Stori abaotem Job 5:9 - Pijin Bible

⁹ God nao hemi duim olketa bikfala samting wea man hemi no save minim. Olketa mirakol wea hemi mekem, no eniwan save kaontem nao.

Pijin Deuterocanon

⁹ God nao hemi duim olketa bikfala samting wea man hemi no save minim. Olketa mirakol wea hemi mekem, no eniwan save kaontem nao.

Stori abaotem Job 5:9 ပူးပေါင်းရင်းမြစ်များ

Stori abaotem Job 10:16

Taem mi trae fo som dat mi stret nomoa, yu aftarem mi olsem wanfala laeon fo spoelem mi. An yu somaot bikfala paoa blong yu fo spoelem mi.

Stori abaotem Job 13:1

Hem nao ya, mi luksave long olketa samting ya. An mi herem an save finis long olketa ya.

Stori abaotem Job 37:14

Job, yu mas lisin kam fo lelebet taem. Yu mas tingim olketa nambawan samting God hemi duim.

Stori abaotem Job 37:16

?Waswe, yu save tu hao nao God hemi yusim nambawan save blong hem, fo mekem olketa klaod flot long skae?

Stori abaotem Job 37:5

Taem God hemi tokstrong long tanda, evriwan i sapraes long hem. An hemi gohed fo duim olketa bikfala samting wea yumi no save minim save.

Stori abaotem Job 42:3

Yu bin ask olsem long mi, ?Hu nao hemi haedem plan blong mi long tingting wea hemi tudak? Hemi tru nao, mi bin tokabaotem olketa samting wea mi no minim save, an olketa samting wea i winim save blong mi.

Stori abaotem Job 9:10

Yumi kanot savegud long olketa bikfala samting wea hemi duim. An olketa mirakol wea hemi mekem, hemi barava plande tumas.

Sams 139:18

Mi no save kaontem olketa finis, bikos olketa i plande tumas winim sanbis. Taem mi kasem en long laef blong mi, bae mi stap yet wetem yu.

Sams 145:3

Yawe hemi hae tumas, an hemi fitim fo yumi mekhae long hem. Ya, hemi hae tumas, an tingting blong yumi hemi barava sot fo savegud long hem.

Sams 40:5

Lod Yawe, yu nao God blong mifala. Yu bin duim finis plande samting fo helpem mifala. No eniwan moa hemi olsem yu. Yu bin mekem finis plande gudfala plan fo mifala falom. Mi no save talemaot olketa evriwan nao, bikos olketa barava plande tumas.

Sams 40:6

Yu no laekem nomoa olketa sakrifaes an olketa ofaring. Ya, yu no askem mi nomoa fo bonem olketa animol antap long olta, o fo mi mekem olketa sakrifaes fo tekemaot sin. Bat yu laekem nomoa fo mi openem ia blong mi mekem mi save herem toktok blong yu.

Sams 72:18

Preisim Yawe, hu hemi God blong yumi Israel. Hem nomoa save duim olketa nambawan samting.

Sams 86:10

Yu nomoa yu God. Ya, yu garem evri paoa, an yu save duim evri bikfala samting.

Eklesiastes 3:11

Ya, God nao hemi makem barava nambawan taem fo evrisamting i hapen. An hemi mekem yumi tingabaotem olketa samting wea i barava aotsaet long taem. Nomata olsem, yumi no save minim evrisamting wea hemi duim.

Aesaea 40:28

?Waswe, yufala no save nomoa? ?Yufala nating herem? Yawe nao hemi God hu hemi stap kam fo evritaem olowe, an hem nao hemi mekem evrisamting long wol. No eniwan save kasem tingting blong hem. Hemi nating save taet, an hemi no save kamap wik.

Leta wea Pol hemi raetem go long sios long Rom 11:33

!God hemi gud tumas long evriwan, an save blong hem hemi bikfala tumas an tingting blong hem hemi waes tumas! !Yumi no luksave long tingting blong hem, yumi no save minimgud olketa wei blong hem!