Stori abaotem Job 4:14 - Pijin Bible

¹⁴ Ya, mi barava fraet tumas go-go bodi blong mi hemi seksek fogud nao.

Pijin Deuterocanon

¹⁴ Ya, mi barava fraet tumas go-go bodi blong mi hemi seksek fogud nao.

Stori abaotem Job 4:14 ပူးပေါင်းရင်းမြစ်များ

Stori abaotem Job 33:19

Hemi letem sik fo kasem man, an hemi mekem olketa bon blong man kamap soa tumas. Long wei olsem hemi stretem laef blong hem.

Stori abaotem Job 4:13

Hemi kam long wanfala drim taem mi barava dip slip long naet, an hemi mekem mi fraet.

Stori abaotem Job 4:15

Mi filim lelebet win hemi blou kam long fes blong mi, an hemi mekem evri hea long bodi blong mi fo stanap nao.

Stori abaotem Job 7:14

Bat wea, yu gohed fo mekem mi fraet fogud long olketa nogud drim wea yu mekem mi fo lukim.

Sams 119:120

Mi barava seksek fogud bikos mi fraetem yu. Ya, taem mi tingim wei wea yu jajem pipol, mi barava fraet fogud.

Aesaea 6:5

Mi tok olsem, “!Man! !Mi barava no fitim fo laef nao! Evri toktok wea hemi kamaot long maos blong mi hemi fulap nomoa long sin, an mi stap long midol long olketa pipol wea evri toktok blong olketa hemi fulap tu long sin. Nomata olsem, mi bin lukim finis disfala King, Yawe hu hemi garem evri paoa.”

Daniel 10:11

Man ya hemi tok olsem long mi, “Daniel, God hemi lavem yu tumas. Yu stanap an lisin gudfala long toktok ya wea bae mi talem long yu. God hemi sendem mi kam fo lukim yu.” Taem hemi tok olsem, mi stanap nao bat mi seksek yet.

Habakuk 3:16

Taem mi herem evrisamting ya, mi fraet fogud. Bodi blong mi hemi seksek fogud, an lek blong mi hemi wik tumas, an mi no save wakabaot stret nao. Bat bae mi gohed fo stap kuaet, an weit nomoa fo datfala taem wea bae God hemi panisim olketa hu i kam fo faet agensim yumi.

Gudnius abaotem Jisas Kraes wea Luk hemi raetem 1:12

Taem Sekaraea hemi lukim nomoa hemi sek nao, an hemi barava fraet fogud.

Gudnius abaotem Jisas Kraes wea Luk hemi raetem 1:29

Bat Meri hemi wari fogud long toktok ya, an hemi traehad fo tingim wanem nao disfala toktok ya hemi minim.

Revelesin 1:17

Nao taem mi lukim nomoa, mi foldaon long frant long lek blong hem, an mi stap olsem wanfala man wea hemi dae finis. Bat hemi tasim mi wetem raet han blong hem an hemi tok olsem, “Yu no fraet. Mi nao mi faswan bifoa evrisamting, an bae mi laswan tu bihaen evrisamting.