Stori abaotem Job 9:23 - Pijin Bible

²³ Taem trabol hemi mekem eniwan fo dae kuiktaem, God hemi laf nomoa long trabol blong stretfala pipol.

Pijin Deuterocanon

²³ Taem trabol hemi mekem eniwan fo dae kuiktaem, God hemi laf nomoa long trabol blong stretfala pipol.

Stori abaotem Job 9:23 ပူးပေါင်းရင်းမြစ်များ

Jenesis 17:17

Nao Ebraham hemi baodaon go-go fes blong hem kasem graon, bat hemi stat fo laf taem hemi gohed fo tingting olsem, “!Maewat! Mi kasem 100 yia blong mi finis, mi no save garem pikinini. An Sera hemi kasem naenti yia blong hem nao, hem tu hemi no save bonem pikinini nao.”

2 Samuel 14:15

“King, masta blong mi, mi kam askem samting ya long yu, bikos olketa pipol i mekem mi fraet. Dastawe mi gohed fo tingting olsem bae mi go talem samting ya long yu king, bikos maet yu save duim samting wea mi askem.

2 Samuel 14:17

An mi save tu olsem promis blong yu bae hemi save mekem mi fo stap gudfala, bikos yu masta, yu olsem enjel blong God, an yu save luksave long samting wea hemi gud an samting wea hemi nogud. !Letem Yawe, God blong yu, hemi stap wetem yu!”

Stori abaotem Job 2:7

So Seitan hemi goaot, an hemi mekem enikaen ravis soa nomoa fo kavaremap bodi blong Job, stat long hed blong hem go-go kasem fut blong hem.

Stori abaotem Job 24:12

Olketa pipol hu i garekil an i kolsap dae, i kraeaot insaet long taon mekem God hemi helpem olketa. Bat God hemi no duim enisamting abaotem olketa nogud samting ya.

Stori abaotem Job 4:7

Yu trae fo tingabaotem eniwan hu hemi stret nomoa. ?Waswe, kaen man ya hemi save lus? ?Waswe, yu lukim bikfala trabol i kasem hem ya?

Stori abaotem Job 8:20

Yumi save dat God hemi no les long olketa stretfala pipol, an hemi no save helpem olketa nogud pipol.

Sams 44:22

Bat from mifala blong yu, olketa pipol i laekem tumas fo kilim mifala dae evri de nomoa, olketa tingting long mifala olsem olketa sipsip fo olketa busarem fo dae.

Esikiel 21:13

Mi gohed fo testem olketa pipol blong mi. ?Wanem nao bae hemi hapen sapos naef blong mi fo faet hemi no mekhae long paoa blong eni king mekem king ya no gohed fo stap laef? Hem nao mesij blong mi Lod Yawe.