Stori abaotem Job 40:13 - Pijin Bible

¹³ Yu mas berem olketa evriwan ya insaet long graon. An yu mas satem ae blong olketa olowe nao insaet long grev.

Pijin Deuterocanon

¹³ Yu mas berem olketa evriwan ya insaet long graon. An yu mas satem ae blong olketa olowe nao insaet long grev.

Stori abaotem Job 40:13 ပူးပေါင်းရင်းမြစ်များ

Aesaea 2:10

Bae olketa pipol trae fo ranawe go long kev o digim hol long graon fo haed insaet long hem, bikos olketa fraet fogud long Yawe hu hemi King an hemi garem evri paoa.

Gudnius abaotem Jisas Kraes wea Jon hemi raetem 11:44

!Seknomoa, man hu hemi dae finis ya hemi kamaot nao! Bat olketa kaleko, wea olketa paselem long olketa han an lek blong hem an raonem fes blong hem, olketa stap yet. So Jisas hemi talem olketa olsem, “Yufala tekemaot olketa kaleko ya, mekem hemi save wakabaot go.”

Sams 49:14

long sem wei wea evri sipsip bae hemi dae, bae olketa mas go long Grev, an Dae nao hemi lukaftarem olketa. Olketa stretfala pipol bae i hapi, taem bodi blong olketa ya hemi kuiktaem fo roten nomoa insaet long Grev, farawe from hom blong olketa.

Stori abaotem Job 36:13

Olketa hu i no trastem God, i filkros tumas nomoa. An nomata God hemi stretem olketa, olketa nating prea nomoa long hem fo hemi helpem olketa.

Stori abaotem Job 14:13

Hemi gud tumas sapos yu haedem mi long ples blong olketa man dae. Mekem mi staphaed long ples ya go-go kasem taem wea kros blong yu long mi hemi finis. An yu mas makem taem wea mi stap long ples ya an no fogetem mi.

Esta 7:8

King hemi kam baek insaet long haos, barava long taem wea Haman hemi foldaon go antap long longfala sea wea Esta hemi leidaon long hem, an hemi krae go long Esta fo sore long hem. An taem king hemi lukim hem, hemi singaot olsem nao, “!Ei! ?Wanem nao disfala man hemi duim? ?Waswe, hemi trae fo fosim waef blong mi fo durong wetem hem insaet long haos blong mi, an long ae blong mi?” Taem king hemi toktok yet, seknomoa olketa wakaman blong hem i kam nao an kavaremap fes blong Haman.

Stori abaotem Job 40:14

Sapos yu duim olsem, bae mi nao faswan fo tokhae long yu. An bae mi talemaot wea yu winim mi finis long paoa blong yu seleva.

1 Samuel 2:9

Hemi lukaftarem gudfala olketa hu i tinghevi long hem, bat olketa man nogud ya, i gohed fo lus long tudak. “No eniwan save winim Yawe long paoa blong hem seleva.