Stori abaotem Job 27:16 - Pijin Bible

^16-17 An nomata hemi garem staka seleni, olketa stretfala pipol bae searem olketa seleni ya. Ya, nomata hemi hipimap staka kaleko, bat olketa gud pipol nao bae werem.

Pijin Deuterocanon

^16-17 An nomata hemi garem staka seleni, olketa stretfala pipol bae searem olketa seleni ya. Ya, nomata hemi hipimap staka kaleko, bat olketa gud pipol nao bae werem.

Stori abaotem Job 27:16 ပူးပေါင်းရင်းမြစ်များ

1 Kings 10:27

Solomon hemi mekem silva fo kamap plande fogud long Jerusalem olsem ston nating nomoa. An hemi mekem timba blong sida tri hemi kamap plande fogud olsem enikaen timba wea hemi grou olobaot nomoa long olketa hil.

Esta 8:1

Long sem de, king hemi givim Esta evrisamting blong Haman, disfala enemi blong olketa Jiu. An Esta hemi talem king wea hemi kasin sista blong Modekae. So king hemi letem Modekae fo kam insaet long haos blong hem.

Stori abaotem Job 15:29

Olketa risis blong hem bae i finis, bikos olketa samting wea hemi garem hemi nating save stap longtaem long disfala wol.

Stori abaotem Job 20:10

Nomata man ya hemi no olo yet, an bodi blong hem hemi strong yet, bat no longtaem bae hemi dae, an bae olketa berem hem long graon. Den olketa pikinini blong hem bae i mas sensimbaek olketa samting wea hemi stilim from olketa puaman. Ya, bae olketa mas givim gobaek olketa risis blong hem.

Stori abaotem Job 22:24

Yu mas torowem gol blong yu, ya, barava lusim nambawan gol blong yu.

Stori abaotem Job 27:15

An samfala bae dae long ravis sik. Nomata olketa waef blong olketa ya, bae i no save krae fo olketa.

Stori abaotem Job 3:15

Sapos mi bin dae, ating distaem mi gohed fo slip gudfala nao olsem olketa sif hu i dae nomata olketa haos blong olketa i bin fulap long gol an silva.

Provebs 13:22

Gudfala man save givim plande gud samting fo olketa grani blong hem. Bat olketa samting blong nogud man i go long olketa stretfala pipol.

Eklesiastes 2:26

Oltaem God hemi givim waes an save long olketa hu i obeim hem, an hemi mekem olketa i hapi tu. Bat God hemi mekem olketa nogud pipol wakahad tumas fo kasem olketa gudfala samting, an hipimap fo givim go long olketa ya hu i mekem God hapi. Hem tu hemi no fitim tingting blong yumi. Hemi olsem wea olketa aftarem nomoa win.

Habakuk 2:6

(Profet) Olketa pipol blong evri kantri wea Babilonia hemi winim long faet, bae i tingdaonem olketa blong Babilonia an tokspoelem olketa. Bae olketa tok olsem, ?!Sore tumas long yufala hu i gohed fo tekem staka samting wea i no blong yufala! ?Hao long nao bae yufala gohed fo fosim olketa narafala pipol fo givim bikfala seleni long yufala, mekem yufala save kamap ris??

Sefenaea 1:11

An yufala kolsap long maket, taem yufala herem olketa samting ya, bae yufala krae bikfala, bikos olketa bisnisman bae dae.

Sekaraea 9:3

Olketa pipol blong Taea bin wakem strongfala sefples, an i hipimap plande silva an gol long ples blong olketa. Olketa garem plande tumas olsem dast long olketa rod.

Matiu 6:19

An Jisas hemi sei moa, “Yufala mas no hipimap olketa risis blong yufala long disfala wol. Bikos olketa kokoros an rasta i save spoelem nomoa, an olketa man fo stil olketa save brekem haos fo stilim risis ya tu.

Jemes 5:2

Risis blong yufala i gohed fo roten finis. An olketa kaleko i nogud tu.