Stori abaotem Job 13:5 - Pijin Bible

⁵ Sapos yutrifala no tok, samfala man maet tingse yutrifala waes.

Pijin Deuterocanon

⁵ Sapos yutrifala no tok, samfala man maet tingse yutrifala waes.

Stori abaotem Job 13:5 ပူးပေါင်းရင်းမြစ်များ

Stori abaotem Job 11:3

?Waswe, yu tingse mitrifala mas stap kuaet? Olketa toktok blong yu i nogud, so mitrifala mas tokstrong long yu.

Stori abaotem Job 13:13

!Yutrifala stap kuaet, an letem mi toktok fastaem! Mi nating wari nomoa long wanem bae hemi hapen long mi.

Stori abaotem Job 13:6

Lisin kam long poen blong mi, an herem kam toktok blong mi.

Stori abaotem Job 16:3

?Wataem nao olketa yusles toktok blong yutrifala bae finis? ?Wanem nao hemi mekem yu fo tok kam long mi olsem?

Stori abaotem Job 18:2

?Wataem nao bae yu finisim toktok ya? Sapos yu lelebet waes, bae mifala save toktok gud wetem yu ya.

Stori abaotem Job 19:2

?Hao long nao bae yutrifala gohed fo toktok fo mekem mi safa?

Stori abaotem Job 21:5

Yutrifala tingting kam long evrisamting wea i kasem mi, an seke long hem, den satem maos blong yutrifala.

Stori abaotem Job 32:1

Bikos Job hemi barava biliv wea hemi stret nomoa, trifala fren blong hem i givap nao an no ansarem hem moa.

Stori abaotem Job 32:16

Trifala nating garem enisamting moa fo talem, so mi no save jes stap an weit nomoa.

Provebs 17:28

Yu save, nomata man hemi krangge, olketa tingse hemi waes an garem save sapos hemi no tok.

Eklesiastes 5:3

Taem yu wari tumas, bae yu lukim olketa drim. An taem yu toktok tumas, bae yu save talem olketa krangge toktok.

Emos 5:13

Ya, long taem olsem diswan wea olketa ravis pipol i spoelem narafala pipol olsem yufala ya duim, man hu hemi laek fo talem tru samting long kot, hemi sud stap kuaet nomoa.

Jemes 1:19

Olketa gudfala fren blong mi, yufala mas save long diswan. Yufala mas wiling fo lisin, an yufala mas no kuiktaem fo tok an no kuiktaem fo kros.