Stori abaotem Job 3:5 - Pijin Bible

⁵ Letem tudak hemi tekova long datfala de, an letem wanfala blak klaod i kavaremap de ya, an letem tudak ya blokem laet blong san.

Pijin Deuterocanon

⁵ Letem tudak hemi tekova long datfala de, an letem wanfala blak klaod i kavaremap de ya, an letem tudak ya blokem laet blong san.

Stori abaotem Job 3:5 ပူးပေါင်းရင်းမြစ်များ

Stori abaotem Job 16:16

Mi no man fo faet, an prea long stretfala wei. Nomata olsem, mi gohed fo krae go-go ae blong mi i suelap nao, an i barava red fogud.

Stori abaotem Job 24:17

Olketa ya fraetem moning bikos hemi olsem dae long olketa. Bat olketa frengud wetem olketa samting long tudak wea i mekem man fo fraet.

Stori abaotem Job 28:3

Olketa man i yusim laet taem olketa dig godaon insaet long graon. Olketa gohed fo dig fo lukaotem aean dip insaet long graon wea hemi tudak.

Stori abaotem Job 3:4

Letem datfala de hemi kamap tudak. Ya, mi les fo God hemi rimembarem datfala de, an mi no laekem eni laet fo saen kam long hem.

Stori abaotem Job 3:6

Letem datfala naet hemi kamap tudak tumas, an letem hemi lus from insaet long kalenda, olsem hemi no wanfala de long yia.

Stori abaotem Job 34:22

No eniples hemi barava tudak, wea hemi fitim fo olketa man nogud go haed long hem, mekem God hemi no save lukim olketa.

Stori abaotem Job 38:17

?Waswe, yu bin lukim finis, doa long ples ya blong olketa man dae wea hemi barava tudak tumas?

Sams 107:10

Olketa man i bin taemapem samfala long yumi long sen, an putum olketa long prisin wea hemi barava tudak.

Sams 107:14

Ya, hemi brekem olketa sen blong olketa, an hemi aotem olketa kam from ples ya wea hemi barava tudak.

Sams 23:4

Lod Yawe, nomata mi gotru long ples wea hemi barava tudak an hemi ples blong dae tu, mi nating save fraet nomoa bikos yu stap wetem mi an yu lukaftarem mi wetem stik blong yu.

Sams 44:19

Bat yu lusim mifala nomoa long midol long olketa wael animol, yu no helpem mifala nomoa, an yu letem mifala stap nomoa long ples wea hemi tudak tumas.

Aesaea 9:2

Bifoa, mifala bin wakabaot long tudak, bat distaem mifala lukim nao wanfala bikfala laet. Bifoa, mifala bin stap long ples wea hemi barava tudak, bat distaem laet hemi saen kam long mifala nao.

Jeremaea 13:16

Yufala mas tinghae long Yawe, hu hemi God blong yufala. Ya, yufala mas mekhae long Yawe bifoa hemi mekem tudak fo kam, wea yufala bangam lek blong yufala taem yufala wakabaot long olketa maonten. Yufala laekem tumas fo laet hemi kam, bat bae hemi mekem tudak fo kam, wea yufala kanduit lukim enisamting.

Jeremaea 2:6

Olketa bin save dat mi nao tekem olketa aot from Ijip, an mi lidim olketa gotru long drae eria, wea sanbis nomoa hemi stap long hem an plande ston nomoa hemi fulap long hem. Ples ya hemi no garem eni wata long hem an hemi ples fo dae tu, wea no eniwan hemi wakabaot gotru long hem an no eniwan hemi stap long hem tu. An nomata mi sevem olketa olsem, olketa no save tingim mi nomoa. Olketa no lukaotem mi nomoa.

Jeremaea 4:28

Bae evrisamting long disfala wol hemi krae, an bae skae ya hemi kamap tudak. Bikos hem nao toktok blong mi an plan blong mi, wea bae mi no save sensim moa tingting blong mi.”

Esikiel 30:3

Datfala de blong Yawe fo jaj hemi kam kolsap nao. Long de ya, bae klaod hemi kavaremap olketa ples, an bae mi sendem kam trabol fo spoelem evri kantri.

Esikiel 34:12

An bae mi tekem olketa fo kam tugeta moa, olsem wea man hemi lukaftarem gud olketa sipsip blong hem. Bae mi go fo faendem olketa wea i bin ranawe long taem blong trabol, an go stap olobaot long olketa deferen ples. Ya, bae mi tekem olketa kambaek moa.

Joel 2:2

Long De ya bae hemi kamap tudak, olsem bikfala klaod hemi fulumapem skae. An olsem san hemi saen kam long eli moning antap long maonten, bae olketa grashopa i kam olsem wanfala strongfala ami fo kavaremap lan. No enisamting olsem hemi hapen yet bifoa, an no enisamting olsem bae hemi hapen moa enitaem.

Emos 5:8

Yawe nao hemi garem paoa. Hemi mekem olketa sta an hemi putum olketa long skae. Hemi mekem tudak fo kamap delaet, an hemi mekem de fo kamap naet. Hemi mekem wata fo goap long skae, an hemi mekem hem kamdaon moa long wol olsem ren. Hemi garem paoa olsem laetning fo spoelem finis olketa strong man blong disfala wol, an fo brekemdaon olketa strongfala sefples blong olketa fo haed long hem. !Ya, nem blong hem nao, Yawe!

Emos 8:10

Olketa de blong yufala fo mekem fist, bae mi tanem go long de blong yufala fo berem man dae. An olketa hapi singsing blong yufala, bae mi tanem go long sore an krae. Bae mi mekem yufala fo resam hed blong yufala, an fo yufala werem olketa ravis kaleko nomoa, fo somaot dat yufala sore fogud olsem man wetem waef blong hem i sore taem wanfala pikinini blong tufala hemi dae. !Long datfala De, bae bikfala trabol hemi kasem yufala!?

Matiu 4:16

Olketa pipol ya wea olketa stap long tudak, olketa lukim wanfala bikfala laet. An olketa hu i stap andanit paoa blong dae, disfala laet hemi saen go long olketa.”

Gudnius abaotem Jisas Kraes wea Luk hemi raetem 1:79

olsem san hemi kamap an saen long olketa wea i stap long tudak, an andanit long paoa blong dae. An bae hemi lidim yumi go long rod, wea bae yumi kasem piis long hem.”

Diutronomi 4:11

“Olketa olo blong yufala i bin stanap long botom blong maonten long Horeb, an bikfala klaod olsem smok wea hemi barava blak fogud hemi kam kavaremap maonten ya, an bikfala laet blong faea hemi gohed fo laet antap long hem go kasem skae.

Hibrus 12:18

Yufala no kasem wanfala maonten wea yu save tasim, olsem olketa pipol blong Israel bifoa wea olketa kam kasem disfala maonten long Saenae. Olketa lukim bikfala faea wea hemi bone antap, an ples ya hemi go barava dak tumas moa an bikfala win hemi blou kam long hem.