Stori abaotem Job 22:12 - Pijin Bible

¹² God hemi stap kam long ples wea hemi hae tumas. Nomata olketa sta i hae, bat God hemi luk daon kam long olketa nomoa.

Pijin Deuterocanon

¹² God hemi stap kam long ples wea hemi hae tumas. Nomata olketa sta i hae, bat God hemi luk daon kam long olketa nomoa.

Stori abaotem Job 22:12 ပူးပေါင်းရင်းမြစ်များ

Stori abaotem Job 11:7

?Waswe, yu tingse yu save long olketa dip samting abaotem God? ?Waswe, yu save kasem en blong paoa blong God hu hemi garem evri paoa?

Stori abaotem Job 11:8

Paoa blong God hemi hae tumas winim skae, an hemi barava had tumas fo yu save long hem. Olketa dip samting i dip tumas winim grev, bat yu nating save nomoa long ples ya.

Stori abaotem Job 35:5

Yu luk goap long skae an lukim olketa klaod ya, olketa stap hae tumas from graon. God hemi hae moa.

Sams 115:16

Heven hemi ples blong Yawe, bat wol ya, hemi givim long man.

Sams 115:3

God blong yumi hemi stap long heven, an hemi garem paoa fo duim evrisamting wea hemi laekem.

Eklesiastes 5:1

Yu mas tingting gudfala taem yu go long Tambuhaos blong God. Hemi gud tumas fo yu go long ples ya fo lisin gudfala long dea, bat i no fo mekem sakrifaes olsem olketa krangge man. Olketa ya i nating save dat wanem olketa duim hemi no stret.

Eklesiastes 5:2

Yu mas tingting gudfala fastaem bifoa yu talem enisamting, an yu mas no hariap fo mekem promis long God. God hemi stap long heven, an yu stap long wol, so yu no toktok tumas.

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Aesaea 66:1

Yawe nao hemi tok moa olsem, “Heven nao hemi tron wea mi sidaon long hem fo rul, an wol nao hemi ples wea mi putum lek blong mi long hem. ?Waswe, yufala tingse yufala save mekem wanfala haos fo mi stap long hem? ?Yufala tingse yufala save mekem wanfala ples fo mi res long hem? Nomoa nao.