Stori abaotem Job 8:3 - Pijin Bible

³ God hemi nating save benem stretfala wei fo kamap kruket. God hu hemi garem evri paoa hemi nating spoelem wanem hemi stret.

Pijin Deuterocanon

³ God hemi nating save benem stretfala wei fo kamap kruket. God hu hemi garem evri paoa hemi nating spoelem wanem hemi stret.

Stori abaotem Job 8:3 ပူးပေါင်းရင်းမြစ်များ

Jenesis 18:25

Long tingting blong mi, yu no save spoelem olketa evriwan olsem ya. Sapos yu spoelem taon ya, bae olketa nogud pipol an olketa gudfala pipol dae wantaem nao ya. !Diskaen ya hemi no wei blong yu ya! Yu no mekem hemi semsem nomoa long olketa nogud pipol wetem olketa gudfala pipol. Yu man fo jajem olketa pipol long wol. !Yu gohed fo jajem man long stretfala wei nomoa!”

2 Kronikols 19:7

Yufala mas tinghae long Yawe hu hemi God blong yumi. Yufala mas keakea fo jaj long stretfala wei, bikos hemi les long wei wea hemi no stret, an hemi les long jaj hu hemi saetem eni man, an hemi les long wei fo grisim jaj long seleni.”

Stori abaotem Job 10:3

?Yu tingse hemi gudfala samting nao fo mekem mi safa? Yu mekem mi, bat distaem yu les long mi. Hemi luk olsem yu hapi long wei blong olketa nogud pipol.

Stori abaotem Job 19:6

Bat wea, yutrifala mas save dat God nao hemi mekem mi fo safa. An hemi holem mi long trap blong hem.

Stori abaotem Job 19:7

Nomata mi singaot mekem samwan hemi sevem mi, bat no eniwan hemi ansarem mi nomoa. An taem mi singaot fo samwan hemi helpem mi, bat no eniwan hemi duim eni stretfala samting fo mi.

Stori abaotem Job 21:15

Olketa tingse, olketa no nid fo duim enisamting nomoa fo God. An olketa tingse prea hemi samting nating nomoa.

Stori abaotem Job 21:20

Nogud man mas garem panis blong hem seleva, mekem hem filim kros blong God hu hemi garem evri paoa.

Stori abaotem Job 34:5

Job hemi bin tok olsem, “Laef blong mi hemi stret nomoa, bat God hemi no letem mi fo garem raet blong mi.

Stori abaotem Job 35:13

Hemi yusles nomoa fo olketa krae go olsem, bikos God hu hemi garem evri paoa, hemi nating luksave long olketa, an hemi nating herem olketa.

Stori abaotem Job 36:23

No eniwan save talem God wanem fo duim. An no eniwan save talem God wea hemi mekem samting nogud.

Stori abaotem Job 36:3

Mi garem save blong mi from olketa farawe ples. An bae mi yusim disfala save, fo somaot dat God hu hemi mekem mi, hemi stret fogud.

Stori abaotem Job 37:23

Paoa blong God hu hemi garem evri paoa, hemi bikfala tumas, yumi no save go kolsap long hem. Bikos wei blong hem hemi barava stret fogud, hemi no save spoelem eniwan.

Stori abaotem Job 4:17

Hemi tok olsem, “?Waswe, man hemi save stret winim God? ?Waswe, man save kamap holi winim God hu hemi mekem hem?

Stori abaotem Job 40:8

?Waswe, yu laek fo somaot dat mi nao mi rong, an talem dat yu nao yu stret?

Stori abaotem Job 9:2

Hemi tru, mi save long olketa samting ya finis nao. ?Bat watkaen samting nao man save talem fo som wea hemi stret nomoa long ae blong God?

Sams 89:14

Yu nao yu king an evri wei blong yu hemi stret fogud, an oltaem yu jajem olketa pipol long stretfala wei. Yu tinghevi long pipol olowe, an oltaem nomoa yu kipim olketa promis blong yu.

Sams 99:4

King blong mifala, yu nao yu garem evri paoa. Oltaem yu laekem tumas olketa wei wea hemi stret. Yu nao givim disfala stretfala wei blong yu fo jajem man long kantri blong mifala.

Esikiel 18:25

“Bat yufala gohed nomoa fo tok olsem, ‘Disfala wei blong Lod Yawe hemi no stret.’ !Lisin kam gudfala, yufala pipol blong Israel! ?Waswe, yufala tingse wanem mi duim hemi no stret? !Wanem yufala duim nao hemi no stret!

Esikiel 33:17

“Yufala sei dat wei blong mi hemi no stret, bat wei blong yufala nao hemi no stret.

Esikiel 33:20

Nomata olsem, yufala pipol blong Israel gohed nomoa fo talem dat wei blong mi hemi no stret. Bae mi jajem yufala evriwan, barava falom olketa wei blong yufala.”

Daniel 9:14

Lod Yawe, yu bin redi finis fo panisim mifala, an yu bin duim finis, bikos oltaem nomoa yu duim olketa stret samting bat mifala nating obeim nomoa toktok blong yu.

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.

Diutronomi 32:4

Yawe hemi sefples fo haed. Wei blong hem hemi gud tumas, an hemi stret olowe nomoa. Hemi God hu hemi tinghevi long yufala pipol blong hem. Hemi stret nomoa an hemi no save duim eni nogud samting.

Revelesin 15:3

Olketa singim disfala singsing wea Mosis, wakaman blong God, hemi bin singim, an wea Smolfala Sipsip ya tu save singim. Hemi sei olsem, “God Masta, yu nao garem evri paoa. Olketa waka blong yu, i barava bik tumas, an evriwan i sapraes tumas long hem. Yu nao King blong evri kantri long wol, an olketa wei blong yu i stret an tru tumas.

Revelesin 16:7

Mi herem moa wanfala voes long olta hemi tok olsem, “!Ya, hemi tru! God Masta, yu nao garem evri paoa. Olketa wei blong yu fo jajem olketa pipol, hemi tru an stret tumas.”