Stori abaotem Job 5:21 - Pijin Bible

²¹ God bae hemi sevem yu from olketa laea wea hemi save spoelem yu. An bae hemi sevem yu taem olketa trabol fo spoelem yu i kam.

Pijin Deuterocanon

²¹ God bae hemi sevem yu from olketa laea wea hemi save spoelem yu. An bae hemi sevem yu taem olketa trabol fo spoelem yu i kam.

Stori abaotem Job 5:21 ပူးပေါင်းရင်းမြစ်များ

Sams 31:20

Yu gohed fo haedem olketa pipol ya long saet blong yu, nao olketa plan blong olketa nogud pipol ya i no save spoelem olketa. Yu gohed fo haedem olketa long sefples, nao olketa ravis toktok i no save spoelem olketa.

Jeremaea 18:18

Olketa pipol i tok olsem, “Olketa. Yumi mas mekem plan agensim profet ya. Bae olketa prist i stap olowe fo tisim yumi, an olketa waesman i stap olowe fo givim gudfala tingting long yumi, an olketa profet blong yumi tu i stap fo talemaot long yumi olketa profesi. So yumi mas agensim Jeremaea ya an tokspoelem hem, an yumi mas no lisin long olketa toktok blong hem.”

Provebs 12:18

Nogud toktok kat olsem sap naef, waes toktok mekem man helti.

Sams 55:21

Olketa toktok blong hem hemi suit go moa winim suga, bat long tingting blong hem, hemi barava heitem olketa narafala pipol. Ya, olketa toktok blong hem save suitim olketa man, bat wea, hemi save katem man olsem sap naef fo faet.

Aesaea 54:17

Bat bae no eni wepon olsem save mekem yufala garekil. An bae yufala save ansarem olketa hu i tok agensim yufala. Ya, bae mi duim olketa gudfala samting fo yufala wakaman blong mi, an bae mi mekem yufala fo win.” Hem nao mesij blong Yawe.

Sams 57:4

Olketa enemi blong mi i raonem mi, olketa ya i olsem olketa laeon wea i gohed fo kaikaim man. Ya, tit blong olketa i olsem olketa spia an aro, an tang blong olketa hemi olsem naef fo faet wea i barava sap fogud.

Stori abaotem Job 5:15

Bat God hemi sevem olketa pua pipol from ravis toktok blong nogud pipol. An hemi sevem olketa hu i no garem enisamting, from pipol hu i strong tumas.

Provebs 3:25

Kuiktaem nomoa trabol save kasem ravis pipol. Bat yu no fraetem samting ya.

Sams 31:21

!Lod Yawe, mi preisim yu! Taem olketa enemi blong mi i raonem mi fo faet, yu bin somaot dat oltaem yu lavem mi tumas, hem nao yu helpem mi.