Stori abaotem Job 38:11 - Pijin Bible

¹¹ Mi tok olsem long hem, “Yu save kam kasem disfala ples an yu stop nao. Paoa blong yu hemi save kamap kasem ples ya an finis nao.”

Pijin Deuterocanon

¹¹ Mi tok olsem long hem, “Yu save kam kasem disfala ples an yu stop nao. Paoa blong yu hemi save kamap kasem ples ya an finis nao.”

Stori abaotem Job 38:11 ပူးပေါင်းရင်းမြစ်များ

1 Kings 13:28

Hemi sidaon antap long hem, an wakabaot go, nao hemi lukim dat man blong God hemi dae finis long rod. An laeon wetem dongki ya, tufala stanap yet long saet long hem, bat laeon hemi no kaikaim bodi blong hem, an hemi no kilim dongki ya tu.

Stori abaotem Job 1:22

Nomata evri trabol ya i kasem Job olsem, bat hemi no sin an hemi nating talem dat God hemi duim eni nogud samting.

Stori abaotem Job 2:6

Yawe hemi tok olsem long hem, “Oraet, hemi long han blong yu nao, bat yu mas no kilim hem dae.”

Stori abaotem Job 26:10

Hemi putum mak antap long si wea hemi mitim skae, fo hemi divaedem delaet an tudak.

Stori abaotem Job 38:10

Mi nao mi putum mak wea solwata save kam kasem. Ya, hemi olsem wea mi putum wanfala wolston, fo satem dipsi fo no kamap long lan.

Stori abaotem Job 38:12

?Waswe, yu bin talem delaet fo kamap enitaem long laef blong yu? ?Waswe, hemi herem yu?

Sams 104:9

Yu makem finis spialaen wea solwata mas kasem mekem hemi no kavaremap moa disfala wol.

Sams 76:10

Yu finisim kros blong olketa enemi blong yu, hem nao bae mekem evriwan fo mekhae long yu. Ya, nomata lelebet kros nomoa hemi stap yet long olketa bae yu barava finisim.

Sams 89:9

Nomata solwata hemi strong tumas, yu kontrolem nomoa. Taem wea olketa wev i bikfala tumas, yu save mekem hemi kamap kuaet moa.

Provebs 8:29

Mi stap finis bifoa hemi mekem solwata fo stap long barava ples blong hem, an bifoa hemi putum mak long ples wea solwata hemi save kasem nomoa, an bifoa hemi mekem faondesin blong disfala wol.

Aesaea 27:8

Hemi kea tumas long yumi an hemi makem nomoa panis blong yumi. Wei wea hemi panisim yumi, hemi olsem wea hemi fosim yumi fo lusim lan blong yumi. Ya, paoa wea hemi yusim fo fosim yumi fo goaot, hemi olsem paoa blong hot win wea hemi blou strong kam from ist.

Jeremaea 5:22

Mi Yawe nao ya. Yufala lukim bikfala solwata. Mi nao putum sanbis olsem spialaen wea solwata ya kanduit gopas long hem. Nomata solwata hemi raf fogud an hemi biksi tumas, bat bae hemi no save ovam mak ya. ?Waswe nao yufala no save fraetem mi? ?Waswe nao yufala no seksek long ae blong mi?