Stori abaotem Job 3:11 - Pijin Bible

¹¹ ?Waswe nao mi no dae kam insaet long bele blong mami blong mi? ?Waswe nao mi no dae long semtaem wea mi bon?

Pijin Deuterocanon

¹¹ ?Waswe nao mi no dae kam insaet long bele blong mami blong mi? ?Waswe nao mi no dae long semtaem wea mi bon?

Stori abaotem Job 3:11 ပူးပေါင်းရင်းမြစ်များ

Stori abaotem Job 3:10

Mi les long datfala de bikos hemi letem mami blong mi fo bonem mi. Hemi bonem mi nomoa mekem mi stap insaet long trabol.

Stori abaotem Job 3:12

?Waswe nao mami blong mi hemi mekem mi fo sidaon gudfala antap long lek blong hem? ?Waswe nao hemi givim susu long mi?

Sams 58:8

Letem olketa i olsem sela wea wata blong hem hemi ranaot, an hemi dae. Ya, letem olketa i olsem pikinini wea hemi dae taem hemi bon, an hemi no lukim delaet.

Sams 71:6

Mi bin trastem yu oltaem long laef blong mi. Stat long taem wea mi bin bon, ka-kam kasem tude, yu nao yu gohed fo lukaftarem mi olowe. So bae mi mas preisim yu olowe.

Eklesiastes 4:2

So, mi tingse olketa hu i dae finis nao i lake winim olketa hu i laef yet.

Eklesiastes 4:3

Bat olketa hu i no bon yet nao i barava lake moa, bikos olketa nating lukim eni ravis samting wea pipol i duim long disfala wol.

Eklesiastes 6:3

Maet wanfala man hemi garem longfala laef, an hemi garem 100 pikinini. Nomata olsem hemi nating hapi nomoa long laef blong hem, an bihaen, olketa pikinini blong hem no berem hem long gudfala wei. Long tingting blong mi, disfala laef blong hem, hemi nogud tumas winim pikinini wea hemi dae finis bifoa hemi bon kam.

Eklesiastes 6:5

Hemi nating lukim nomoa delaet, an hemi nating save nomoa wanem nao laef. Wanfala samting nomoa, hemi garem plande taem fo res winim risman ya.

Aesaea 46:3

“!Lisin kam long mi, yufala hu i stap yet long laen blong Israel! Stat kam long bifoa yet, long taem wea yufala bon kam long hem, mi nao mi lukaftarem yufala.

Jeremaea 15:10

(Profet) !O mami blong mi! !Mi sore tumas wea yu bonem mi! Oltaem nomoa, mi mas gohed fo raoa an toktok kros long olketa pipol blong disfala lan. Mi no man fo givim seleni go long narafala man, mekem hemi peimbaek long mi, an mi no kaonem tu seleni from narafala man. Bat olketa pipol evriwan i gohed fo tokspoelem mi nao.

Jeremaea 20:17

Mi kros olsem bikos man ya hemi no kilim mi dae taem mi stap yet long bele blong mami, mekem bele ya hemi kamap grev blong mi.

Hosia 9:14

(Profet) !O Yawe! ?Wanem nao stretfala samting wea bae yu save givim long olketa? Hemi gud tumas sapos yu mekem olketa woman fo no garem pikinini, an mekem susu blong olketa fo kamap drae.