Stori abaotem Job 4:4 - Pijin Bible

⁴ Taem eniwan hemi taet, toktok blong yu nomoa hemi helpem hem. An taem samwan hemi foldaon, tingting blong hem mekem hem fo kamap strong moa.

Pijin Deuterocanon

⁴ Taem eniwan hemi taet, toktok blong yu nomoa hemi helpem hem. An taem samwan hemi foldaon, tingting blong hem mekem hem fo kamap strong moa.

Stori abaotem Job 4:4 ပူးပေါင်းရင်းမြစ်များ

Stori abaotem Job 29:11

Long datfala taem, evriwan hu i lukim mi, o herem nius abaotem mi, olketa tokhae long mi.

Stori abaotem Job 29:25

Long datfala taem, mi nao mi sif, an mi planem wei blong pipol, mi bikman long ami, an mi strongim tingting blong olketa hu i wikdaon.

Stori abaotem Job 4:3

Yu trae fo tingabaotem plande pipol nao wea yu bin advaesim olketa, an yu bin helpem olketa hu i no strong, fo kamap strong moa.

Stori abaotem Job 4:5

Bat distaem, taem trabol hemi kasem yu, tingting blong yu hemi wikdaon fogud nao. Taem trabol ya hemi kasem yu, yu barava givap nao.

Sams 145:14

Oltaem hemi helpem olketa hu i garem trabol, an hemi mekem strong tingting blong olketa hu i kolsap fo givap finis.

Provebs 12:18

Nogud toktok kat olsem sap naef, waes toktok mekem man helti.

Provebs 25:11

Waes toktok long barava taem, hemi olsem naes kaikai long gol plet.

Aesaea 50:4

Wakaman blong Yawe hemi tok olsem, “Lod Yawe hemi tisim mi finis long wanem hemi laekem fo mi talem, mekem mi save strongim moa olketa hu i wik. Evri moning hemi mekem mi redi gudfala fo herem wanem bae hemi tisim mi long hem.

Daniel 5:6

Hemi barava fraet fogud, nao bodi blong hem hemi wik, an hemi barava seksek fogud.

2 Korin 2:7

Distaem, hemi moabeta fo yufala fogivim hem an strongim tingting blong hem. Nogud biliv blong hem dae long sore.

2 Korin 7:6

Bat nomata olsem, God hu hemi save strongim tingting blong olketa hu i sore, hemi mekem mifala fo hapi moa taem Taetas hemi kam.

1 Tesalonaeka 5:14

Olketa Kristin fren, mifala talem strong moa long yufala fo wonem olketa hu i les tumas fo waka. Yufala mas helpem olketa hu i fraet tumas, an strongim moa tingting blong olketa. Yufala mas helpem olketa wea tingting blong olketa hemi wik tumas, an no raf long eniwan.

Hibrus 12:12

Sapos yufala i wikdaon long laef blong yufala, yufala mas kamap strong moa.