Stori abaotem Job 39:7 - Pijin Bible

⁷ Olketa wael dongki ya i stap farawe from olketa bikfala noes long olketa taon. An olketa ya no herem eni man singaot long olketa fo mekem olketa waka.

Pijin Deuterocanon

⁷ Olketa wael dongki ya i stap farawe from olketa bikfala noes long olketa taon. An olketa ya no herem eni man singaot long olketa fo mekem olketa waka.

Stori abaotem Job 39:7 ပူးပေါင်းရင်းမြစ်များ

Stori abaotem Job 3:18

Nomata olketa slev, olketa hapi fo stap kuaet long ples ya, bikos olketa no save herem moa raf toktok blong masta blong olketa.

Stori abaotem Job 39:10

?Yu tingse, yu save putum nomoa rop long nek blong hem, an lidim hem fo pulum plao fo digim gaden blong yu.

Stori abaotem Job 39:18

Bat nomata olsem, taem ostrij hemi stanap fo ran, hemi save winim nomoa hos wea man hemi raedem.

Stori abaotem Job 39:6

Mi nao mi givim drae eria fo olketa stap long hem, an mi nao mi letem olketa stap long bikfala flat ples wea hemi garem solt long hem.

Stori abaotem Job 39:8

Olketa save go olobaot long olketa maonten fo faendem kaikai. An olketa fri fo luk long evri ples, fo faendem evri grin lif fo kaikaim.

Eksodas 5:18

!Yufala gobaek fo waka! Bae mifala no save givim drae gras long yufala, bat yufala mas mekem sem namba brik olsem wea yufala bin gohed fo mekem bifoa.”

Aesaea 31:4

Hem nao Yawe hemi tok olsem, “Bae mi kam olsem wanfala laeon wea hemi no save fraetem enisamting. Nomata olketa man fo lukaftarem sipsip i singaot an trae fo gadem olketa sipsip blong olketa, bat hemi kam nomoa fo faetem olketa. Hem nao wei wea mi Yawe hu mi garem evri paoa, bae mi duim long olketa antap long maonten long Saeon.

Aesaea 58:3

“Bat olketa gohed fo komplen olsem long mi, ‘Yu nating luksave nomoa long wei wea mifala stop fo no kaikai fo tinghae long yu. An yu nating lukim nomoa wei wea mifala daonem mifala seleva fo mekhae long yu. ?Waswe nao mifala gohed nomoa fo duim olsem?’ “Bat mi Yawe mi tok olsem long olketa: Ya, hemi tru wea yufala gohed fo lusim kaikai fo tinghae long mi, bat yufala gohed nomoa fo duim wanem yufala seleva i laek fo duim. An yufala gohed nomoa fo mekem olketa wakaman blong yufala fo safa.