo olketa samting ya wea yu bin duim. An letem hemi lukaftarem yu gudfala bikos yu bin kam long saet blong hem.”

Pijin Deuterocanon

¹² Letem Yawe hu hemi God blong mifala, hemi givim olketa gudfala samting long yu fo olketa samting ya wea yu bin duim. An letem hemi lukaftarem yu gudfala bikos yu bin kam long saet blong hem.”

Stori abaotem Rut 2:12 ပူးပေါင်းရင်းမြစ်များ

Sams 17:8

Mi askem yu fo lukaftarem mi barava gudfala, olsem wea yu gohed fo lukaftarem ae blong yu seleva. An yu haedem mi olsem wea kokorako hemi haedem olketa pikinini blong hem andanit long wing blong hem.

Sams 19:11

Lod Yawe, olketa toktok blong yu ya i gohed fo mekem mi save, wea mi nao wakaman blong yu. An yu givim gudfala samting long mi, bikos mi gohed fo obeim olketa toktok ya.

Sams 36:7

God, wei blong yu fo lavem pipol olowe, hemi barava gudfala tumas. Mifala faendem sefples long yu olsem wea pikinini blong kokorako hemi faendem sefples andanit long wing blong mami blong hem.

Sams 57:1

God, yu sore long mi. Plis yu sore long mi bikos mi stap long bikfala trabol wea hemi olsem komburu. Mi kam fo haed long yu, fo stap gud olsem pikinini blong bed wea hemi haed andanit long wing blong mami blong hem, nao bae mi save stap gud go-go kasem taem wea komburu ya hemi finis.

Sams 58:11

Nao olketa pipol bae i tok olsem, “Hemi tru nao, wea God hemi givim gudfala samting long olketa stretfala pipol ya. An hemi gohed fo jajem evri pipol long wol.” (Singsing blong Deved. Hemi wakem bihaen long taem wea King Sol hemi sendem olketa man blong hem long haos blong Deved fo kilim hem dae.)

Sams 61:4

Plis yu letem mi stap long Tambuhaos blong yu oltaem long laef blong mi, an yu haedem mi olsem wea kokorako hemi haedem olketa pikinini blong hem andanit long wing blong hem.

Sams 63:7

bikos yu nao bin helpem mi olowe. Mi faendem sefples long yu olsem wea pikinini blong kokorako hemi haed andanit long wing blong mami blong hem. Dastawe nao mi hapi, an mi gohed fo singsing.

Sams 91:4

Bae hemi lukaftarem yu gudfala olsem wea mami kokorako hemi kavaremap gudfala olketa pikinini blong hem andanit long wing blong hem. An bae hemi kipim promis blong hem fo lukaftarem yu an gadem yu.

Provebs 11:18

Duim wanem hemi rong, bae yu tekem ravis pei, duim wanem hemi stret, olketa bae givim gud samting long yu,

Provebs 23:18

Sapos yu tingting olsem, laef blong yu bae kamap nambawan.

Jeremaea 31:16

Bat mi talem yu tru nao. Resel. Yu no krae moa. Ya, yu draem tias blong yu, bikos bae mi givim gudfala samting long yu fo olketa gud samting yu bin duim fo olketa pikinini blong yu. Bae olketa pikinini ya i kamaot from ples blong olketa enemi, an kambaek moa long ples blong olketa. An laef blong yu bae kamap nambawan.” Hem nao mesij blong Yawe.

Matiu 23:37

Nao Jisas hemi tok moa olsem, “!Jerusalem, Jerusalem! Yu nao yu kilim dae olketa profet, an yu sutim dae olketa niusman blong God long ston. Plande taem mi laekem yufala fo kam long mi, mekem mi lukaftarem yufala, olsem taem kokorako hemi haedem olketa smolfala pikinini blong hem andanit long wing blong hem. Bat yufala nating wiling nomoa.

Matiu 5:12

Hem nao ya, yufala mas barava hapi fogud, bikos God bae hemi letem yufala joenem kingdom blong heven. Yufala ya, yufala wankaen wetem olketa profet blong God long bifoa kam, bikos olketa pipol i meksave long olketa olsem tu ya.

Matiu 6:1

Jisas hemi sei moa, “Yufala mas lukaot, nogud yufala duim olketa gudfala samting nomoa bikos yufala laekem olketa pipol fo lukim. Sapos yufala duim olsem, Dadi blong yufala long heven bae hemi no givim gudfala samting long yufala ya.

