Stori abaotem Rut 1:11 - Pijin Bible

¹¹ Bat hemi tok olsem long tufala, “Nomata yutufala i dota inlo blong mi, hemi no gud tumas fo yutufala fo kam wetem mi. Samting gud nomoa, yutufala gobaek, bikos mi no save bonem tufala pikinini boe moa, mekem yutufala save maritim.

Pijin Deuterocanon

¹¹ Bat hemi tok olsem long tufala, “Nomata yutufala i dota inlo blong mi, hemi no gud tumas fo yutufala fo kam wetem mi. Samting gud nomoa, yutufala gobaek, bikos mi no save bonem tufala pikinini boe moa, mekem yutufala save maritim.

Stori abaotem Rut 1:11 ပူးပေါင်းရင်းမြစ်များ

Jenesis 38:11

Nao Jiuda hemi tok olsem long wido ya, “Yu gobaek long haos blong dadi blong yu, an yu stap kuaet. An yu no marit moa, go-go lasbon blong mi ya Sela hemi bikfala.” Hemi toktok olsem bikos hemi fraet nogud bae Yawe hemi kilim dae lasbon ya tu, olsem wea hemi kilim dae finis tufala brata blong hem ya. So wido ya hemi gobaek long haos blong dadi blong hem nao.

Jenesis 38:9

Bat mektu brata ya hemi savegud dat sapos woman ya hemi bonem olketa pikinini, bae olketa pikinini ya i no blong hem, bat olketa i blong brata blong hem ya hu i dae. So hemi tekem woman ya, bat oltaem, taem hemi gohed fo slip wetem hem, hemi gohed fo mekem wea woman ya bae hemi no save garem pikinini fo kipim nem blong brata blong hem ya.

Diutronomi 25:5

Nao Mosis hemi gohed fo tok olsem, “Maet tufala brata i stap tugeta, nao wanfala long tufala hemi dae, bat hemi no garem pikinini boe blong hem. Sapos hemi olsem, wido blong hem hemi mas no marit long man blong narafala famili. Brata blong disfala man dae hemi mas maritim hem.

Stori abaotem Rut 1:10

Tufala tok olsem long hem, “Nomoa, mitufala mas kam wetem yu nao fo go an stap wetem olketa long famili blong yu.”

Stori abaotem Rut 1:12

Yutufala gobaek nomoa long ples blong yutufala. Mi olo finis, an mi no save marit moa. Nomata sapos mi tok olsem long yutufala, ‘Yutufala weit, bae mi garem tufala pikinini boe moa mekem yutufala maritim,’ bat toktok ya hemi no save stopem yutufala, mekem yutufala no maritim narafala man. Nomata sapos mi marit long tunaet nomoa, an mi bonem tufala pikinini boe, hemi had tumas fo yutufala save weit go-go tufala ya i bikfala, mekem yutufala maritim tufala. Disfala samting hemi barava had tumas ya bikos Yawe hemi no luk long mi nao.”