Stori abaotem Job 39:5 - Pijin Bible

⁵ ?Hu nao hemi mekem olketa wael dongki fo stap long bus? ?Hu nao hemi mekem olketa ya fo go fri?

Pijin Deuterocanon

⁵ ?Hu nao hemi mekem olketa wael dongki fo stap long bus? ?Hu nao hemi mekem olketa ya fo go fri?

Stori abaotem Job 39:5 ပူးပေါင်းရင်းမြစ်များ

Stori abaotem Job 24:5

Bikos hemi olsem, olketa pua pipol mas goaot long drae eria olsem wael dongki, fo lukaotem kaikai fo olketa pikinini blong olketa.

Stori abaotem Job 11:12

Man wea hemi no garem save, bae hemi kamap waes long taem wea wael dongki hemi bonem pikinini wea hemi kuaet an fitim vilij.

Stori abaotem Job 6:5

?Waswe, dongki save singaot nogud taem hemi kaikaim gras? ?Waswe, buluka save meknoes taem hemi garem kaikai? Nomoa, taem olketa garem kaikai, olketa i hapi.

Sams 104:11

Olketa wael dongki an evri narafala wael animol i save kam dring long olketa wata ya.

Hosia 8:9

Olketa olsem nomoa wanfala wael dongki wea hemi stap seleva, an hemi falom nomoa tingting blong hem seleva. Olketa go long kantri blong Asiria an askem olketa fo gadem olketa. Olketa blong Israel i olsem juri woman wea hemi salem hem seleva long staka man.

Daniel 5:21

Olketa ronem hem aot from ples wea olketa pipol i stap long hem, an tingting blong hem hemi olsem tingting blong olketa wael animol. Hemi stap wetem olketa wael dongki, an hemi kaikaim gras olsem buluka, an hemi gohed fo slip nomoa long open ples wea wata blong naet hemi gohed fo foldaon kam long hem. Hemi gohed fo stap olsem, go-go kasem taem wea hemi luksave long God hu hemi hae tumas, an hu hemi rul ovarem evri kingdom long disfala wol, an hemi siusim eniwan hu hemi laek fo rul long olketa ples ya.

Jeremaea 14:6

Olketa wael dongki stanap antap long hil wea hemi drae fogud, an gohed fo smelem win ya olsem wael dog. Ae blong olketa i kamap soa fogud, bikos olketa traehad fo lukluk fo kaikai, bat hemi no stap eniwea.

Jeremaea 2:24

Ya, yufala barava olsem wael dongki wea oltaem hemi stap long drae eria. Sapos hemi kasem taem blong hem fo lukaotem man dongki, hemi traehad fo smelem ples wea disfala man dongki hemi stap long hem, an sapos hemi faendem, no eniwan save stopem hem nao. Olketa man dongki no mas aftarem hem nomoa. Long datfala taem nao, hemi isi nomoa fo faendem hem.

Aesaea 32:14

Disfala haos blong king, an olketa strongfala sefples long ples ya, an olketa gadhaos blong olketa soldia bae i emti finis. An taon ya bae hemi kamap wanfala ples blong olketa wael dongki fo plei long hem an ples blong olketa sipsip fo kaikai long hem.

Jenesis 49:14

Isaka, yu olsem wanfala dongki fo waka, wea hemi hapi nomoa fo hemi stretem lek blong hem, an hemi slip long midol long tufala basket wea hemi karim.

Jenesis 16:12

Bat pikinini blong yu ya bae hemi olsem wanfala wael dongki wea hemi falom tingting blong hem seleva. An bae hemi agensim evri pipol, an evri pipol bae i agensim hem. Bae hemi stap seleva, farawe from olketa famili blong hem.”

Stori abaotem Job 39:4

Olketa pikinini ya i grouap kam, an kamap strong fogud long bus. Den olketa lusim mami blong olketa, an no kambaek moa.

Stori abaotem Job 39:10

?Yu tingse, yu save putum nomoa rop long nek blong hem, an lidim hem fo pulum plao fo digim gaden blong yu.