Stori abaotem Job 8:2 - Pijin Bible

² ?Waswe, toktok blong yu hemi finis nao ya? Olketa toktok blong yu hemi olsem win nomoa.

Pijin Deuterocanon

² ?Waswe, toktok blong yu hemi finis nao ya? Olketa toktok blong yu hemi olsem win nomoa.

Stori abaotem Job 8:2 ပူးပေါင်းရင်းမြစ်များ

1 Kings 19:11

Den Yawe hemi tok olsem long hem, “Yu go aotsaet an yu go mitim mi antap long maonten, bikos mi Yawe nao, mi kolsap kam pas long hia.” An hemi mekem wanfala bikfala win fo kamap wea hemi barava strong fogud, olsem wanfala saekloun, an hemi sekem maonten ya an brekem olketa ston. Bat wea, Yawe hemi nomoa long win ya. Bihaen long win, graon hemi seksek. Bat wea, Yawe hemi nomoa tu long etkuek ya.

Stori abaotem Job 15:2

Waesman hemi no toktok nating olsem, an hemi no fulumap maos blong hem long win nomoa.

Stori abaotem Job 16:3

?Wataem nao olketa yusles toktok blong yutrifala bae finis? ?Wanem nao hemi mekem yu fo tok kam long mi olsem?

Stori abaotem Job 18:2

?Wataem nao bae yu finisim toktok ya? Sapos yu lelebet waes, bae mifala save toktok gud wetem yu ya.

Stori abaotem Job 6:26

?Waswe, yutrifala tingse toktok blong mi hemi olsem win nomoa? ?Waswe, yutrifala laek fo stretem toktok blong mi taem mi filnogud?

Stori abaotem Job 6:9

Mi laekem hem fo kilim mi dae. Mi laekem hem fo katemaot laef blong mi.

Stori abaotem Job 7:11

Tingting blong mi hemi fulap long trabol, so mi no save stap kuaet, mi mas tok. Mi barava filnogud tumas, so mi mas komplen nao.

Stori abaotem Job 8:1

Bildad from Sua hemi tok olsem:

Eksodas 10:3

So Mosis an Eron i go long king, an tok olsem long hem, “Yawe, God blong mifala Hibru nao, hemi tok olsem: ‘!Yu ya, yu bikhed fogud! ?Hao long nao bae yu les fo putum yu seleva daon long ae blong mi? !Letem pipol blong mi fo goaot from kantri ya, mekem olketa save wosipim mi!

Eksodas 10:7

Olketa bikman blong king i tok olsem long hem, “O king. Disfala man hemi gohed fo mekem tumas trabol fo yumi nao. Hemi gud sapos yu letem olketa go nao fo wosipim Yawe, God blong olketa. ?Waswe, yu no save yet wea kantri blong yumi hemi barava nogud finis?”

Provebs 1:22

Hemi tok olsem, “?Yufala hu i no garem save, hao long nao bae yufala stap olsem? ?Hao long nao bae yufala krangge man i hapi fo mekfan long pipol? ?Hao long nao yufala gohed fo les long save?

Jeremaea 5:13

Olketa profet i laea nomoa an olketa no save long toktok blong Yawe ya. So, from diswan nao olketa samting wea olketa tokabaotem bae hemi mas hapen long olketa.’” Hem nao mesij blong Yawe.