Stori abaotem Job 24:4 - Pijin Bible

⁴ Olketa stopem olketa pua pipol fo no wakabaot long rod. So, olketa pua pipol ya i ranawe an haed from olketa hu i mekful long olketa.

Pijin Deuterocanon

⁴ Olketa stopem olketa pua pipol fo no wakabaot long rod. So, olketa pua pipol ya i ranawe an haed from olketa hu i mekful long olketa.

Stori abaotem Job 24:4 ပူးပေါင်းရင်းမြစ်များ

Stori abaotem Job 24:14

Long tudak, olketa man fo kil i getap nao, an goaot fo kilim dae olketa pua pipol. Ya, olketa wakabaot long naet fo stil.

Stori abaotem Job 29:12

Olketa duim olsem bikos, mi bin helpem pua pipol hu i krae kam long mi, an mi bin lukaftarem olketa pikinini wea mami an dadi blong olketa i dae finis.

Stori abaotem Job 29:16

Long datfala taem, Mi lukaftarem olketa pua pipol olsem wea mi dadi blong olketa, an taem trabol hemi kasem olketa strensa, mi nao mi toktok long saet blong olketa long kot.

Stori abaotem Job 30:25

Mi bin gohed fo krae wetem olketa pipol wea trabol hemi kasem olketa, an mi sore tumas long olketa pua pipol.

Stori abaotem Job 31:16

Oltaem nomoa mi helpem olketa puaman, an mi strongim tingting blong olketa wido.

Stori abaotem Job 31:19

Taem mi lukim wea olketa pua pipol i no garem kaleko, an olketa dae long tukol,

Sams 109:16

“Man ya, hemi no save kaen long eniwan. Oltaem nomoa hemi spoelem an hemi kilim dae olketa pua pipol wetem olketa hu i barava sore tumas.

Sams 41:1

Olketa pipol wea i gohed fo tingim olketa pua pipol, olketa ya nao i hapi, bikos Yawe bae hemi helpem olketa taem trabol hemi kasem olketa.

Provebs 14:31

Man hemi mekful long puaman, hemi tingdaonem God hu hemi mekem man. Man hemi kaen long puaman, hemi tinghae long God.

Provebs 22:16

Wanfala man mekful long puaman fo kamap ris, narafala man givim presen long risman, tufala evriwan save lus.

Provebs 28:12

Taem olketa stretfala man i holem paoa, pipol i hapi tumas. Bat taem olketa man nogud i kasem paoa, pipol i haed.

Provebs 28:28

Taem olketa ravis pipol i kasem paoa, pipol i haed. Bat taem ravis pipol i lus, stretfala pipol kasem paoa.

Provebs 30:14

Samfala man i olsem wael animol, olketa laekem tumas fo mekful long pua pipol, olketa fit nomoa fo spoelem pipol hu garem hadtaem.

Aesaea 10:2

Olketa duim diswan mekem olketa hu i pua an olketa wea trabol hemi kasem olketa, fo no garem olketa samting wea hemi barava blong olketa. Oltaem, olketa gohed nomoa fo stilim evrisamting blong olketa wido, an olketa mekful nomoa long olketa pikinini wea mami an dadi blong olketa i dae finis.

Esikiel 18:12

Hemi gohed fo spoelem olketa puaman an gohed fo stil. An hemi save holembaek enisamting wea man hemi putum wetem hem, fo yusim fastaem wanfala samting blong hem. Taem disfala man hemi tekem kambaek wanem blong hem, hemi no save givim gobaek wanem man ya bin lusim wetem hem. Hemi gohed fo go long olketa hiden ples fo wosip antap long olketa hil, an hemi gohed fo wosipim olketa ravis kaving wea hemi barava nogud tumas.

Esikiel 18:18

Bat bikos dadi blong hem hemi gohed fo mekem olketa pipol safa, an gohed fo stil, an gohed fo duim olketa ravis samting fo olketa pipol blong hem, hem nao bae hemi mas dae fo evri sin blong hem.

Esikiel 22:29

Olketa pipol gohed fo ravem pipol an stil from olketa. Olketa gohed fo mekem hadlaef fo olketa puaman an olketa hu i no garem paoa. Ya, olketa gohed fo mekem olketa strensa safa tu. Ya, olketa nating duim samting wea hemi stret long olketa.

Emos 2:7

Yufala hu i garem paoa, i olsem wea yufala step long olketa pua pipol, an yufala nao i stopem olketa fo no garem olketa gudfala samting. Wei blong yufala, wea man hemi durong wetem wanfala yang woman, an bihaen, dadi blong hem hemi slip moa wetem disfala sem woman, hemi barava nogud tumas. Disfala wei ya nao hemi spoelem finis nem blong mi.

Emos 4:1

(Profet) Yufala olketa ris woman long Samaria, yufala barava fat fogud olsem olketa buluka long Basan. Yufala mas lisin gudfala long disfala toktok. Oltaem yufala gohed fo tritim nogud olketa hu i no save faet, an yufala gohed fo daonem olketa pua pipol. An oltaem yufala tokstrong long olketa hasban blong yufala fo tekem kam staka waen fo yufala.