Gudnius abaotem Jisas Kraes wea Luk hemi raetem 6:35

Bat yufala mas lavem olketa enemi blong yufala, an yufala mas duim gudfala samting long olketa tu. An yufala mas givim enisamting blong yufala fo olketa nara pipol, wea yufala no tingim moa wea bae olketa mas givimbaek long yufala. Sapos yufala duim olsem, bae God hemi barava blesim yufala ya, an bae yufala nao kamap barava pikinini blong God Antap. Bikos God hemi kaen olowe long olketa pipol, nomata olketa no save kaen long hem an nomata wei blong olketa hemi barava ravis tumas.

Kolosi 2:18

Samfala man olketa praod tumas long olketa spesol drim blong olketa, an olketa tisim pipol fo putum olketa seleva daon an fo wosipim olketa enjel. Yufala no letem eni man olsem fo jajem yufala. Hemi praod nating from olketa tingting blong wol ya wea hemi no tru,

2 Timoti 1:18

An yu savegud tu hao hemi helpem mi tumas long Efesas. Mi askem Masta fo hemi sore an kaen long hem long Lasde.

2 Timoti 4:8

An disfala praes wea bae mi winim hemi redi finis. Ya long Lasde, Masta hu hemi save jajem pipol long stretfala wei, bae hemi mekem mi stanap olsem stretfala man long ae blong God. An bae hemi no duim diswan long mi nomoa, bat bae hemi duim tu long evri pipol hu laekem hem fo kambaek moa.

Hibrus 11:26

Hemi biliv wea God bae hemi sendem Mesaea wea hemi promisim long olketa pipol blong hem, an dastawe nao Mosis hemi wiling fo safa fo disfala biliv. Hemi tingse wea disfala promis hemi gud moa winim evri gudfala samting blong Ijip, bikos hemi lukluk go long olketa gudfala samting wea God bae hemi givim.

Hibrus 11:6

No eniwan save mekem God fo hemi hapi long hem, sapos hemi no biliv. Bikos eniwan hu hemi laek fo kam kolsap long God, hemi mas biliv dat God hemi stap, an hemi mas biliv dat God hemi givim olketa gudfala samting ya long olketa pipol hu i kam long hem.

Hibrus 6:10

God hemi tru, an hemi no save fogetem waka blong yufala an disfala lav wea yufala somaot finis long saet blong hem. Hemi luksave dat yufala bin helpem olketa nara Kristin an wea yufala gohed fo duim olsem yet.

Stori abaotem Rut 1:16

Bat Rut hemi tok olsem long hem, “Plis yu no talem mi fo lusim yu. Mi laekem tumas fo kam wetem yu. Plis yu no stopem mi. Ples wea bae yu go long hem, bae mi go long hem tu. Ples wea bae yu stap long hem, bae mi stap long hem tu. Olketa wantok blong yu bae i wantok blong mi tu, an God blong yu bae hemi God blong mi tu.

Stori abaotem Rut 2:11

Bat Boas hemi tok olsem long hem, “Mi herem finis nius abaotem olketa samting wea yu bin duim fo mami inlo blong yu, stat long taem wea hasban blong yu hemi dae ka-kam kasem tude. Mi save dat yu lusim barava mami an dadi blong yu, an yu lusim ples blong yu, fo kam an stap wetem mifala long ples wea yu no save long olketa wei blong pipol ya.

Stori abaotem Rut 2:13

Rut hemi tok olsem, “Bikman, yu barava kaen tumas long mi. Nomata mi no wanfala long olketa wakagele blong yu, yu gohed fo toktok gudfala nomoa long mi, an yu mekem tingting blong mi fo kamap gudfala.”

Stori abaotem Rut 4:15

Bae hemi mekem laef blong yu hemi kamap gudfala moa, an taem yu olo, bae hemi lukaftarem yu. An Rut hemi lavem yu tumas. Nomata yu garem sevenfala pikinini boe fo helpem yu, bae olketa no save helpem yu gudfala, olsem wea hemi duim fo yu taem hemi bonem disfala pikinini.”

1 Samuel 24:19

Hemi had tumas fo eniwan letem enemi blong hem fo go fri sapos hemi holem finis. !Letem Yawe hemi givim gudfala samting long yu, bikos yu no kilim mi dae tude!

1 Samuel 24:20

Distaem mi save nao olsem bae yu kamap king, an bae yu mekem kingdom blong Israel fo kamap strong.