Stori abaotem Job 27:5 - Pijin Bible

⁵ Oltaem bae mi no save talem dat wea toktok blong yutrifala hemi stret. An go-go kasem taem mi dae, mi no save talem dat mi no stret.

Pijin Deuterocanon

⁵ Oltaem bae mi no save talem dat wea toktok blong yutrifala hemi stret. An go-go kasem taem mi dae, mi no save talem dat mi no stret.

Stori abaotem Job 27:5 ပူးပေါင်းရင်းမြစ်များ

Stori abaotem Job 13:15

Maet God hemi kilim mi dae, bat mi no save weit fo hemi sevem mi. So bae mi tok stret long ae blong hem fo som dat wei blong mi i stret nomoa.

Stori abaotem Job 17:9

Samfala man i sei, “Eniwan hu hemi falom God, bae hemi no save foldaon. An laef blong man hu hemi no duim eni rong samting, bae hemi gohed fo kamap strong moa.”

Stori abaotem Job 2:3

Yawe hemi tok olsem long hem, “?Waswe, yu lukim wei blong disfala wakaman blong mi Job? No eni man long disfala wol hemi olsem hem. Hemi wanfala gudfala an stretfala man. Hemi tinghae long mi an hemi les fo duim eni ravis samting. Yu nao yu mekem mi fo letem yu spoelem hem fo nating nomoa. Nomata olsem, Job hemi gohed yet fo falom stretfala wei nomoa.”

Stori abaotem Job 2:9

Den waef blong hem hemi tok olsem long hem, “?Waswe nao, yu gohed fo falom stretfala wei nomoa? !Hemi moabeta yu tokspoelem God an yu dae nao!”

Stori abaotem Job 29:14

Long datfala taem, stretfala wei hemi olsem kaleko blong mi, an wei fo mekem evrisamting stret, hemi olsem kaleko wea mi werem olowe.

Stori abaotem Job 31:6

Letem God hemi makem laef blong mi, mekem hemi lukim wea mi nating duim eni nogud samting.

Stori abaotem Job 31:7

Sapos mi lusim gudfala wei blong God, o sapos mi aftarem nomoa wanem mi bin lukim, o sapos han blong mi hemi mekem mi fo sin,

Stori abaotem Job 32:1

Bikos Job hemi barava biliv wea hemi stret nomoa, trifala fren blong hem i givap nao an no ansarem hem moa.

Stori abaotem Job 32:2

Bat long datfala taem, wanfala man hemi stap wea nem blong hem nao Elihu. Hemi san blong Barakel long laen blong Bus, an Bus ya hemi long laen blong Ram. Elihu hemi kros tumas long Job, bikos Job hemi sei wea hemi wanfala stretfala man, an hemi gohed fo talem dat God nao hemi no stret.

Stori abaotem Job 32:3

Elihu hemi kros tu long trifala fren blong Job, bikos trifala no save givim ansa long toktok blong hem, bat olketa jajem hemi olsem hemi fit fo panis.

Stori abaotem Job 33:9

Yu bin talem dat yu stret fogud an yu no sin. An yu bin talem dat yu klin long ae blong God an yu no fit fo panis.

Stori abaotem Job 42:7

Bihaen Yawe hemi toktok finis wetem Job, hemi tok olsem long Elifas from Teman, “Mi kros tumas long yu an tufala fren blong yu ya, bikos yufala nating toktru abaotem mi, olsem toktok blong wakaman blong mi Job.

Stori abaotem Job 6:29

Yutrifala mas tingting moa long mi. Mi laekem yutrifala fo no duim eni rong samting. Yutrifala mas tingim mi moa, bikos nogud yutrifala no lukim stretfala wei blong mi.

Provebs 17:15

Sapos jaj hemi letem man nogud hemi gofri, o mekem gudfala man hemi panis, Yawe hemi les long tufala wei ya.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

Galesia 2:11

Bat bihaen, taem Pita hemi stap long Antiok, mi go long hem an barava tok agensim hem bikos wanem hemi duim hemi no stret.

Diutronomi 25:1

“Taem tufala man i raoa, tufala mas go long kot fo stretem. Nao jaj bae hemi talemaot hu nao hemi stret, an hu nao hemi fitim fo garem panis.