Stori abaotem Job 5:14 - Pijin Bible

¹⁴ An nomata long midol long de, hemi mekem tudak hemi kavaremap olketa ya. So olketa no save lukluk olsem wea hemi midol long naet.

Pijin Deuterocanon

¹⁴ An nomata long midol long de, hemi mekem tudak hemi kavaremap olketa ya. So olketa no save lukluk olsem wea hemi midol long naet.

Stori abaotem Job 5:14 ပူးပေါင်းရင်းမြစ်များ

Stori abaotem Job 12:25

Olketa lus insaet long barava tudak. Ya, olketa foldaon olobaot nomoa olsem olketa man wea i drang.

Stori abaotem Job 15:30

Bae hemi no save ranawe from trabol. An bae hemi olsem wanfala tri wea faea hemi bonem niufala brans blong hem. God bae hemi blou kam long hem, an aotem laef blong hem.

Stori abaotem Job 18:18

God bae hemi aotem hem from disfala wol wea hemi laet, an mekem hem go long ples wea hemi tudak.

Stori abaotem Job 20:26

An hemi barava lusim evrisamting blong hem, bikos God bae hemi sendem kamdaon faea fo bonem hem an famili blong hem an olketa samting blong hem.

Stori abaotem Job 22:11

Ya, dastawe tudak hemi kam long yu an yu nating save lukluk. An hemi olsem wata hemi ran bikfala, an hemi draonem yu nao.

Stori abaotem Job 24:13

Olketa nogud pipol ya i les long delaet. Olketa ya no laek fo wakabaot long rod wea hemi garem laet long hem.

Stori abaotem Job 38:15

Laet blong san, hemi braet tumas fo olketa nogud pipol. Delaet hemi stopem olketa ya fo no duim olketa ravis samting.

Eksodas 10:21

Yawe hemi tok moa olsem long Mosis, “Yu liftimap han blong yu goap long skae, an evri ples long Ijip bae hemi kamap tudak finis. Tudak ya bae hemi barava dak fogud, wea hemi winim enisamting wea hemi blak.”

Eksodas 10:22

So Mosis hemi liftimap han blong hem goap long skae, nao bikfala tudak hemi kavaremap evriwea long kantri ya, an hemi gohed fo stap olsem fo trifala de.

Provebs 4:19

Bat wei blong ravis pipol hemi olsem tudak, olketa nating save nomoa wanem i mekem olketa foldaon.

Aesaea 59:10

Mifala go olobaot nao olsem olketa pipol hu i blaen. Nomata mifala wakabaot long midol long de, bat mifala foldaon nomoa olsem man hemi wakabaot long midol long naet. Nomata sapos mifala stap wetem olketa hu i strong, bat mifala olsem nomoa pipol hu i dae finis.

Emos 8:9

Hem ya mesij blong Lod Yawe, ?Long datfala De , bae mi mekem san fo godaon nomoa long midol long de, an bae mi sensim delaet long tudak.

Diutronomi 28:29

Long midol long de, bae yufala pusum han hemi go olobaot olsem blaen man, an bae yufala no save faendem rod wea yufala wande go long hem. An evrisamting wea yufala duim bae hemi nogud. Olowe nomoa, olketa enemi blong yufala bae i mekful long yufala, an ravem yufala, an no eniwan save sevem yufala.