Stori abaotem Job 4:20 - Pijin Bible

²⁰ Man save laef gudfala nomoa long moning, bat hemi save dae kuiktaem nomoa bifoa hemi kasem ivining. An no eniwan hemi save long hem nao.

Pijin Deuterocanon

²⁰ Man save laef gudfala nomoa long moning, bat hemi save dae kuiktaem nomoa bifoa hemi kasem ivining. An no eniwan hemi save long hem nao.

Stori abaotem Job 4:20 ပူးပေါင်းရင်းမြစ်များ

2 Kronikols 15:6

Olketa blong wanfala kantri i gohed fo spoelem olketa blong narafala kantri. An olketa pipol blong wanfala taon i gohed fo spoelem olketa pipol blong narafala taon. Olketa trabol i gohed bikos God hemi mekem enikaen trabol fo kasem olketa.

2 Kronikols 21:20

Long taem Jehoram hem kamap king, hemi kasem teti-tu yia, an hemi king long Jerusalem fo eitfala yia. Taem hemi dae, no eniwan hemi sore long hem. Olketa berem hem long Biktaon blong King Deved, bat i no long beregraon blong olketa king.

Stori abaotem Job 14:14

?Waswe, sapos man hemi dae, bae hemi save laefbaek moa? Sapos hemi save hapen, bae mi weit go-go kasem taem wea trabol blong mi hemi finis.

Stori abaotem Job 14:2

Hemi grou kuiktaem olsem flaoa, an hemi dae kuiktaem tu olsem flaoa. Laef blong hem i save lus kuiktaem nomoa olsem sado.

Stori abaotem Job 14:20

Yu barava agensim man, an hemi lus finis. Yu kilim hem dae, an sendem hem go from disfala laef.

Stori abaotem Job 16:22

Laef blong mi hemi sot nao, an kolsap mi go nao long ples wea no eniwan save kambaek from hem.

Stori abaotem Job 18:17

No eniwan save tingim hem moa, an no eniwan long disfala lan bae talem moa nem blong hem.

Stori abaotem Job 20:7

Nomata olsem, disfala ravis man bae hemi lus nomoa olsem siti blong hem. Olketa man hu i bin save long hem bae i nating save wea nao hemi go.

Sams 37:36

Bihaen, taem mi kam pas moa long ples ya, bat wea hemi no stap nao. Nomata mi trae fo lukaotem hem, mi no save lukim nao.

Sams 39:13

Plis yu no panisim mi moa, letem mi hapi fastaem. Bihaen, mi jes dae nao. (Singsing blong Deved)

Sams 92:7

Samting ya nao hemi olsem, olketa nogud pipol save grouap gudfala olsem gras, an olketa wea i duim olketa nogud samting olketa save garem gudfala laef long disfala wol, bat, bae yu spoelem olketa finis.

Provebs 10:7

Pipol tingim stretfala pipol, no eniwan tingim ravis pipol.