Stori abaotem Job 26:6 - Pijin Bible

⁶ God hemi lukim nomoa evriwan long ples blong olketa man dae. No eniwan save haed long Abadon.

Pijin Deuterocanon

⁶ God hemi lukim nomoa evriwan long ples blong olketa man dae. No eniwan save haed long Abadon.

Stori abaotem Job 26:6 ပူးပေါင်းရင်းမြစ်များ

Stori abaotem Job 11:8

Paoa blong God hemi hae tumas winim skae, an hemi barava had tumas fo yu save long hem. Olketa dip samting i dip tumas winim grev, bat yu nating save nomoa long ples ya.

Stori abaotem Job 28:22

Olketa long ples blong man dae, i herem lelebet toktok nomoa abaotem ples wea waes hemi stap an hao fo kasem hem.

Stori abaotem Job 3:13

Sapos mi dae yet long datfala taem ya, ating distaem mi res gudfala nao from enikaen trabol.

Stori abaotem Job 31:12

Diskaen sin fo durong hemi olsem bikfala faea long hel, an hemi save bonem evrisamting wea mi garem.

Stori abaotem Job 38:17

?Waswe, yu bin lukim finis, doa long ples ya blong olketa man dae wea hemi barava tudak tumas?

Stori abaotem Job 41:11

?Hu nao save tok agensim mi mekem mi stretem samting? No eniwan nao, bikos mi nao mi kontrolem evrisamting long disfala wol.

Stori abaotem Job 9:5

Enitaem nomoa hemi save muvum olketa maonten, an taem hemi kros, hemi save brekemdaon olketa maonten nomoa.

Sams 139:11

Sapos mi askem tudak fo haedem mi, o mi askem delaet fo kamap naet,

Sams 139:8

Nomata mi goap long heven, bat yu long dea finis. An nomata taem mi dae an godaon insaet long grev, bat yu long dea finis tu.

Sams 88:10

?Waswe, olketa mirakol ya wea yu mekem, yu tingse bae olketa man hu i dae finis i save lukim? !Olketa man hu i dae finis i no save stanap moa fo preisim yu ya!

Provebs 15:11

Sapos Yawe hemi save luk insaet long ples blong olketa man i dae, oraet, hemi save luk insaet long haat blong man.

Provebs 27:20

Man hu hemi gridi fo enikaen samting, hemi olsem ples blong olketa man wea i dae, hemi no save fulap.

Aesaea 14:9

“!King! Long Grev, olketa redi finis fo yu godaon long dea. An spirit blong olketa hu i bin lida long disfala wol bae i wekap fo welkam long yu. Ya, spirit blong olketa king long wol ya, bae i lusim olketa tron blong olketa fo joenem yu.

Daniel 2:22

God nao hemi save somaot olketa samting wea hemi staphaed, an olketa samting wea hemi had fo faendemaot mining blong olketa. Hemi save long evrisamting wea hemi staphaed long tudak, an oltaem nomoa laet hemi stap raonem hem.

Emos 9:2

Nomata olketa trae fo godaon fo haed insaet long grev, bae mi save tekem olketa nomoa fo kamap long antap. An nomata olketa trae fo ranawe goap long skae, bae mi save tekem olketa nomoa fo kamdaon.

Hibrus 4:13

Long evrisamting wea God hemi mekem, no enisamting nao i save haed long hem. Hemi lukim evrisamting barava klia tumas. An wanfala de, bae yumi stanap frant long God fo hemi jajem yumi long evrisamting yumi bin duim.

Revelesin 9:11

Olketa garem tu wanfala king hu hemi rul ovarem olketa, wea hemi wanfala enjel hu hemi bos long disfala hol wea hemi barava dip tumas. An long langguis long Hibru, nem blong enjel ya “Abadon”, an long langguis long Grik, hemi “Apolion” wea hemi minim “Man fo spoelem evrisamting.”