Stori abaotem Job 5:4 - Pijin Bible

⁴ Olketa pikinini blong hem i nating save stap sef moa. An no eniwan save helpem olketa long kot.

Pijin Deuterocanon

⁴ Olketa pikinini blong hem i nating save stap sef moa. An no eniwan save helpem olketa long kot.

Stori abaotem Job 5:4 ပူးပေါင်းရင်းမြစ်များ

Stori abaotem Job 1:19

wanfala bikfala win hemi kam from drae eria, an hemi foldaonem haos ya an kilim dae evriwan insaet long haos ya nao. Mi seleva nomoa mi ranawe kam fo talem yu.”

Stori abaotem Job 10:7

Yu save finis wea mi nating duim eni nogud samting. An yu save tu wea no eniwan save sevem mi from paoa blong yu.

Stori abaotem Job 20:10

Nomata man ya hemi no olo yet, an bodi blong hem hemi strong yet, bat no longtaem bae hemi dae, an bae olketa berem hem long graon. Den olketa pikinini blong hem bae i mas sensimbaek olketa samting wea hemi stilim from olketa puaman. Ya, bae olketa mas givim gobaek olketa risis blong hem.

Stori abaotem Job 27:14

Nomata hemi garem plande pikinini, bat bae olketa no garem naf kaikai, an bae olketa dae long faet.

Stori abaotem Job 8:4

Olketa pikinini blong yu nao i bin sin agensim God. Dastawe nao hemi panisim olketa.

Sams 119:155

Bae yu no sevem olketa nogud pipol ya, bikos olketa no obeim olketa lo blong yu.

Sams 127:5

Sapos yumi garem plande pikinini, bae yumi save hapi, bikos taem olketa enemi blong yumi i tekem yumi go long kot, bae olketa nating save winim yumi. (Olketa singim disfala singsing taem olketa goap fo fist long Jerusalem.)

Sams 7:2

Sapos nomoa, bae olketa enemi ya i brekem bodi blong mi long olketa smolfala pisis, olsem wanfala laeon, o bae olketa pulum mi go long narafala ples, an no eniwan save sevem mi nao.

Eksodas 20:5

Yufala mas no bendaon long eni tambu kaving olsem fo wosipim, bikos mi Yawe, God blong yufala, mi barava les fo yufala tinghevi long eni narafala god moa. Wei blong mi hemi olsem nao: olketa pipol hu i no laekem mi, an gohed fo agensim mi, bae mi panisim olketa wetem olketa pikinini blong olketa, an olketa smol grani blong olketa, go-go kasem olketa mektu smol grani blong olketa.

Provebs 24:7

Waes tingting hemi dip tumas fo krangge man. Hemi no save tok gudfala long miting blong olketa bikman.

Emos 5:12

Mi savegud finis long yufala. Plande taem nomoa yufala gohed fo brekem olketa Lo, an olketa sin blong yufala hemi barava nogud tumas. Yufala tekem seleni long olketa nogud man fo saet wetem olketa long kot, so yufala spoelem olketa puaman an fo ravem olketa mekem olketa lus nomoa long kot nomata olketa tok tru.

Josua 20:4

“Sapos wanfala man hemi olsem, bae hemi save go fo haed long wanfala long olketa taon ya, bat hemi mas go lukim fastaem olketa lida long geit blong bikfala wolston blong taon ya fo talemaot wanem hemi hapen, mekem olketa save jajem hem. Bihaen, olketa save letem hem stap long taon ya wetem olketa, an olketa givim wanfala ples fo hemi stap long hem.