Stori abaotem Job 9:16 - Pijin Bible

¹⁶ An nomata mi kolem hem kam long kot an hemi kam, mi tingse bae hemi nating lisin kam long mi.

Pijin Deuterocanon

¹⁶ An nomata mi kolem hem kam long kot an hemi kam, mi tingse bae hemi nating lisin kam long mi.

Stori abaotem Job 9:16 ပူးပေါင်းရင်းမြစ်များ

Stori abaotem Job 13:22

Yu mas tok fastaem, an bae mi ansarem yu. Sapos nomoa, yu letem mi tok fastaem, an bae yu ansarem mi.

Stori abaotem Job 29:24

Long datfala taem, pipol i barava hapi fogud sapos mi smael long olketa, an smael blong mi hemi strongim tingting blong olketa.

Stori abaotem Job 9:15

Nomata mi no duim eni nogud samting bat mi no save talem go eni toktok long hem. Hem nao jaj blong mi, an mi mas askem nomoa fo hemi kaen long mi.

Stori abaotem Job 9:17

Ating bae hemi sendem kam komburu long mi, an mekem mi garekil fo nating nomoa.

Sams 126:1

Taem wea Yawe hemi tekem yumi kambaek long Saeon, hemi olsem nomoa wanfala drim.

Sams 18:6

Long taem ya wea trabol hemi kasem mi, mi kolem Yawe hu hemi God blong mi, fo hemi helpem mi. Hemi stap kam long Tambuhaos blong hem, an hemi herem kam voes blong mi. Hemi herem mi taem mi krae go long hem fo hemi helpem mi.

Eksodas 6:9

So Mosis hemi talemaot olketa toktok ya long olketa pipol blong Israel, bat olketa no save lisin long hem, bikos tingting blong olketa hemi no strong nao from hadwaka wea olketa pipol blong Ijip i fosim olketa fo duim.

Gudnius abaotem Jisas Kraes wea Luk hemi raetem 24:41

An olketa barava hapi fogud nao. Bat nomata olsem, olketa nating bilivim hem nomoa, bikos olketa no minim nomoa bikfala samting ya. So Jisas hemi askem olketa, “?Waswe, yufala garem eni kaikai?”

Jajis 6:13

Bat Gidion hemi tok olsem long hem, “Sore masta, bat yu tingim fastaem. ?Sapos Yawe hemi stap wetem mifala, waswe nao olketa nogud samting ya i kasem mifala olsem? Olketa grani blong mifala bifoa i tokabaotem taem Yawe duim olketa bikfala samting fo hemi tekem olketa aot from Ijip. ?Waswe nao hemi no duim semsamting fo mifala? Distaem hemi lusim mifala finis so mifala stap long han blong laen blong Midian.”