Stori abaotem Job 13:11 - Pijin Bible

¹¹ Bikfala paoa blong hem bae hemi mekem yutrifala seksek fogud, an bae yutrifala barava fraet tumas long hem.

Pijin Deuterocanon

¹¹ Bikfala paoa blong hem bae hemi mekem yutrifala seksek fogud, an bae yutrifala barava fraet tumas long hem.

Stori abaotem Job 13:11 ပူးပေါင်းရင်းမြစ်များ

Stori abaotem Job 13:12

Olketa waes toktok blong yutrifala, i ravis samting nomoa olsem asis. An olketa strongfala tok blong yutrifala, i no save gadem yutrifala bikos i samting nating nomoa.

Stori abaotem Job 13:21

Fas samting nao, no gohed fo panisim mi. Mektu samting nao, no gohed fo mekem mi fraet.

Stori abaotem Job 31:23

Mi nating laek fo duim eni ravis samting long pua pipol, bikos mi fraetem paoa blong God, an mi wari olsem maet hemi spoelem mi.

Sams 119:120

Mi barava seksek fogud bikos mi fraetem yu. Ya, taem mi tingim wei wea yu jajem pipol, mi barava fraet fogud.

Eksodas 15:16

Bae bikfala fraet tumas i kasem olketa, an tingting blong olketa bae i barava nogud tumas. Lod Yawe, long bikfala paoa blong yu, olketa stap kuaet nomoa olsem wanfala ston, go-go kasem taem wea mifala pipol blong yu, wea yu bin peimaot mifala fo go fri, mifala gopas long olketa.

Aesaea 8:13

Mi nao Yawe hu mi garem evri paoa, an mi holi tumas. Mi nomoa yu mas tinghae long mi an fraetem mi.

Jeremaea 10:10

Bat yu Yawe, yu nomoa yu tru God. Yu God wea yu laef, an yu King wea yu stap fo evritaem olowe. Taem yu kros, evri ples long wol hemi seksek, an no eniwan long olketa narafala kantri hemi fitim fo stanap strong.

Jeremaea 5:22

Mi Yawe nao ya. Yufala lukim bikfala solwata. Mi nao putum sanbis olsem spialaen wea solwata ya kanduit gopas long hem. Nomata solwata hemi raf fogud an hemi biksi tumas, bat bae hemi no save ovam mak ya. ?Waswe nao yufala no save fraetem mi? ?Waswe nao yufala no seksek long ae blong mi?

Matiu 10:28

Yufala mas no fraetem olketa pipol wea olketa save kilim dae bodi blong yufala bat olketa no save fo kilim dae spirit blong yufala. Bat yufala mas fraetem God hu hemi garem paoa fo barava spoelem bodi blong yufala an spirit blong yufala tu insaet long hel.