Stori abaotem Job 8:9 - Pijin Bible

⁹ Laef blong yumi hemi sot nomoa, an yumi nating save long enisamting. Ya, laef blong yumi hemi go pas nomoa olsem sado.

Pijin Deuterocanon

⁹ Laef blong yumi hemi sot nomoa, an yumi nating save long enisamting. Ya, laef blong yumi hemi go pas nomoa olsem sado.

Stori abaotem Job 8:9 ပူးပေါင်းရင်းမြစ်များ

Jenesis 47:9

An hemi tok olsem, “Mi ya, mi 130 yia nomoa ya, an oltaem long laef blong mi, mi gohed fo muv from wanfala ples an go long narafala ples. Laef blong mi hemi no olsem laef blong olketa grani blong mi bifoa, wea olketa stap longtaem, an olketa go long evri ples. Laef blong mi hemi sotfala nomoa, an oltaem mi gohed fo faendem hadtaem.”

1 Kronikols 29:15

Yawe, yu save long laef blong mifala long disfala wol. Oltaem, mifala fil olsem wea mifala stap nating long narafala kantri. Oltaem mifala i strensa olsem olketa grani blong mifala bifoa long Ijip. Laef blong mifala i go pas kuiktaem olsem sado, an mifala no save ranawe from dae.

2 Kronikols 10:6

Den hemi go lukim evri olo wea olketa i advaesa blong dadi blong hem bifoa, an hemi askem olketa olsem, “?Waswe, yufala garem samfala gudfala tingting wea mi save talem long olketa ya?”

Stori abaotem Job 14:1

Man hemi bon long woman, laef blong hem hemi sot tumas, an hemi garem staka hadtaem.

Stori abaotem Job 14:2

Hemi grou kuiktaem olsem flaoa, an hemi dae kuiktaem tu olsem flaoa. Laef blong hem i save lus kuiktaem nomoa olsem sado.

Stori abaotem Job 32:7

Mi tingting olsem, hemi gud nao yufala olketa olo talemaot olketa waes toktok.

Stori abaotem Job 7:6

Laef blong mi hemi gopas kuiktaem nomoa olsem wata wea hemi ran. Kolsap hemi finis nao an hemi samting nating nomoa.

Stori abaotem Job 8:10

Hemi gud fo yu herem olketa waes toktok blong olketa olo blong yumi bifoa. Olketa olo save talemaot olketa gud samting fo yu.

Sams 102:11

Laef blong mi hemi kolsap fo finis nao olsem sado long ivining wea hemi kolsap fo lus. Ya, mi olsem nomoa gras wea hemi drae finis.

Sams 102:12

Bat yu Lod Yawe, bae yu King olowe nao. An evriwan wea i bon kam bihaen, bae i gohed fo tingim yu.

Sams 144:4

Laef blong olketa hemi olsem nomoa smolfala win wea hemi blou fo lelebet taem den hemi finis. Ya, olketa i olsem nomoa sado wea hemi go pas.

Sams 39:5

Distaem yu bin mekem laef blong mi fo hemi sotfala fogud. Long ae blong yu, taem blong mi fo laef hemi samting nating nomoa. Laef blong man, hemi olsem nomoa wanfala smolfala win, wea hemi blou fo lelebet taem nomoa, an finis nao.

Sams 82:5

!Yufala krangge tumas! !Yufala nating save enisamting! Wei blong yufala hemi nogud tumas nao. Distaem, evrisamting wea yufala duim long wol hemi nating stret.

Sams 90:4

Long yu, 1,000 yia hemi olsem nomoa wanfala de, hemi olsem yestade wea hemi gopas finis, an hemi olsem wan aoa long naet, wea hemi gopas kuiktaem nomoa.