Stori abaotem Job 8:8 - Pijin Bible

⁸ Hemi gud fo yu tingabaotem olketa waes toktok from bifoa kam, an save long olketa toktok blong olketa olo.

Pijin Deuterocanon

⁸ Hemi gud fo yu tingabaotem olketa waes toktok from bifoa kam, an save long olketa toktok blong olketa olo.

Stori abaotem Job 8:8 ပူးပေါင်းရင်းမြစ်များ

2 Kronikols 10:6

Den hemi go lukim evri olo wea olketa i advaesa blong dadi blong hem bifoa, an hemi askem olketa olsem, “?Waswe, yufala garem samfala gudfala tingting wea mi save talem long olketa ya?”

Stori abaotem Job 12:12

Olketa olo nao i waes, an save tumas long olketa samting.

Stori abaotem Job 13:1

Hem nao ya, mi luksave long olketa samting ya. An mi herem an save finis long olketa ya.

Stori abaotem Job 15:10

Mifala tekem waes blong mifala from olketa olo. Olketa olo ya i bon longtaem bifoa dadi blong yu.

Stori abaotem Job 15:18

An bae mi talem yu evri toktok blong olketa waesman. Olketa ya nating haedem enisamting wea olketa bin lanem long olketa olo blong olketa.

Stori abaotem Job 20:4

Yu savegud finis, dat stat long taem God hemi mekem man, ka-kam kasem tude,

Sams 44:1

God, olketa bikfala samting wea yu bin duim bifoa kam yet, long taem blong olketa olo blong mifala, mifala seleva bin herem finis long ia blong mifala. An olketa olo blong mifala i bin talem finis long mifala.

Aesaea 38:19

Mifala hu i laef yet, mifala nomoa save preisim yu, olsem wea mi duim distaem. Olketa dadi gohed fo talem olketa pikinini abaotem wei wea oltaem, yu gohed fo kipim olketa promis blong yu.

Joel 1:2

(Profet) !Lisin kam gudfala long toktok blong mi, yufala olketa olo an evri pipol long lan blong Jiuda! ?Waswe, enisamting olsem ya hemi hapen yet long disfala taem blong yufala, o long taem blong olketa olo blong yufala bifoa?

Leta wea Pol hemi raetem go long sios long Rom 15:4

Evrisamting wea olketa raetem long Buktambu bifoa, hem fo tisim yumi, mekem biliv blong yumi strong an mekem yumi wiling fo weit nomoa fo olketa samting wea God hemi promisim yumi.

1 Korin 10:11

Nao olketa samting wea i hapen long olketa olo blong yumi ya, hemi olsem olketa piksa wea olketa raetemdaon fo wonem yumi. Bikos yumi stap long taem wea hemi kolsap long en blong disfala wol ya.

Diutronomi 32:7

Yufala mas rimembarem olketa taem long bifoa kam. Go askem dadi fo stori long olketa samting, an bae hem save talem long yufala. Go askem olketa olo fo talemaot stori long olketa samting wea i kasem yumi.

Diutronomi 4:32

“Yufala trae ask abaotem olketa samting wea hemi bin kamap bifoa kam from datfala taem wea God hemi wakem olketa pipol. Yufala trae ask evriwea long wol abaotem olketa bikfala samting wea hemi hapen.