Stori abaotem Rut 2:11 - Pijin Bible

¹¹ Bat Boas hemi tok olsem long hem, “Mi herem finis nius abaotem olketa samting wea yu bin duim fo mami inlo blong yu, stat long taem wea hasban blong yu hemi dae ka-kam kasem tude. Mi save dat yu lusim barava mami an dadi blong yu, an yu lusim ples blong yu, fo kam an stap wetem mifala long ples wea yu no save long olketa wei blong pipol ya.

Pijin Deuterocanon

¹¹ Bat Boas hemi tok olsem long hem, “Mi herem finis nius abaotem olketa samting wea yu bin duim fo mami inlo blong yu, stat long taem wea hasban blong yu hemi dae ka-kam kasem tude. Mi save dat yu lusim barava mami an dadi blong yu, an yu lusim ples blong yu, fo kam an stap wetem mifala long ples wea yu no save long olketa wei blong pipol ya.

Stori abaotem Rut 2:11 ပူးပေါင်းရင်းမြစ်များ

2 Samuel 21:11

Taem king hemi herem samting wea Rispa, woman blong Sol, hemi duim,

Sams 45:10

Yu wea bae yu maritim king ya tude, yu lisin kam long wanem bae mi talem. Yu mas fogetem nao olketa wantok blong yu an olketa famili blong yu tu.

Gudnius abaotem Jisas Kraes wea Luk hemi raetem 14:33

So yufala tu mas tingting gud fastaem olsem, bikos man hu hemi no wiling fo lusim evrisamting wea hemi garem, hemi no save kamap wanfala disaepol blong mi ya.”

Gudnius abaotem Jisas Kraes wea Luk hemi raetem 5:11

So olketa man ya pulum tufala bot ya go long soa nomoa, an olketa lusim evrisamting an olketa go falom Jisas nao.

Gudnius abaotem Jisas Kraes wea Luk hemi raetem 5:23

Hemi isi tumas ya fo sei long man, ‘Mi fogivim nao olketa sin blong yu’. Bat hemi had tumas fo sei, ‘Yu stanap an yu wakabaot go nao’.

Stori abaotem Rut 1:11

Bat hemi tok olsem long tufala, “Nomata yutufala i dota inlo blong mi, hemi no gud tumas fo yutufala fo kam wetem mi. Samting gud nomoa, yutufala gobaek, bikos mi no save bonem tufala pikinini boe moa, mekem yutufala save maritim.

Stori abaotem Rut 2:10

Nao Rut hemi baodaon long hem, go-go fes blong hem hemi godaon kasem graon, an hemi tok olsem, “Maewat, mi wanfala strensa nomoa long ples ya, bat yu barava kaen tumas fo luksave long mi.”

Stori abaotem Rut 2:12

Letem Yawe hu hemi God blong mifala, hemi givim olketa gudfala samting long yu fo olketa samting ya wea yu bin duim. An letem hemi lukaftarem yu gudfala bikos yu bin kam long saet blong hem.”

Stori abaotem Rut 3:10

Boas hemi tok olsem, “Letem Yawe hemi blesim yu, bikos wei ya wea yu duim distaem, hemi gudfala moa winim olketa samting wea yu bin du-duim fo mami inlo blong yu. Mi sapraes tumas bikos yu no go lukaotem wanfala yang man hu hemi risman o hemi puaman, mekem yu maritim, bat yu gohed fo tinghae tumas long famili blong mifala.

Stori abaotem Rut 4:15

Bae hemi mekem laef blong yu hemi kamap gudfala moa, an taem yu olo, bae hemi lukaftarem yu. An Rut hemi lavem yu tumas. Nomata yu garem sevenfala pikinini boe fo helpem yu, bae olketa no save helpem yu gudfala, olsem wea hemi duim fo yu taem hemi bonem disfala pikinini.”