Stori abaotem Job 25:3 - Pijin Bible

³ No eniwan nao save kaontem olketa enjel insaet long ami blong hem. An laet blong hem hemi saenaot go long evri ples.

Pijin Deuterocanon

³ No eniwan nao save kaontem olketa enjel insaet long ami blong hem. An laet blong hem hemi saenaot go long evri ples.

Stori abaotem Job 25:3 ပူးပေါင်းရင်းမြစ်များ

Jemes 1:17

Evrisamting wea hemi gud tumas hemi save kamdaon from heven. God nao hemi givim kam olketa gudfala samting, an hemi no save sensim wei blong hem. Olketa samting long skae wea God hemi bin mekem fo saen kam, olketa save sens olowe, bat wei blong God, hemi no save sens.

Matiu 5:45

Sapos yufala duim olsem, bae yufala kamap olketa pikinini blong Dadi blong yufala long heven nao ya. Yufala lukim, God hemi mekem san long skae fo saen antap long olketa gud pipol an long olketa pipol wea olketa garem sin tu. An hemi mekem ren fo kamdaon long olketa stretfala pipol an long olketa wea olketa no stretfala tu.

Revelesin 5:11

Nao taem mi luk go moa, mi herem singsing blong plande milion enjel an blong plande moa wea hemi had fo kaontem olketa. Olketa stanap raonem tron wetem fofala animol an olketa bikman ya.

Gudnius abaotem Jisas Kraes wea Jon hemi raetem 1:9

Disfala laet hemi barava tru laet wea hemi kam long disfala wol an saen long evriwan.

Gudnius abaotem Jisas Kraes wea Jon hemi raetem 1:4

Tru laef hemi stat kam long hem. An disfala tru laef ya hemi olsem laet wea hemi saen go long olketa pipol.

Matiu 26:53

?Waswe, yu no save nomoa dat Dadi blong mi hemi save helpem mi sapos mi askem hem? Hemi save sendem kam kuiktaem nomoa plande taosen enjel fo sevem mi.

Daniel 7:10

An faea wea hemi gohed fo kamaot long tron ya, hemi gohed fo ran olsem wanfala riva. Plande taosen pipol wea no eniwan save kaondem i stanap frant long hem, olketa redi fo duim wanem hemi laekem. Taem olketa jaj i sidaon, olketa openem nao olketa kot buk.

Aesaea 40:26

!Yufala lukap go long skae! ?Hu nao hemi mekem olketa sta? God nao hemi mekem an hemi putum olketa long barava ples blong olketa, an hem tu hemi givim olketa nem long olketa. An bikos hemi barava strong tumas an hemi garem evri paoa, no eni sta save lus from ples blong hem.

Stori abaotem Job 16:13

Hemi sutim mi kam long evri saet. Hemi nating sore long mi, an olketa aro blong hem i mekem mi garekil nogud tumas long bele blong mi, go-go insaet long bele blong mi i ran goaot long graon.

Stori abaotem Job 25:4

?Hu nao hemi stret nomoa long ae blong God? Ating no eniwan wea hem bon kam long wol hemi klin long ae blong God.